HABAKUKI 3:8 - Biblía Axweesantá Hhohho' ar Mungú 2004

⁸ Aá AAKOÓ MUNGÚ, kuúng anaqo búhhi gawaá yau? Laqaá anaqo tláwtí búhhi? Qoomár tawa tsa/aán gawaá farsuuwók, nee tawa tsa/aán gawaá gaarduwók kudaá arba/ati.

HABAKUKI 3:8 Iomraidhean Croise

WARA'AMI 104:3

Dír hotaangók ana tléhh daanduú ma'aydaá gawaá doori. Huunkáy un gaárirók tléhh, kuúng an fur'ár hi'iimít.

WARA'AMI 114:3

Tlawtá Shamu giri ilaagóp, yaaér Yordani iri tsék!

WARA'AMI 114:5

Aá tláwi, waáy masa góp? Yaaér Yordáni, ahaá kiíng ma'aay wa/asaro misa meér?

WARA'AMI 18:10

Iri tsa/án gawaá hhampa'aá keruúbi, ina fuuruú' ar /uuruú fur'a.

WARA'AMI 45:4

Baaliím, geera i kumiiteek ar /uuruuwók, looeema aleekalaa/eek nee tsaeema nee gan'amu, ar /uuruwoge muruú waa/oo/amo oo dae tlaáq u tléhh.

WARA'AMI 68:17

Gaardaá Mungú i /uuruú koná', ki ló'wa yaariir. Faaror'ín a kumér kúm. Aakoó Mungú nina Sinaír wa tláy, ay dirós tidá' hhoohhoo'.

WARA'AMI 68:4

Mungú i daa'aak, umuuwós xirfayeemisaak, loohír waarahhama geeraawós ti tlehhe', inós a kudá' baraá darmúr waaraáhh. Umuuwós a AAKOÓ MUNGÚ, baraa/é' dír geeraawós wa ale!

WARA'AMI 77:16

Mungú, kuúng ma'aay una ariyé', ma'aydá' ugwa ariyé' nari da'ayuutiyé', iloodaá ma'aay nari daaraxaatiyé'.

TI'INAANGW 14:16

Kuúng hhartók gáwtí tleeseek, ka looloqós gawaá tlawi, ka qasís, múk Israeli tlawi ngi tla/a waaraahhi ar baraá yaamaá kaahaar.

TI'INAANGW 7:19

AAKOÓ MUNGÚ Mose guri báy, «Aroni ku beer, ‹Hhartók taatahheek, gáwtí tleeseek gawaá ma'aá yaamaá Misri, gawaá ya'aá Misri nee mapeero, nee tlahheeso, nee tlahheesooín sleémeero awa taa tlehhiiti, sleémeero niri tseerdu tleehhitiyá' baraá yaamaá Misri sleémeero, tam kudaá baraá xooslaá xaai nee awa tlaa/eewo.› »

TI'INAANGW 7:20

Mose nee Aroni adoodá' AAKOÓ MUNGÚ aa oó' kari tleéhh. Hhartós gari gáwtí tleés, ma'aá yaaeedá' giri slaáhh dír geeraá Farao nee geeraharuuseerós wa ale, ma'aydaá baraá yaae niri tseere tleehhitiyé'.

ISAYA 19:1

Kaangwí a iigu'utuú Mungú aa laqán daanduú yaamaá Misriro. «Ga/aaweek, AAKOÓ MUNGÚ aa tsa/án gawaá huunkír inslaahh, i amór yaamaá Misrír káy, slaqsi'iidá' munguaá Misri niri dír geeraawós wá daaraxaatiyá', Gur'ér múk Misri ma'aay ngay dal/aná'.

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

NAHUMU 1:4

Inós tlawi gan i gahhaat gari kahaas, yau sleémeero giri kahaas, Bashani nee Karmeliro niri /ootsiyá', tam /ayór Lebanoni in /óts.

HABAKUKI 3:15

Tlawi kari adarát ar farsuuwók gawaá gwaanduú ma'aay oo /uuruú koóm.

Marko 4:39

Ina tláy, fur'a gari i gahhaát, tlawi gari báy, «Xasliít, amohhooúw.» Hamtidár kilae fur'a iri xaslít, tlawi iri ló'wa amohhoouúr.

Geehhoeemaá 16:12

Malaykamoó lahhoó' slooqomoowós guri ku'uús baraá yaaeedá' ur ar ta bay Eufrate. Ma'aá yaaeedá' niri kahiyé', as waawituú da/aá daáhh loohir'ín kawa tleehhi.

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.

Geehhoeemaá 19:14

Nee boo/oó gawaá doorí dirií' guri eehár, taa tsa/án gawaá farsuú /awák. Inooín inqwaruú kaa i tsiitimiís a inqwaruudá' /awák taa tleéhh ar kitaánír hhohho'.

Geehhoeemaá 6:2

Aníng niri qaytsiít, faraásír /awaak ana ár. Heé faraásidá' gaa i tsa/an i ga/alér kón. Nee inós kuri slamángw i haniís. Iri ti'iít ar baali, nee iri baalír áy.