HABAKUKI 2:6 - Biblía Axweesantá Hhohho' ar Mungú 2004

⁶ Xáy, múk adoorí sleémeero kuqo niqinkáhe, nee mukdá' ta ohín kiqo waaqaaqaikáhe tawa kaahi, «Tsaxwaawók kuúngudá' daqaari'iimár tlehhiít ar muruú múk hatlá', nee kuúnguú huwaá arhaanír uhiím kari bu'uká, ta adoorír kumamit ay xaylá?

HABAKUKI 2:6 Iomraidhean Croise

WARA'AMI 94:3

AAKOÓ MUNGÚ, ay xaylá múk tlákw ta qwal/aa/ati? Ay xaylá, xáy AÁKO?

AXWEESANOÓ SAGALOOA 22:16

Heé narkutmoó baramaanuús as iwa slaasláwaarós dogiiti, laqaá gan haniis dír daqaarmo, inósú kilá' sleeme aleema ngu slayá'.

ISAYA 10:13

Asma waawutmo i kaahi, «Tí ana tleéhh ar /uuruú dabaaeé', nee ar sagalooar'eé', asma aníng tsaahha a koóm. Digeemaá muu iga hingeés, nee slaasláwar'ín ngiri ar tláw, nee kudá' gawaá kiteeraá waawuti'iimár wa iwiiwitá', ina diíf adór awu, ngiri /aytamiís.

ISAYA 44:20

Inslawaywós i baraá gaadaádá' da/ara tleehhiit kilós. Heé adór kwí aa hhitiruút ti baloó ba/amisiiká, laqaá sleeme i kaahiiká. «Gaarír gawaá dakw'eé' oo doó /iyáy a lamtookáhe.»

ISAYA 5:8

Tsaxwaaín kudá' doó dogiitá' daanduú kuqá' wa ale, nee kudá' qaymór dooslá' bihhaá qaymór hatlá', tam pa/aangw iri qwaár oo múk hatlá' baraá yaamuwo, asma umuú diiro ana toohúng tlehhé'.

ISAYA 55:2

Ahaá waáy gár peésarhúng kas hhitiindá' as gár /aymaarooká, nee tawa gadiyus daanduú gár guruú dalaa/akahe? Aníng kángw kilá' wa iiárií qaasaré', kuungá' daqaní muruú /aymár hhó' u /agá', nee muruú wahhaár kuri saqwalaala/a.

YEREMIA 17:11

Heé daqaari'iima gaa slay ar loohír gana'aaká, a adór xooymoó qanhhár aa qanhhusiiká gaa umtór ay. Daqaari'iimarí gun afa bá/ qoomár tla/a tsara birnga áy, alhhe'eesaywo iri daktu'uut.

YEREMIA 29:22

Mukdá' taa loohatís baraá yaamaá Babuloni Yerusalemúr wá alé, barta lo'ór huwahuuw tari kaahi, ‹AAKOÓ MUNGÚ masók un adór Sedekia nee Ahabu tleehh, kudá' waawutmoó Babuloni a baraá ásltí daá/.›

YEREMIA 50:13

As xarasleemaá AAKOÓ MUNGUHE yaamuuká' yaamuloouusér gi hoot i káhh, ala kin ló'wa deewa'atis, umuúqo heé aa baraá Babulonír ar waaraahhi in daanda feehhiit, gari niqín asma inkahhi'iidá'.

ESEKIELI 32:21

Geeraharuuseedá' uren nee múk alee/isay'ín kudá' baraá gi'ií dirií' tari oó', ‹Múk Misri aa /eét ay baraá gi'i, kaa haragaás dinkwa nee mukdá' taa hheehhe'eemisiiká, kudá' taa tsuú/ baraá slaqwarár wa alé.›

MIKA 2:4

Baalaadá' birna hardát, muu kuungá' nuri daa'ángw kooyaángwí oh, oo adoodá' kuungá' taa mukdá' i tlehhé', tawa adór daa'ángw wa/aa/i, tay ooi, ‹Atén taa /awa/awín ló'wa alé, AAKOÓ MUNGÚ daqaari'iimarén gana warqeés, gari hingeés direne, qamuurén gina qasmiís dír múk wakuuse.›

HABAKUKI 1:15

Múk Kaldayo muu gun uhín ar him'er'ín, kuri burumbuur baraá baratsufay'ín. Inooín adoodá' gin qwal/atamís tiri xirfayemisiyá'.

HABAKUKI 2:12

«Tsaxwaawók kuúnguusíng gixsa aga tlehh ar tseerdaá muu ku'umis, nee gixsa gaa iihhaaf ar muruú naa /awa/awín.

HABAKUKI 2:13

Ga/aawaagáy gaarí amór i dahh a amór AAKOÓ MUNGÚ Aleesleemusmo. Tí muu iwa daawimiti as gár asla i fak nee xoordu gadiyér tawo gaa fák.

FAARO 23:18

Bala'amu aarirós tí gari oó', iwa kaahi, «Tlawáng Balaki, iia qaaseek! Aá garmoó Sipori, aníng iiárií qaasáng.

FAARO 23:7

Bala'amu aarirós tí gari oó', iwa kaahi, «Balaki ina leéhh ay yaamaá Aramu, waawutmoó Moabu ina leéhh iimír tlom'aá da/aáw, iwa kaahi, ‹Qwaláng múk Yakobo lu'usek as daanduueé', qwaláng múk Israeli tli/isek!›

Luka 12:20

Ala heé aáng kuri báy nee Mungú, ‹Kuúng a daktani. Xweerakaá laarihe kuúng a gwá'. Nee muruudá' taa amohhe'eemaamís oo heemá?›

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.