HAGAI 1:9 - Biblía Axweesantá Hhohho' ar Mungú 2004

⁹ AAKOÓ MUNGÚ Aleesleemusmo i kaahi, «Muruú yaariír una haraxué', ala naxés kwa sleeré' ku ureeká, slám kuwa dír maráy hubé', án ngway ufaáhh ngway ilaahúng wa qwaareés. Asma milá? Asma dooeé' kudá' hoót baraá hhituru'uumár wa alé, amorqae umuú heewo do'ós gun /aamaa/án.

HAGAI 1:9 Iomraidhean Croise

2 SAMUELI 21:1

Qoomár Daudi tawa waawutmo, giyér ur nina tleér baraá yaamuwo. Giyeérí ina kumaamít baraá yaamuwo ay kureeri tám. Daudi AAKOÓ MUNGÚ guri firín gawaá daanduú kaangwihe. AAKOÓ MUNGÚ Daudi guri báy, «Saulo nee múk do'ose a tlakuuse, asma inooín tseerdaá muu ngaa ku'umaamisiyé', inós múk Gibeoni guna tsuú/.»

2 SAMUELI 22:16

AAKOÓ MUNGÚ ngiwa i gahhaát, ar hinsluú baraá dungaawós daáhh, iloodá' baraá tlabeemo nari geehhouyé', iihhafirír yaamu iri geehhouúr.

2 WAAWITÁ 19:7

Qaytsiít, aníng waawutmo u dae tsaát, inós kun lamtá báy, iri waatl ayaawós, amoodár ayaawose kuri gaas ar paánga.› »

YOBU 10:2

Mungú un baw, «Án mi sakwasleemutaar, ala na xu'utisáng gár án nee kuúng tis tlampa'amisaan.

AXWEESANOÓ SAGALOOA 11:24

Heé gurhhoó' muruuwós hanmisuuwo, daqaari'iimarós in ak doogiín. Ala /akusmo in ak narkuut.

AXWEESANOÓ SAGALOOA 27:20

Gi'i nee hhituru'uuma i baloó hhe'eesiaaká, tam ilaá hee sleeme i baloó hhe'eesiaaká.

DAHARUSMO 1:8

Umuú gaaro i slaaqatimís, slaaqamaayér hee ooaro i aslayká, ila xumsooro i hhe'eská, tam iia axamisuwo i hhe'eská.

ISAYA 40:7

Gitso in kát, nee /ayo in /óts, AAKOÓ MUNGÚ fur'a birnga fukuku'uús gawaadár alé. Ar tsuwa ló' muu a adór gitso.

ISAYA 5:10

Qaymór eéka mibaangw ar sabiíbu gár i dux a liíta dakaát kilós ar difaái. Heé kílór tsiiru ar balaangw gaa dahaas, gár i bui a kílo mibaangw ar balaangw.»

YEREMIA 12:13

Muk'eé' angaáno nguna dahaasiyé', ala gár naa buiyé' a slaamboqáy. Inooín ilakaaharu nguna mak tleehhiyé', ala aqo tawo. Asma buhhtaeé' kudá' xaraasla'a bu'úngw taa sláy a mure.»

ESEKIELI 21:31

Aníng nun i buúhh, asltá buhhtaaeé' an gawaahúng ar ufaáhh. Nu qaás gawaá dabaá wakuuserhúng tidá' xaraasl, múk kuungá' nu lo'wa baál tsu/utaaro.

TLAHHOÓ LAÁWI 19:25

Ala mamaá kurkú kooán wa iimu/uuma in /agá', nee bu'ungwhúng iri doogín. Aníng an AAKOÓ MUNGÚ, Munguúhúng.

HAGAI 1:4

«Xáy, qoomaarí an qoomár kuungá' tawa hotá'a baraá maraá taa parootuús wa alé ar peehháy, amorqae do'owí i baraá hhituruutár wá iwiwiit.»

HAGAI 1:6

Dahaasíngw yaariír una dahasé', bu'uungw kwaa sleeré' ku ureeká. A mak /ayiindá' ala a axiinda'aaká. A wahaandá' ala a waxe gwagwa'aandaaká. Ti mak untsuumisá' ar tlaba', ala heé axwnoó slasláw i kaahh. Nee kudá' ta peésár bu'un a peésaadá' gan qamín baraá tlakoó aa foox.»

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

DABE 28:38

«Kuúng dahaasíngw yaariír un dahasiín, ala bu'uungw ku sleer ku ureeká, asma ingigi balangók gun /ák.

Geehhoeemaá 2:4

Ala aníng axweesantaka a koóm daanduuwoge, ‹Kuúng sla'aarirók tidár geera aga meér.›

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.