HABAKUKI 2:3 - Biblía Axweesantá Hhohho' ar Mungú 2004

³ Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

HABAKUKI 2:3 Iomraidhean Croise

2 WAAWITÁ 6:33

Tidá' ooaro gaa hhe'eesiiká, heedaádá' tinda ya/aáw nee waawutmo naa hardáh, i kaahi, «Slahh'amuuwí amór i dahhi a amór AAKOÓ MUNGÚ, án gár ni daamaraam a milá ar ni aniíngí tleehhi?»

WARA'AMI 102:13

Kuúng an sihhít gixsár Siyoni kay gurtleér. Asma qoomár gurtleemuwós aa xeér. Eeít, qoomaadá' taa ó' an tí.

WARA'AMI 27:14

AAKOÓ MUNGÚ na harahhifeek! Ilakaahareés, muuna hhe'eés, AAKOÓ MUNGÚ na harahhifeek!

TI'INAANGW 12:41

Baalaadár kilá' ar alhhe'eesáy ar kurkú tsiire tsiyáhh nee mibeeri tám xoorór AAKOÓ MUNGÚ ina ti'ít baraá yaamaá Misrír wa ale.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 7:4

ku beeto, gám magaáhh, xasliít, ma da'ayumitaar sleeme ma munesiaar as buhhtaá Resini waawutmoó Aramu, nee awa garmoó Remalia. Kuká' tsaraawo a adór quuír migír ar gwaa'.

ISAYA 8:17

AAKOÓ MUNGÚ un daamaaraám, kudá' aa nahhaat dír xwaylár Yakobowo, inós un harahhiíf.

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

ESEKIELI 12:25

Anuú AAKOÓ MUNGÚ kilá' tidá' tlehharuut ngi geerií oó'. Tí ni hardát i baloó tligaká. Kuungá' múk aa dee/anuut qoomár slafingwhunge axweesantí naa káh a boo/eés. Anuú Aakoó MUNGÚ tí aga oó'.»

ESEKIELI 30:9

«Baalaadae ya/abuuse a ya/aáw ar múk Kushi gu naxwtá aw, kudá' ti xuá' iwa baraá wayda. Inooín gurhaamír ur giri eér bál Misri bara hhaamiís. Ar ló' deelo ni hi'ít.

DANIELI 10:14

Aníng nina hardáh as uwa alee/iis gár mukók gu slaw de'emaá hi'iita'a kawa tsahh, asma iigu'utuú taa aán a daanduú muruú aluú wa hardáh.›

DANIELI 11:27

Waawitaáwí tsár tari dinkwár i iwiit tawa /ayin, ala dir'ine umuú heewo muruú tlákw gun aldakuut daanduú heé hatlae nee tin kilooín al/aginá'. Ala gár tleehharo i aleeslaya' i káhh asma qooma aa xeeriiká.

DANIELI 11:35

Muu bahh'ale kuduú sagalooár koóm ku tsuu/ as inooín kiwa hhoohhooeesi, nee kiwa hamaatli ay qoomár alhhe'eesaay, asma alhhe'eesaay hamí aa xayká.

DANIELI 8:17

Gabrieli niri tseewúy didá' aníng nay sihhiít. Aníng niri da'ayuút ló'wa aleeró, niri gurúr qaát. «Ala aníng iri báy, ‹Aá heewí, iigu'utudá' taa aán gár i kaahi a daanduú muruú deelór alhhe'eesaay.›

DANIELI 8:19

Aníng iri báy, ‹Iia qaaseek, aníng buhhtá Mungú ngi oó' adór i laqiya'. Iigu'utuwí a daanduú qoomár alhhe'eesoó yaamu.

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

MIKA 7:7

Ala aníng guruueé' un amór AAKOÓ MUNGÚ xu'ús ar sla'aari, Munguúeé' kudá' aníng i ba/amís un daamaaraám. Munguúeé' aníng i axaas.

SEFANIA 3:8

AAKOÓ MUNGÚ i kaahi, «Gawaá adoorihe aníng daamaré' ay bál nay sihhiit as xoordu ngiwa sakwasleemuut, asma aga tsabiím xoordu ngiwa burumbuur nee waawuti'iima ngiwa burumbuur, nee ngiwa buhhtaeéní ku'uus, xarasleema sleémeero awa buhhtaeé'. Asma yaamu sleémeero ki daa/ ar buhhtaaeé' kudá' da/tá koomá' adór asla.

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

Luka 2:25

Baraadá' Yerusalemuwo heeko i deer, umuuwós a Simeon. Inós a heé hota ganaá' oo Mungú gwa haratlintii'. Gurkwa/asár múk Israeli gan daamaarán ar haraxu'uti. Inós Qeeruú hhoohhoó' oo Mungú gu kón.

Tlehhema'aá ya/Abuuse 1:7

Iri oó', «Siiwadá' nee qoomaadá' Baabá aa qaás baraá aleesleemuuwose a gadiyérhungeeká kawa xua'.

Tlehhema'aá ya/Abuuse 17:26

Inós xoordu sleémeero gina iihhaáf baraá heé wák wa aleeró, giri qaás baraá yaamu sleémeero. Inósuú kilá' iimír aange qom'i gina qaás, nee harki/isoó hotangw'ine.

Galatia 4:2

Inós i dabaá múk urén nee múk saayuuse ay dír qoomaadá' baabá aa hara'ayín i bo/.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

2 Petro 3:9

Muu bahh'alé i kaahi, Aako al'axweesantós boo/eesaro i tligatliik. Ala a adoosingeeká. A inós kuungá' nun sageeqiqtlín. Asma tam heé wák iwa qwaari ga slaiiká. Ala masók sleémeero tlakweemaaín ngin hhu'u'uná'.