HAGAI 1:11 - Biblía Axweesantá Hhohho' ar Mungú 2004

¹¹ Aníng qoomár slahhemasi ngi tleés baraaká yaamií ale, nee gawaá daandemaá tlom'i, nee baraá balaangw, nee gawaá difaáidá' /aben, nee baraá umuúqo gár di/tá duxuuma, nee baraá umuúqo gár yaamu i duxuna', nee gawaá muu, nee gawaá daanduú makaá ta de'en, nee gawaá daanduú gadiyeé sleémeero ar daba'.»

HAGAI 1:11 Iomraidhean Croise

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

2 WAAWITÁ 8:1

Elisha aáng /ameenidár Shunemúr hoot, tidá' na/aywós aa waaslee/atís, gana báy, «Tláw kiíng nee múk do'oge, lóh baraá yaamaá hatlá' awa kiíng tawa dahaayo'o, asma AAKOÓ MUNGÚ giyér kureeraá faanqw ngi tlees baraá yaamuukae.»

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

YEREMIA 14:2

Múk Yuda i tsuunqumiis, afér gixsaduuín aa sololo'ót, mukós aa yaamií huuhu'ún ta tsuunqumiis, nee múk Yerusalemu ta gáwtí tsee' /aa/eewo.

WA/AA/I 1:21

«/Ifor'eé' ngiwa axaasiyé', heé aníng iga gurkwa/as i kaahh. Wakuuser'eé' sleémeero slahh'amuueé' nguwa axaasiyé', tidá' kuúng taa tléhh ngina saqwalaa/iyé'. Baalaadá' taa al'axwés ni hardat, tidá' wakuuser'eé' slahh'amuú adór kwe'eé' kwí nguwa sleer.

AMOS 5:8

Kudá' tsatsee/ír Kilimía nee ar Orióni gaa tleehh. Kudá' ma/ami gaa matlaatle tleehh. Kudá' tlatla/aangw gwaa giwti tleehh. Kudá' ma'aá tlawi gaa burumbuur dinkwaárí ale giri ku'uús gawaá daanduú yaamu, umuuwós an AAKOÓ MUNGÚ.

AMOS 7:4

Aakoó MUNGÚ ina malé iigu'utúy laqán. Aníng niri qaytsiít, AAKOÓ MUNGÚ asla gana ateét as sakwasleema. Asltadá' iloodaá tlabeemo gina /ák, tam yaamaá kaahaar sleeme gina iimu/uún /aymaaro.

AMOS 9:6

AAKOÓ MUNGÚ dír hotaawós gaa tleéhh gawaá doori, yaamu giri harweér ar doori. Inós an kudá' ma'aá baraá tlawi gi ateét giri ku'uus baraá yaamaá kaahará', inós umuuwós ku bay AAKOÓ MUNGÚ.

HAGAI 2:17

Nuna slaáhh ar slahheemasi nee ar ququamó nee ar tluwoó tlaa/e, baraá gadiyeé sleémeero ar dabaahunge, ala naa amor'eé' ki/ii'iiká. Anuú AAKOÓ MUNGÚ Aleesleemusmo tí ngina oó'.

HAGAI 2:19

Xáy, dahaasiingw i baraá kuuntírií káhhi? Nee sabiíbuusíng, laqaá /aantsí, laqaá komamaánga, laqaá xaa'aá seituúni gár naa laqwaaliyé' i káhha? Ala iimír laarí wa tleemu án kuungá' nu tsuúq.»

MALAKI 3:11

Ingigtá bu'ungwhúng hhitiim án a iigahhaát, tam balángw hhaperhúng guri hhitiindaaká, tam sabiíbuuhúng mamuuwós gi paahhasiiká qoomaarós bira xeeriiká baraá qamuuwo.

MALAKI 3:9

Kuungá' tunda lu'ús ar lo'o, asma kuungá' nee xooroorí sleémeero aníng i al/agiindá'.

DABE 28:22

AAKOÓ MUNGÚ kuúng un slaahh ar hayaahaymó kaaharén nee ga/atani, nee um'i, nee ar tsee/amuú siiree/i, nee slahheemasi, nee bambaao, nee danuhe. Muruuwí sleémeero kuúng un sláy ay dír tay hhaan.