HAGAI 1:8 - Biblía Axweesantá Hhohho' ar Mungú 2004

⁸ Tsa/amé' gawaá tlom'i, xaai huwaare', do' ku tlehhá', daqaní aníng us qwalaá/, aníng muu iri xirfayees.»

HAGAI 1:8 Iomraidhean Croise

1 WAAWITÁ 6:1

Kurkú tsiire tsiyáhh nee mibeeri dakaát alaá múk Israeli niwa yaamaá Misrír wa ti'iít, kurkú tsiyáhh oo waawuti'iimár Solomonuwo daanduú Israeliwo, slahhángw tsár oo ta babay slahhángw Sifu, Solomon Doó AAKOÓ MUNGÚ guna iimu/ún tlehhmuuwo.

1 WAAWITÁ 9:3

AAKOÓ MUNGÚ guri báy, «Aníng firoorók nee saaliingók kudá' iwa firiín iga axaás. Do'owí kuúng taa tléhh aníng ugwa hhoohhooeés as niwa baraaká' wa hoot daqisleém, slám malé alé, aníng un slaá' nee un xuúm qooma sleémeero.

1 QOM'I 22:19

Gimsé', daxta AAKOÓ MUNGÚ, Munguúhúng, leelehhaak ar inslawayhúng nee ar munerhúng sleémeero. Tlawsé', doó AAKOÓ MUNGÚ tleehhaak, as kahhó' sandakmoó alqado oo Mungú nee xosluudá' hhohho' kawa qaasi baraá do'oduú AAKOÓ MUNGÚ.»

2 QOM'I 7:16

asma aníng diirí aga hhoohhooeés nee aga tsawaár tawa dír muu aníng iwa sluufmiisi daqisleém. Aníng diirí a xuúm nee ngiri slaá' daqisleém.

ESRA 3:7

Inooín peésa kari haniís dír qwatsiiruuse nee múk hhasliít, muruú /ayma nee oo wahaangw nee di/ito kina haniís dír múk Sidoni nee oo Tiro as xaa'aá sahhta kingiwa tsati gawaá tloomár Lebanonír wa ale, nee kingiwa huwi ar baraá tlawi ay gixsár Yopa, ar adoodá' Koreshi waawutmoó Persia ngira pa/ángwií haniís.

ESRA 6:4

Masók koo/irós kan tleehh hhai tám awa tlaa/eedá' uren, nee hháw wák oo xaai gawaá daanduú kuduú tlaa/eewo. Bu'utuú muruuwí kungu baraá daqaari'iimár waawutmoó wa duuxi.

TI'INAANGW 29:43

Aníng nee xoorór Israeli tin didaádií dogiitaán, nee xirfuueé' heémaadá' gari hhoohhoees.

ISAYA 60:13

Xirfuú Lebanoni kungu huuw dirógí ale, peehhoó xaa'aá ta bay beroshi, nee fínje nee sunobaári ki dooér parootuus. Aníng didá' ni hoot an xirfayeés.

ISAYA 60:7

Daqoroó bee/aangw oo Kedari kungu diróg i burumbuur. Gwaandaawér Nebayoti kari ilahhooár da/tá wa hanís, gwaandaweedá' kari ya/án gawaá kitangw'eé' oo ilahhooaro. Nee dooeé' kudá' xiríf nguri xirfayeés.

ISAYA 66:11

Kuungá' inós an du'uundá' tari axá', adór na/oó iseemaá aayorós gi du'uúm. Kuungá' sla'aarirós an watá' tari qwala/á' as yaareemaá xirfuuwós.

HAGAI 1:7

AAKOÓ MUNGÚ Aleesleemusmo gár i kaahi a tí, «Lohduuhúng alqaytsitaak.

HAGAI 2:7

Aníng xoordu sleémeero i daaraxaás, nee daqaari'iimár xoordu sleémeero kingi huuw baraá do'owí, aníng do'owí u hatsiís xirfuuwo. Anuú AAKOÓ MUNGÚ Aleesleemusmo tí ngina oó'.

HAGAI 2:9

Xirfuú alhhe'eesáy oo do'owí ku ak úr ta xirfuduú geeraawo, nee diirihe kuungá' nu diihhooárií haniís nee wayda, anuú AAKOÓ MUNGÚ Aleesleemusmo tí ngina oó'.»