HAGAI 1:6 - Biblía Axweesantá Hhohho' ar Mungú 2004

⁶ Dahaasíngw yaariír una dahasé', bu'uungw kwaa sleeré' ku ureeká. A mak /ayiindá' ala a axiinda'aaká. A wahaandá' ala a waxe gwagwa'aandaaká. Ti mak untsuumisá' ar tlaba', ala heé axwnoó slasláw i kaahh. Nee kudá' ta peésár bu'un a peésaadá' gan qamín baraá tlakoó aa foox.»

HAGAI 1:6 Iomraidhean Croise

2 SAMUELI 21:1

Qoomár Daudi tawa waawutmo, giyér ur nina tleér baraá yaamuwo. Giyeérí ina kumaamít baraá yaamuwo ay kureeri tám. Daudi AAKOÓ MUNGÚ guri firín gawaá daanduú kaangwihe. AAKOÓ MUNGÚ Daudi guri báy, «Saulo nee múk do'ose a tlakuuse, asma inooín tseerdaá muu ngaa ku'umaamisiyé', inós múk Gibeoni guna tsuú/.»

1 WAAWITÁ 17:12

/Ameenidá' guri beér, «Ar adoodá' AAKOÓ MUNGUÚWÓK ir hotaatina kudá' slaáf, gám aníng mukaatmo tumu niiná u koomaaká. Aníng gár ni koom a tsa/oó wák oo puurú ina meét baraá hutlaay, nee di/tá niiná baraá chupiito'o. Aníng hamí a diirií dirií', a migiruú sleemiís, nay waátl amór do', nay huuriím, naagáy án nee garmaaeé' tay /ayiimaán, tay qatlaán.»

NEHEMIA 5:2

Asma bahh'alé tana káh, «Atén nee daaqayrén nee dasuurene ti úr, ala masok angaáno un slawaán oo ta /ayaan as kahhó' mawa qatlaán.»

YOBU 20:22

Alhhe'eesoó diihhooaro slahh'amaaye gu xwát, muruú tlákw oo /uuruú koóm guri haraxopiit.

YOBU 20:28

Slasláwaarós kan xaampoiis, baalaadár buhhtaá Munguhe.

WARA'AMI 107:34

yaamaá xawuú koomá' giri warqeés tari hhapér diwi, asma múk tlákw oo baraadá' hoót.

AXWEESANOÓ SAGALOOA 11:24

Heé gurhhoó' muruuwós hanmisuuwo, daqaari'iimarós in ak doogiín. Ala /akusmo in ak narkuut.

ISAYA 5:10

Qaymór eéka mibaangw ar sabiíbu gár i dux a liíta dakaát kilós ar difaái. Heé kílór tsiiru ar balaangw gaa dahaas, gár i bui a kílo mibaangw ar balaangw.»

YEREMIA 12:13

Muk'eé' angaáno nguna dahaasiyé', ala gár naa buiyé' a slaamboqáy. Inooín ilakaaharu nguna mak tleehhiyé', ala aqo tawo. Asma buhhtaeé' kudá' xaraasla'a bu'úngw taa sláy a mure.»

YEREMIA 14:4

Doosluuse i gurhamút baraá muner'ine, sager'ín gari tuuntúk mureero, asma tluwaay iwa kahhi nee yaamu kiwa kaahaár.

YEREMIA 44:18

Ala iimidá' muruú mooyángw tsuú' kuwa mawaán da/a/aango dír waawuto'odár doori nee ilahhooár tsiririximis, atén aleemaá umuú gaa ina slawaán, nee tari hhaamiís ar slaqwara nee ar qwari.»

HOSEA 4:10

Inooín ta /ayín, ala ta axinká. Tan fuquus, ala ta dooginká, asma AAKOÓ MUNGÚ nguwa mayé' nee fuqi ngiri i xupuuiyé'.

HOSEA 8:7

Asma inooín gár ta dahamiisi a fur'a, inooín gár ta bu'un a bambaao. Hhaansli i balaalír koondaaká, balangw'ín i wa'amír konká, sleeme i puuruú konká. Ala tim i laqwaali, a dahaaye gun /ák.

TLAHHOÓ LAÁWI 26:20

/Uureemoohúng in tawo hhitiindá', asma qamuuhúng balaangw ngu hamareesiaaká, nee yaamuuhúng i mamaá laqwaliaaká.

TLAHHOÓ LAÁWI 26:26

Muruú /aymarhúng un /aareés, tam /ameenár mibaangw tla/afír wák gan wa huuriín, nun i qasmiisiyá' ar qoomaay. Tam alaá /aymaro kuungá' aqo qwaritá'.

HAGAI 1:10

Gawaá adoorihe, doori iga tseék tam baafoó niiná oo hara' i taxatiiká, nee yaamu sleeme kaa tseék tam mamuuín ngi duuxiaaká.

HAGAI 1:5

Gawaá adoorihe AAKOÓ MUNGÚ Aleesleemusmo i kaahi, «Lohduuhúng alqaytsitaak.

HAGAI 1:7

AAKOÓ MUNGÚ Aleesleemusmo gár i kaahi a tí, «Lohduuhúng alqaytsitaak.

HAGAI 1:9

AAKOÓ MUNGÚ Aleesleemusmo i kaahi, «Muruú yaariír una haraxué', ala naxés kwa sleeré' ku ureeká, slám kuwa dír maráy hubé', án ngway ufaáhh ngway ilaahúng wa qwaareés. Asma milá? Asma dooeé' kudá' hoót baraá hhituru'uumár wa alé, amorqae umuú heewo do'ós gun /aamaa/án.

HAGAI 2:16

Qoomár hee gár i harahhifi tawa guniyadaá mibeeri tsár awa balaangw, aluuwo naxés gár i slay tay guniyadaá mibaangw kilós, nee qoomár hee gár i harahhifi tawa quruntloó mibeeri kooán nguwa iihheeki, aluuwo naxés oo i slay a quruntloó mibeeri tsár.

HAGAI 2:17

Nuna slaáhh ar slahheemasi nee ar ququamó nee ar tluwoó tlaa/e, baraá gadiyeé sleémeero ar dabaahunge, ala naa amor'eé' ki/ii'iiká. Anuú AAKOÓ MUNGÚ Aleesleemusmo tí ngina oó'.

SEKARIA 5:4

AAKOÓ MUNGÚ Aleesleemusmo i kaahi, «Aníng lo'oorí an ya/aáw iri dát baraá maraá fisuuse nee baraá maraá mukdá' lo'ór lama ngi /aa/ayá', lo'oorí maray'ín giri eér, giri /ák tam waqas nee tla/uuwo.»

SEKARIA 8:10

Dír qoomaadá' ira xeeriiká heé gadiyeérose taa buú' i kaahh nee tam gadiyér makiito'o ar taa buú' i káhh, sleeme amohhooa i káhh dír heé daraaha, laqaá oo ti'imiita, asma wakuuse. Asma aníng umuú heewo una hara'awís nee mulqumoowós.

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

DABE 28:17

«Lakwaantirók ka lu'us as balaangw iwa /eetli, nee xooslaarók tidá' tar huuraariin kan lu'us sleeme as mikaátér ta huuriin iwa kahh.