HABAKUKI 3:4 - Biblía Axweesantá Hhohho' ar Mungú 2004

⁴ Miira/oorós a adór gwa/aateemaá maankari. Tsángw asla i baraá dabaawós wa ti'imiit. Diirí an didá' aleesleemuwós kway luú/.

HABAKUKI 3:4 Iomraidhean Croise

NEHEMIA 9:12

tlaatla/aango ina geerahát ar uhmoó huunki nee xweeraawo ina geerahát ar uhmoó asla, as loohír tar oohi kawa gwa/aatis.

YOBU 26:14

Ala muruuwí a sagér tawo ngina óh ar muruú i tlehhaahhiti, nee baraá tlehhmi'iiwose atén gár naa axasaán a bayrír tawo. Ala tlunaa/ír aleesleemuwós heé tsaahharo ga aleesláw a heemá?»

WARA'AMI 104:2

Gwa/aateema ina tsít adór hiyáy wa ale. Doori ina intlát adór inqwaarír wa ale.

WARA'AMI 18:12

Baraá gwa/aatemaayedár dír geeraawose huunkoó urén ina waaraáhh, nee tluwoó tlaa/ee nee mankari ina waaráhh.

TI'INAANGW 13:21

AAKOÓ MUNGÚ gina geeraharahaár tlaatla/aango ar uhmoó huunki, as loohi ngiwa laqaaqan, nee xweeraawo gina geerahaár ar uhmoó asla iwa gwa/aati, as kahhó' aai iwa ya/ana' tlaatla/aangw nee xweeraawo.

TI'INAANGW 14:20

Uhmoodá' iri sihhiít tla/ángw slaqwaruusér Misri nee xoorór Israeli. Uhmooduú huunki múk Misri guna giwís, ala múk Israeli xweeraawo guna i gwa/aát, gawaá adoorihe slaqwaruusér Misri múk Israeli gwa i tseewuuriiká xweera sleémeero.

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

ESEKIELI 1:27

Daanduú gawa oo slaqwtós adór i dirii'i a slaqmís nee muqslír sirdaa/aat ar mitsiihh, a adór asltá bihhe sleémeerowo gaa harwet, bihhaá baraay a adór asla, inós kuna harweér nee gwa/aateemaá gwa/aatá'.

ESEKIELI 43:2

Ga/aawaak, xirfuú Munguú múk Israeli niri da/aáw wa hardáh, afoorós adór kududuhoó úr oo xuraaír ma'aá yaariir, yaamu niri gwa/aatiyé' xirfuuwose.

Matayo 17:2

Kalaywós iri geeraaín wa warqáy. Gitsee/awós niri gwa/aatiyé' adór tsee/amá. Inqwaruuwós iri ló'wa /awkuukúy, iri mirarií/.

1 Timoteo 6:16

Inós kilós in gwaaiiká, dír i hooti a didá' gwa/aateemaá ta baloó i tseewuyká, slám inós heé gwa ar i kaahh, nee slám heé gu baala wa ár i kaahh. Xirif an kós, nee aleesleemu, ay alhhe'eesay wasle. Amin.

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.