HABAKUKI 2:8 - Biblía Axweesantá Hhohho' ar Mungú 2004

⁸ Asma kuúng xoordaá yaariir ina hayoohahiín, panaydá' aa meet kuúng tun hayoh, asma tseerdaá mukdá' kuúng taa ku'umaamís nee tlakweemaadá' taa tlehhahhít dír múk baraá yaamu nee gixsaduuine.»

HABAKUKI 2:8 Iomraidhean Croise

WARA'AMI 137:8

Kiíng Babuloni, aga naká/ huuamaawo, heé amohhoó' a kudá' i li/áy buú', as adoodá' atén tira slahh'eemís.

AXWEESANOÓ SAGALOOA 22:23

Asma AAKOÓ MUNGÚ inooín gi aleekalaa/, Mukdá' muruú múk hayohiím ar /uuru, AAKOÓ MUNGÚ gi slafiingw hayoh.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 33:4

Mukók kudá' taa ohín kuna burumbuúr adór naanaga, muu kun i /akumiit adór tsaxwi'i.

ISAYA 47:6

Aníng muk'eé' una i buúhh, aalir'eé' ngiri meetagaás, ngiri haniís gawaá dabaawók i alé, ala kiíng iga gurtleeriiká, qoomaadaádae kiíng bariise ana huwár iloói tsa/ás.

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

YEREMIA 30:16

Ala kudá' sleémeero kuungá' nu hhaamiisár wa sla'á' ki hhaamiis. Wakuuserhúng sleémeero kar tláy baraá loohaay, kudá' kuungá' naa gaa wa hayohiye', muruuín ku hayoh sleeme. Kudá' kuungá' naa slakaatiyé' aníng in slakaát.

YEREMIA 50:14

Ti amohhe'ese' Babuloni kawa harweda', kuungásingá' sleémeero tlaqutuú baalá', tlaqutaak, miwa mahaangw meét. Asma AAKOÓ MUNGÚ ngwaa sadakuusiyé'.

YEREMIA 50:28

«Iia qaasaak, inooín naa /akumiitiyé', naa kotsqomitiyé' baraá yaamaá Babulonír wa alé, ta baraá Siyonír wa kángw ilaharmiis adór AAKOÓ MUNGÚ, Munguúrén li/aay ngura buú', li/aay as Do'ós kudá' hhoohhoó'.

YEREMIA 50:37

Qatlo i gawaá farsuuín nee i gawaá gaarduuín. Qatlo i gawaá slaqwaruuser'ín tidá' taa tlaáxw as tawa da'ayuút adór /ameena. Qatlo i gawaá daqaari'iimar'ín, asma umuú gaaro kan hayoh.

YEREMIA 51:13

Kuungaásíngá' afaá ma'áy wa hootá', daqaarér muruú yaariír, alhhe'eesayhúng naa hardáh, taamír slafingwhúng ka tsaat.

YEREMIA 51:24

AAKOÓ MUNGÚ i kaahi, «Aníng Babuloni nee yaamuuloouuse sleémeero ar Kaldayo a muúx, ilaahunge a aandá', asma muruudá' tlákw sleémeero taa tleehhít baraá gixsár Siyoni.

YEREMIA 51:44

Aníng munguúdá' ta bay Beli oo Babuloni u sakwasleemuút, nee gadaádá' aa guú/ aníng ngin kwarkwaár ngiri waa/. Xoordu i malé kumitiaaká daqaqángw amoorose, koo/ír Babuloni aa hú'.

YEREMIA 51:48

Naagáy doori nee yaamu, nee umuúqo gár baraaínií diriia, tari daa' ar qwala/ as Babuloni, asma hhituusér /iikú daahh aa amor'ínií haratleér. Anuú AAKOÓ MUNGÚ tí ngina oó'.

YEREMIA 51:8

Babuloni aa gaanslár hú' nee iri qeqtiín. Tsuunqumiisé' as inós, xa'anoó maasáy ti hanise' as slahh'amuuwós, doóqa i hungú/.

ESEKIELI 28:16

Slaasláwár yaariir ar taa sleér uri malgu'uumár ar eér, nee tlakweema kiri tléhh. Gawaá adoorihe án un guús adór gár slasla/aár wa ale dír tloomar'eé' tidá' hhoohhooe. Nee keruúbidá' u xuúm uri tlatlahhás amór saaw baraá tla/ángw tlaa/eedá' qwiirii/á' wa ale.

ESEKIELI 39:10

Migír ngu ay'aaká baraá slá/tí ale, laqaá xaai ngi tlaquú ay'aaká baraá darma, asma xooslaadár slaqwara ngin ásltár oohamisiyá'. Inooín daqaari'iimár mukdá' aáng daqaari'iimar'ín gaa hayoh ngin hayohír, nee muruú mukdá' muruuín gwa ar tlay ngun ar tlayá'. Anuú Aakoó MUNGÚ tí aga oó'.»

AMOS 3:10

AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

OBADIA 1:15

Asma deelór AAKOÓ MUNGÚ xoordu sleémeero ngiwa sakwasleemuuti naa tseewuúr. Adoodá' taa tlehhé' an adór tindi kuungá' i tleehhi. Tundun buu' ar harqoomoó tlehhmi'iihúng.

HABAKUKI 2:10

As adoodá' xoordaá yaariir kiwa tsu/aa/iín, do'ók ugwa mureekesár eér, nee slafiingók kuri kilók qwaarés.

HABAKUKI 2:17

Asma tlakweemaadá' taa tlehhahhít dír múk Lebanoni kuúng u i ki/iyá', nee makaydá' taa tsu/aa/iín kuúng u de'eérár gaasiyá'. Tí sleémeero kuúng u sleér asma mukdá' taa tsú/ nee /aytaadá' taa tlehhahhít baraá yaamuuká' nee dír yaamuloouusér baraá gixsaduín wa hoot.

SEKARIA 1:15

Ala aníng xoorduudaá baraá diihhooár hootá' ina buhhtisiyé'. Ar ló' aníng múk Israeli una i buúhh gár niinawe, ala xoordu slahh'maayedá' ngina doogiyé'.›

SEKARIA 14:12

Nee xoordu sleémeero kudá' naa slaqwarár aye' amór gixsár Yerusalemu AAKOÓ MUNGÚ gin muux ar tiqtír tlakw, slaqooín niri tsutsatsuiyá' sihhtanoórí ale, nee ilaaín niri tsutsatsuiyá' baraá xoxi'ii'ín i ale nee tsifreeri'ín niri tsutsatsuiyá' baraá afer'ín i ale.

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»