HABAKUKI 3:14 - Biblía Axweesantá Hhohho' ar Mungú 2004

¹⁴ Baaluusér slaqwaruuseedá' ana tlaqút ar maheeri'ín awa kilá'. Inooínaadá' naa haraatlaye' adór bambaór wa ale as atén tiwa tlatlahhasiya', inooín a adór múk a qwalaa/ as narkuute ngiwa naaqo gu/iya'.

HABAKUKI 3:14 Iomraidhean Croise

WARA'AMI 10:8

Baraá gixsaro adór ir hooti a gigdiingw, múk dakuúsár koomaaká gu gigdín guri tsuu/, i gigdín as heé liitlakusmo tawa sluqoorós.

WARA'AMI 83:2

Asma qaytsiít, wakuuseerók aa leexwaandút, nee kudaádá' kuúng u ahhiitá', i xoongír tleemisiyá'.

TI'INAANGW 1:22

Aluuwo Farao mukós sleémeero guri ádbáy iwa kaahi, «Umuúqo na/oó garma oo tindi laqwaali nee /ameenír múk Ebrania /aytisaak baraá yaaér Nili, ala bar a na/oó dasi mu /aytisaara'.»

DANIELI 11:40

«Qoomár alhhe'eesaay birna xeér waawutmoó basa i haratláy amór waawutmoó /iya, ala waawutmoó /iya iri fi'iit ar /uuru adór bambaao ar gaardaá faras, nee mukdá' faras gwa i tsa/an, nee miriingér yaariir. Yaamaá yaariir giri haradah iri waaraahh adór alwuór ma'aay.

SEKARIA 9:14

AAKOÓ MUNGÚ mukós gu harati'iit, mahaangós guri tsaxaar adór mankari, Aakoó MUNGÚ tarumbeéta gari ufaahh, inós nin hardah ar bambaaór baskú daahh.

HAR'OHUUSE 7:22

Qoomár múk Gideoni tarumbeétadaá tsiire tám ngiwa ufaahhiyé', AAKOÓ MUNGÚ tlaahhi gari kwaáhh dír slaqwaruusér Midiani, tiri kilooín mutiné' ar paangadu. Inooín tana ta'aaín tay saweés ay Bet-shita geeraá Serera, ay Abel-Mehola iisaapoó Tabati.