HABAKUKI 3:3 - Biblía Axweesantá Hhohho' ar Mungú 2004

³ Mungú naa hardáh i Temanír daahh. Inósudá' Hhoohhoó' i gawaá tloomár Paranír daahh. Xirfuuwós doori gina tuuntuúk. Tam yaamu niri hatsiyé' xirfuwose.

HABAKUKI 3:3 Iomraidhean Croise

IIMU/UUNGW 21:21

Iri baraá xaanxoó Paranír wa hoót. Aayoorós guri harér i sleér baraá yaamaá Misrír wa ale.

IIMU/UUNGW 36:11

Nee daaqoó Elifasi an Temani nee Omari, nee Sefo, nee Gatamu nee Kenasi.

1 WAAWITÁ 11:18

Hadadi nee mukós tari tláy yaamaá Midianír wa ale, dír Paraniro mukko kuri didá wa artláy, tari alkoné' ay dír waawutmoó yaamaá Misri. Waawutmo Farao Hadadi guri muruú /aymaárií haniís nee do' nee yaamu.

WARA'AMI 113:4

AAKOÓ MUNGÚ xoordu sleémeero gin sa waawuti'ii'ín, xirfuuwós doori gaa waraáhh.

WARA'AMI 148:13

Kuká' sleémeero umuú AAKOÓ MUNGÚ ngu xirfayeesiye', asma umuuwós kun ak úr ta umér hatlae, xirfuuwós yaamu gaa waaraáhh nee dooriwo.

WARA'AMI 3:2

Múk yaariír barta axwees daandueene ta kaahi, «Alee/isaywós i kaahh dír Munguhe.»

WARA'AMI 3:4

AAKOÓ MUNGÚ un ateetiím, inós i mu/aywaats iimír tloomarós ar hhoohhoó' wa ale.

WARA'AMI 4:4

Kuungá' bara buhhabuhhé', ti harmagahhe' tlakweema mi tleehhara', tí aldakuutaak qoomár bar aga xaslté' gawaá qateenoohúngí ale,

WARA'AMI 48:10

Aá Mungú, umuuwók aa xu'utiít, ku xirfayeemiis baraá yaamu sleémeero. Dakók oo doó /iyayhe an baaliliín.

WARA'AMI 68:17

Gaardaá Mungú i /uuruú koná', ki ló'wa yaariir. Faaror'ín a kumér kúm. Aakoó Mungú nina Sinaír wa tláy, ay dirós tidá' hhoohhoo'.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

WARA'AMI 9:20

AAKOÓ MUNGÚ, muu na naxweek, xoordu ti xuiye' inooín a gaarooká, a múk tawo.

TI'INAANGW 20:18

Qoomár muu sleémeero kwarara/aadá' kawa axaás, nee mankaro kawa ár, nee afór tarumbeéta kawa axaás, nee quuidá' gawaá tloomár wa ti'imiit kawa ár, tari ló'wa da'ayuút sleémeero tari daraáx, tay amór saáw i sihhiít.

ISAYA 31:1

Tsaxwaaín mukdá' Misrirí alee/isoó firór aa'áw nee kudá' farasuú harahhifafiít. Mukdá' gaardaá slaqwara ngi harahhifá' as kiwa yaariír, kudá' múk farsuú i tsa/a/ám gu harahhiíf as tawa múk /uureemaá koóm. Ala Kudá' Hhoohhoó' oo Israeli ngu i qaytsimiitiaaká, tam sleeme AAKOÓ MUNGÚ ngu yaahamiisiaaká.

ISAYA 6:3

Umuú serafamowo nee kuqá' tina ateetiné', tiri babayé', «Oo Hhoohhoó', oo Hhoohhoó', oo Hhoohhoó' an AAKOÓ MUNGÚ Aleesleemusmo, yaamu sleémeero naa hatsiyé' xirfuuwose.»

ISAYA 64:3

Qoomaadá' kuúng muruú waa/oo/amo kudá' taa harahhifaniiká kuwa tléhh, niwa yaamií awét tlom'i niri daaraxatiyé' kuúng uwa ariyé'.

YEREMIA 49:7

Axweesantí an tidá' AAKOÓ MUNGÚ Aleesleemusmo aa oó' daanduú múk Edomuwo iwa kaahi, «Xáy, sagalooa i káhha baraá Temaniro? Xáy, kudá' daharuú koomá' hara'aya aa qwádi dir'ine? Sagaloa aa qwanaay hhe'ési?

ESEKIELI 43:2

Ga/aawaak, xirfuú Munguú múk Israeli niri da/aáw wa hardáh, afoorós adór kududuhoó úr oo xuraaír ma'aá yaariir, yaamu niri gwa/aatiyé' xirfuuwose.

AMOS 1:12

Ala aníng gil'o a ku'uús gawaá gixsár Temani, asla maraá gawdén awa Bosra giri /ák.»

OBADIA 1:9

Tam kiíng gixsár Temani sleeme, miguuseerók iri amooqwaqwdiín, ay dír umuúqo heewo kway gaasi gawaá tloomár Esauwo.

HABAKUKI 2:14

Asma xirfuú AAKOÓ MUNGÚ i xu'utiit baraá yaamu sleémeero, adoodár ma'aay tlawi ngira dalaa/iyé'.»

FAARO 10:12

nee múk Israeli loohaay guri iimu/ún amór xaanxoó Sinai wa ale. Huunkidá' iri sihhít baraá xaanxoó Parani.

DABE 33:2

Ina oó', «AAKOÓ MUNGÚ amór tloomár Sinai ngina daáhh, tina amór tloomár Seirír wa harati'iít, tina amór tloomár Paranír wa i gwa/aát, nina baraá tla/ángw malaykér yaariír wa ti'iít, nee asla ina ót gawaá dakós oo doó /iyáy wa ale.

DABE 5:24

Inooín tari oó', ‹Iia qaaseek! AAKOÓ MUNGÚ, Munguúrén taa xirfuuwós i laqán nee uraywós, afoorós aga axaasaán baraá tla/ángw asltádá'. Laarír kilá' Mungú ugwa araán iwa axweesi nee hee, slám kitángw hee iwa gwaai ina kumiít hotaawo.

1 SAMUELI 25:1

Samueli iri gwaá', múk Israeli iri burumburiít, kuri sa tsuunquumiís, kuri foól baraá Rama dír do'ós. Daudi iri tláy, iri aweér darmuú Parani.