HABAKUKI 3:19 - Biblía Axweesantá Hhohho' ar Mungú 2004

¹⁹ AAKOÓ MUNGÚ, kuduú Aako, an /uuruueé'. Inós diqiyaá ya'aaeé' gin gawdeemiis adór kuqaá saaragi. Aníng in alee/iis tlom'i ngiwa tsa/am. Ku haniisi dír /aylusmoó daá' ar gidaandoori.

HABAKUKI 3:19 Iomraidhean Croise

2 SAMUELI 2:18

Seruya daaqaay ngu kon tám, Yoabu, nee Abishai nee Asaheli. Inooín ta baraádá'. Asaheli i /akumamiit ti'iingo, a adór saaragi.

2 SAMUELI 22:34

Ya'aaeé' gina gawdeés adór kuqaá saaragi, iri qaás dír amoohhoo' ar gawa.

WARA'AMI 18:1

AAKOÓ MUNGÚ, án kuúng u slaá'. Kuúng a /uuruueé'.

WARA'AMI 18:32

Mungú an kudá' aníng i /uurií hanmamiís, inós an kudá' hotaeé' ngi gan'aás.

WARA'AMI 18:33

Ya'aaeé' gina adór kuqaá tlaaqati tleéhh, iri sihhitís ar amohhooa gawaá tloomárí ale.

WARA'AMI 18:34

Inós án ina intsaahhatís slaqwaraaro, as dabaaeé' ga/alér muqslír sirdaa/aat uuruuxaro ngiwa aleeslaya'.

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 54:1

Mungú, na'ás, án ba/amisáng ar umuuwók, án aleekalaa/áng ar aleesleemuuwók.

DAA'AANGW 2:7

Aá dasuú Yerusalemu, nu harhheehhe'eés, adoodár saaraga laqaá tsagna ira xaslmít baraá sla/a, sla'aari sleeme ma gwarangwarimara' laqaá ma dukuumara' ay dír qoomaarós i xeer.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 45:24

Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

ISAYA 58:14

Daqaní kuungá' qwal/amaaye a dír AAKOÓ MUNGÚ wá sleerá', aníng kuungá' nuna aleesleemií haniís oo umuú gaaro kawa arba/a' gawaakaá daanduú yaamuwo. Daqaari'iimár Yakobo baabuúhúng kari /agá'.» Adoorí afkú AAKOÓ MUNGÚ gaa oó'.

ESEKIELI 36:2

Anuú Aakoó MUNGÚ a kah, ‹Wakuuserhúng naa niqís nee inooín ta kaahi, kuungá' aga aalir'ín tleehhité'.›

SEKARIA 10:12

Aníng muk'eé' nguri gawdeés baraá anuú AAKOÓ MUNGÚ, inooín nari hootiyá', inooín umuueé' nguri xirfayeemisiyá'. Anuú AAKOÓ MUNGÚ tí ngina oó'.»

Efeso 3:16

Án Mungú u firiiriím as /uuru nguwa kuungá' i haniisi ar Qeeruuwós, baraá munerhunge, ar har qoomoó daqaari'iimár xirfuuwós,

DABE 32:13

Inós gina gawaá gongoamár uhís, inooín balángw qamu nguri /ayé'. Inós gina danuú baraá mar'ór tsaqás, nee di/tá baraá tlaa/ár gawit kari /aáy.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

Kolosai 1:11

An firiiriimaán as kahhó' Mungú baraá aleesleemuuwós kudá' xirfuú kooma, kuungá' nuwa /uuruú i haniisi, as tawa qitla' baraá mura' sleémeero oo ti'imiita.