HABAKUKI 3:13 - Biblía Axweesantá Hhohho' ar Mungú 2004

¹³ Tari tleér as mukók kuwa ba/amis, nee as heewók kudá' taa iimbaláx kuwa ba/amis. Kuúng geeraharusmoó múk tlákw un suwa tsát, nee eeharuuseerós kari hhaamís.

HABAKUKI 3:13 Iomraidhean Croise

2 SAMUELI 5:20

Naagáy, Daudi iri hardáh dír ta bay Ba'al-perasimu, didae múk Filisti guri baál. Aluuwo iri oó', «AAKOÓ MUNGÚ wakuuser'eé' gana haraahuúw geeraaeé wá ale, adór alwuór ma'aay ar aa gaanslár waarahh.» Gawaá adoorihe didá' ka bay Ba'al-perasimu

WARA'AMI 105:15

Aakoó Mungú iri oó', «Sagadiyuuser'eé' ar hhohho' ma kwatiitara', aaruuser'eé' ma gár tlaákw i tleehhara'!»

WARA'AMI 105:26

Aluuwo lawaalmoowós Mose guri ya/aáw, nee Aronidá' aa tsawaár guri ya/aáw.

WARA'AMI 110:6

Xoordu gi sakwasleemuut, nee múk yaariír kway tsuu/. Geeraharuuse gan qwaarees, umuúqo dír i diriia baraá yaamuwo.

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

WARA'AMI 20:6

Án daxta a xuú', AAKOÓ MUNGÚ waawutmoowós kudá' aa tsawaár gu arba/atír i haniis, ngun mu/aywaats gawaá dooriwós kudá' hhoohhoó' wa ale, gu arba/atírí haniis ar /uuruuwós kudá' úr.

WARA'AMI 28:8

AAKOÓ MUNGÚ a /uuruú mukós. Waawutmoowós kudá' aa tsawaár gun baaq guri ba/amis.

WARA'AMI 68:7

Xáy Mungú, qoomár tawa ti'ít dír geeraá mukók, tawa waarahh ar baraá darma,

WARA'AMI 77:20

Mukók una geerahát adór daqtá bee/ángw wa ale, ar dákw Mose nee Aroni.

WARA'AMI 99:6

Mose nee Aroni sleeme an geeraharuuseerós ar saaliingw, tam Samueli a heé wák baraá tla/ángw kudá' AAKO ngwa firiirine'. Inooín sleémeero AAKOÓ MUNGÚ nguna i /aa/aminé' nee inós giri mu/aywaáts.

ISAYA 63:11

Aluuwo mukós de'emaá aáng gina insláy, kudaá sagadiyusmoowós Mose. Inooín tari oó', «Kudá' de'eemuusér bee/aangós gaa waarahhaas tlawto i amá? Kudá' Qeeruuwós oo hhoohhoó' gwaa baraá tla/angw'ín i qaas gaálaay?

ISAYA 64:1

«Ahaá gár kuúng doori ngis feehhiská niri yaamií awét, as tlom'i niwa daaraxiya' kuúng bura ariyé'.

ESEKIELI 13:14

Koo/irí kuungá' taa /awakeesé' a amór saáw i daáhh nee maparirós iri geehhoouúr. Koo/irí bira hú', kuungá' nuri alqát tari hhaandá'. Daqaní adoorihe kuungá' a tsahhá' aníng adór tar AAKOÓ MUNGÚ.›

AMOS 9:1

AAKOÓ MUNGÚ una ár aa sihhiít bihhaá kitángw ilahhooa kawa hanmaamisi, iri báy, «Uheemaá doó Mungú kudá' taa qaalín slahheek ay dír ihhafiirír do' i diingit. Uheemiiká' giqaweek ay dír ni huuhu'una' gawaá sagér muu sleémeero. Kudá' naa meetiye' diisíng wa alé, aníng in alhhe'eés ar paánga. Tam oo goów i kaahh, tam oo kotsqoót i kaahh.

YOSHUA 10:11

Qoomár múk Amori tawa ta'aaín geetuú Bet-horoni as tawa waaraahhi dír slaqwaruusér Israeliwo, AAKOÓ MUNGÚ tluwoó tlaa/e guri huúw, inooín tluwaay giri i tlubaabín ay Aseka. Tluwoó tlaa/e múk yaariír gway tsuú/ ta kudá' taa tsu/i nee slaqwaruusér Israeli.

YOSHUA 10:24

Kingay huúw amór Yoshua. Yoshua múk Israeli sleémeero guri ateét, nee geeraharuusér slaqwaruuse, tidá' nee inós naa aldaqaye' baraá slaqwara, giri báy, «Qwalaas diirí tseewuwaare', waawitaáwí iso yaamií kal/amaak.» Inooín adoodá' kari tleéhh.

YOSHUA 10:42

Yoshua waawitaáwí sleémeero guna baál ar wa'aá wák, nee yaamuuín giri hayóh. Inós adoorí gana aleesláy tleehhamooro asma kuna aleeslaáqw nee AAKOÓ MUNGÚ, Munguú Israeli.

YOSHUA 11:12

Yoshua gixsaduuká' sleémeero giri hayóh, nee waawitaáín guri tsuú/ ar paánga. Sleémeero giri hhaamiís, adoodá' Mose sagadiyusmoó AAKOÓ MUNGÚ ngwa báy.

YOSHUA 11:8

AAKOÓ MUNGÚ slaqwaruusér waawutmoó Kana'ani gari haniís gawaá dabaá slaqwaruusér Israeli. Slaqwaruusér Kana'ani kari guús kay puruúts ay gixsár ur ar Sidoni nee Misrefot-maimu, bihhaá da/aawe tari puruúts ay xatstá Mispe. Slaqwaruusér Israeli muu sleémeero guri tsú/, tam heé aa meet i kaahh.