HAGAI 1:1 - Biblía Axweesantá Hhohho' ar Mungú 2004

¹ Bál slahhángw lahhoó' tawa wak oo kurkú tsár oo waawutmo Dario, AAKOÓ MUNGÚ ina axweés ar afkú aarusmo Hagai dír waawutmo Yuda kudá' ta bay Serubabeli, garmoó Shealtieli, nee dír kaahamusmoó úr oo Mungú kudá' ta bay Yoshua garmoó Yehosadaki.

HAGAI 1:1 Iomraidhean Croise

1 WAAWITÁ 10:15

Tí i dinkwaarooká nee sahaábuú aa sláy baraá weeramisuú wa alé, nee kuduú mukdá' halaanu'uumár tleéhh, nee oo waawituú Arabia, nee amór ga/aawuusér ayeemaá yaamaá Israeli.

1 WAAWITÁ 14:18

Múk Israeli sleémeero guri foól, kuri satsuunqumiís adoodá' AAKOÓ MUNGÚ ngira oó' ar loohír aarusmo Ahiya sagadiyusmoowós.

2 WAAWITÁ 14:25

Yaamaá aáng awa múk Israeli gina hayóh iimír dír Waarahhamaá Hamatír wa tleemu ay Tlawtá Araba. Adoorí an adoodá' AAKOÓ MUNGÚ aa oó' ar loohír sagadiyusmoowós aarusmo Yona, garmoó Amitai, heé yaamaá Gat-heferi.

1 QOM'I 3:17

Yekonia a kudá' taa huúw baraá lawaali'iimár yaamaá Babuloni, daaqaywós a kwí: Shealtieli,

1 QOM'I 3:19

Nee daaqoó Pedaya a kwí: Serubabeli nee Shimei. Daaqoó Serubabeli a kwí: Meshulamu nee Hanania, nee hho'or'ín a Shelomiti.

ESRA 1:8

Xosluudá' Koreshi, waawutmoó Persia giri ki/ís ar dákw Mitredati, kudá' peésár amohhe'eemiís, xosluuká' kina dír geeraá Sheshbasa wa fadiít, kuduú geeraharusmoó Yuda.

ESRA 10:18

Baraá tla/ángw kaahamuusér Munguhe awa /ameenár xoordaá hatlá' nga duxuutiye' a kuká': Hhay Yeshua garmoó Yehosadaki nee hhaeewós, Ma'aseya, nee Elieseri, nee Yaribu, nee Gedalia.

ESRA 2:2

Inooín tina alkoné' nee Serubabeli nee Yeshua, nee Nehemia, nee Seraya, nee Re'elaya, nee Mordekai, nee Bilshani, nee Mispari, nee Bigwai, nee Rehumu nee Ba'ana. Faarór hhawaataá tlahh'aá Israeli a tí:

ESRA 2:63

ga/aawusmo giri báy, inooín i harina'aaká muruú /aymaadá' hhohhó' nguwa /ayiya' ay dír kaahamusmoó Mungú nay hardihi ado ngiri oo' ar loohír Urimu nee Tumimu.

ESRA 3:2

Aluuwo Yeshua garmoó Yosadaki, ina sihhiít, nee kaahamuuseedár hatlá' nee Serubabeli garmoó Shealtieli, nee hhaeewós, inooín kitángw ilahhooár Munguú Israeli kuna tleéhh, as ilahhooár da/a kawa haniisi, adór kara gooín baraá hara'ayár Mose, heé Mungú.

ESRA 3:8

Qoomár slahhángw tsár oo kurkú tsár iimír inooín niwa hardihiyé' dír doó Mungú baraá Yerusalemu, Serubabeli garmoó Shealtieli, nee Yeshua garmoó Yosadaki nee hhaeeín awa hatlá', nee kaahamuuseero nee múk tlahhoó Laáwiwo, nee muu sleémeero, kudá' naa baraá looháy wa waatl ay Yerusalemu gadiyeé kari iimu/ún. Inooín múk tlahhoó Laáwi kuri qaás, kudá' kureeri mibeeri tsár gaa ay nee oo gi ba/abaá/, as gadiyér Doó Mungú kawa sagesihhiiti.

ESRA 4:2

Serubabeli nguri i tseewuyé', nee kudá' uren awa tlahh'aá baabi'i kiri báy, «Atén a tleehhitaán dinkwa nee kuungá', asma Munguúhúng un sluufmisaán adór kuungá' wa ale, atén un ilahhooár muruú ta tsu/i hanmamisaán iimír Esar-hadoni, wawutmoó Ashuru kudá' taa diirí huuw.»

ESRA 4:24

Doó AAKOÓ Mungú kuduú baraá gixsár Yerusalemu tlehhtuuwo kuri máy ay kurkú tsár oo waawuti'iimár waawutmo Dario, waawutmoó yaamaá Persia.

ESRA 5:1

Naagáy aaruuse, Hagai nee Sekaria garmoó Ido, tana aariirín dír múk Yahudi kuduú baraá yaamaá Yerusalemu nee Yuda, ar umuú Munguú Israeli.

ESRA 5:3

Qoomaadár kilae Tatenai, ga/aawusmoó yaamaá gayuú /uwa yaaér Eufratero, nee Shetar-bosenai nee hhaeeín múk Yerusalemu kuri i hardáh, kiri báy, «Do'owí kuwa alhhe'esa' tlehhmuuwo, heé ngwa oo' a heemá?»

ESRA 6:14

Nee bariisér múk Yahudi tay kumiít tlehhmuuwo, gadiyeé iri ya/aán ar adoodá' aaru'uumár aarusmo Hagai nee Sekaria garmoó Ido i diri'. Inooín tlehhmuú doó Mungú kuri hhe'eés ar adoodá' kira hara'ayín nee Munguú Israeli, nee ar adoodá' kara oó' nee Koreshi, nee Dario, nee Artashasta waawutmoó yaamaá Persia.

NEHEMIA 12:1

Gaarí an umér múk tlahhoó Laáwi nee ar kaahamuusér Mungú kudá' tinda ki/ís baraá looháy wa aleeró, dinkwa nee Serubabeli garmoó Shealtieli, nee kaahamusmoó úr Yoshua. Kaahamuuse an ín, Seraya, nee Yeremia, nee Esra,

NEHEMIA 12:10

Yeshua Yoyakimu guna laqwaál, Yoyakimu Eliashibu guna laqwaál, Eliashibu Yoyada guna laqwaál.

NEHEMIA 5:14

Iimír aníng tiwa qaás tawa ga/aawusmoó yaamaá Yuda kureeraá mibaá nee tsár iimír kurkú mibeeraá tsár ay kurkú mibeeri tám nee tsár oo waawuti'iimár waawutmo Artashasta, aníng muruú /aymaadá' ga/aawusmoó wa hariím ugwa /ayiiká, tam hhaee'eé' sleeme ngwa slay'iiká.

NEHEMIA 7:7

Inooín kingina geerahaár nee Serubabeli, nee Yeshua, nee Nehemia, nee Asariya, nee Ra'amia, nee Nahamani, nee Mordekai, nee Bilshani, nee Mispereti, nee Bigwai, nee Nehumu, nee Ba'ana. Gaarí an faarór hhawaataá múk Israeli.

NEHEMIA 8:9

Nehemia kuduú ga/aawusmo nee Esra kaahamusmoó Mungú nee goousmo, nee múk tlahhoó Laáwi kudá' muu gwaa intsaahhatis, muu sleémeero kuri báy, «Baalaarír laarí ka hhoohhoo' dír AAKOÓ MUNGÚ, Munguúhunge, ma tsuunqumisaara' laqaá sleeme ma /aa/amimaara'.» Asma muu sleémeero ina /aá/ /ayma'aá baraá kitaábuuduú dabe kiwa axaás.

TI'INAANGW 4:13

Ala Mose iri oó', «Aá Aakooeé', án kuúng u firiím, heé hatlá' ya/aaweek.»

HAGAI 1:12

Serubabeli garmoó Shealtieli nee Yoshua garmoó Yehosadaki, kaahamusmoó úr oo Mungú, dinkwa nee mukdá' sleémeero naa baraá looháy wa waatl, afór AAKOÓ MUNGÚ Munguúín ngiri iialooeesiyé', nee axweesanayduú aarusmo Hagaiwo, ar adór AAKOÓ MUNGÚ, Munguúín ngura ya/aáw. Muu AAKOÓ MUNGÚ guri ilaiwawaá/.

HAGAI 1:14

AAKOÓ MUNGÚ muunuú Serubabeli garmoó Shealtieli ga/aawusmoó Yuda guri dúk, nee muunuú Yoshua garmoó Yehosadaki, kaahamusmoó úr oo Mungú, nee munér mukdá' naa waatl baraá looháy wa ale. Tari tláy gadiyeé kawa tleehhamór ay baraá doó AAKOÓ MUNGÚ Munguúín oo Aleesleemusmo.

HAGAI 1:15

Adoorí iwa tleehharút a bál slahhángw lahhoó' tawa mibeeri tsár nee tsiyáhh, kurkú tsár iimír Dario iwa waawuti'ín.

HAGAI 1:2

Hagai iri oó, «AAKOÓ MUNGÚ Aleesleemusmo i kaahi, mukwí mis kaahi, ‹Qoomár Doó AAKOÓ MUNGÚ nguwa tleehhaan aa xeeriiká.› »

HAGAI 1:3

AAKOÓ MUNGÚ iri axweés ar afkú aarusmo Hagai, i kaahi,

HAGAI 2:10

Bál slahhángw gwaleél tawa mibeeri tsár nee tsiyáhh oo kurkú tsár oo waawutmo Dario, AAKOÓ MUNGÚ ina axweés ar afkú aarusmo Hagai, i kaahi,

HAGAI 2:20

Baalaadár kilá' slahhángw gwaleél tawa mibeeri tsár nee tsiyáhh, Hagai axweesantá AAKOÓ MUNGÚ gana malé axaás wa'aá tsare, i kat,

HAGAI 2:21

«Serubabeli ga/aawusmoó Yuda ku beer, ‹Aníng doori nee yaamu i diingiís,

HAGAI 2:4

Anuú AAKOÓ MUNGÚ a kah, ‹Tam adoorihe kuúng Serubabeli muuna hhe'eés, nee kuúng Yoshua, garmoó Yehosadaki, kaahamusmoó úr oo Mungú, muuna hhe'eés sleeme. Tam múk yaamuuká' sleémeero, anuú AAKOÓ MUNGÚ a kah, kuungá' sleeme muuna hhe'eesé', gadiyeé tleehhaak, asma aníng nee kuungá' a dinkwa. Anuú AAKOÓ MUNGÚ Aleesleemusmo tí ngina oó'.

SEKARIA 1:1

Slahhángw dakaát oo kurkú tsár iimír Dario waawutmoó Persia iwa waawuti'ín, aarusmo Sekaria garmoó Berekia garmoó Ido, axweesantá AAKOÓ MUNGÚ gana axaás ar kah,

SEKARIA 3:1

Aluuwo baraá iigu'utuueene Yoshua kaahamusmoó úr oo Mungú nguri ár, aa sihhiít geeraá malaykamoó AAKOÓ MUNGÚ, Neetlaangw sleeme aa sihhiít bartá dakós oo doó /iyáy as nguwa sakwasleemuuti.

MALAKI 1:8

Kuungá' ilahhooár muruú ta tsu/i ar gár taampa ngiwa hanmisa' ka hhoóe? Nee ilahhooár gár toqoori laqaá gár tiiq ngiwa hanmisa' ka hhoóe? Xáy muruú adór kwí bura hanís dír ga/aawusmoowók, ku hhoóe dirose? Gu ya/aána?» AAKOÓ MUNGÚ Aleesleemusmo ngina oó'.

Luka 3:27

garmoó Yohanani, garmoó Resa, garmoó Serubabeli, garmoó Shealtieli, garmoó Neri,