HABAKUKI 2:19 - Biblía Axweesantá Hhohho' ar Mungú 2004

¹⁹ Tsaxwaawós heedaadá' xa'anoó babáw, ‹Tlawáng›, laqaá kudá' tlaa/ár afaa wasl ga babáw, ‹Sihhiitáng›. Xay, muruusíng kuúng u intsaahhatísi? Qaytsiít, kwaa sliík ar sahaábu nee ar muqslár peésa, ala i hiinsluú kon'aaká baraaine.»

HABAKUKI 2:19 Iomraidhean Croise

WARA'AMI 135:15

Munguaá xoordu kina tleéhh ar peésa nee sahaábu, inooín a gadiyér dabaá muu.

WARA'AMI 135:17

I iaá koná', ala i axamisiaaká, tam hiinsla i kaahh gawaá afer'ine.

WARA'AMI 97:7

Kudá' sleémeero awa munguiidaá hatlá' awa murslaaqat ngi haratlintaatiá' ki mureekees, kudá' sleémeero slaqsa'aá munguaá hatlá' ngir diiduusá'. Munguaá hatlá' sleémeero nin tumbararaa'atiyá' dir geeraá Mungú.

ISAYA 26:14

Inooín naa qatliyé', i baloó slafiaaká, inooín naa qatliyé' slám i waslee/iaaká, asma kuúng ina alhi'iitanór eér as kiwa hhaamis, inooín kiri baloó inslayká.

ISAYA 40:19

Inós nee slaqsi'iidaá mungui taa dakuút ti slay'aaká. Slaqsaydá' taa sliík ar sahaábu nee tlaatlawtá taa muqslír /awaákár tleéhh.

ISAYA 41:26

Heé iimír iimu/uungo iigu'utuuwí gwa oo', as kahhó' atén kuwa xuaan. A heemá heé adoorí ga geerií oo'? As atén tawa ooaan, looeema gaa oó', I kaahh tumu wák oo adoorí gaa oo', laqaá oo gaa alki/iit, Sleeme i kaahh tumu wák oo /aymi'iiwós gaa axaas.

ISAYA 44:17

Bartá xa'ano tidá' aa met gan slaqsoó mungúr tleehh, nee gari i tumbarara'aat, gari sluufmiis gari firiirín iwa kaahi, «Kuúng an Munguúeé', aníng tu/áng.»

ISAYA 46:6

Mukdaádá' sahaábuú duxuúm baraá tlakw'ii'ín wa alé peésa ngiri qoomeemeesiyá' ar kílo. Heedaáduú sahaábuú kwahhuút nguri buiyé' ar peésa, as slaqsa'aá mungui ngiwa tleehh. Naagáy kiri i tumbarara'aamiit kiri sluufmiis.

ISAYA 57:6

Tlaa/aá natsatsaa'á' ina tsawdité' baraá xatsoó wa ale. Tlaa/eeká tari muruú slahhaá' baraá lohduuhunge. Ilahhooár wahaangw una tsipipi'iimisé' nee oo balaango. Xáy muruuwí aníng iqo sla'atísi?

YEREMIA 10:14

Umuúqo heewo ku iimiboó/ nee i fuqurángw konká. Umuúqo kareeramoó sahaábuú kwahhuuta ku mureekees nee slaqsi'iiwós kudae, asma slaqsi'iidá' a lamtá tawo, i slafíngw kon'aaká.

YEREMIA 10:3

Asma alhotaarír xoordaá hatlá' a al/ayma, hee xa'ano gun tsaat baraá sla/atá wa aleeró, kuri daakw ar tsawo nee heé dakór xuú'.

YEREMIA 10:4

Naagáy slaqsaydá' kuri parootuus ar peésa nee sahaábu, kuri kaka/aamií slaahh as miwa huú'.

YEREMIA 10:9

Slaqsi'ii'ín kuká' kina parootuús ar peésár Tarshishír daahh, kina parootuús ar sahaábuú Ufasír daáhh. Gaarí an gadiyér kareeruú kwahho ga xuú', nee múk sahaábuú kwahhuút. Kaa tlabaá sirbó/ií dahaás nee awa sirda/aten, kudá' taa tleéhh ar daba'.

YEREMIA 2:27

Kuká' an kudá' xa'anoó babaawá', «Kuúng a baabuúeé',» nee tlaa/anoó, babawá', «Kuúng atén tina laqwál.» Ala inooín intlerhhuuín ngwa amor'eé' xu'usiyé' nee gitsee/er'ín nga amor'eé' xu'usi'iiká. Ala qoomár slahh'amaayeero i kaahiya', «Tlawáng ti /is.»

YEREMIA 2:28

Ala munguiihúng kudá' taa tlehhé' as kuungá' i amoomá? A xáy gimsé', bundu aslayá' /iisaro nu alee/iisiyé' qoomár slahh'amuhunge. Kuúng Yúda, munguaá yaariir in koón adór gixsadaá ayaawók.

YEREMIA 51:17

Umuú hee a daktani, ku xu'uti wásl, umuú kareeramowo nee murslaaqatuuwose ki mureekees, asma slaqsi'iiwós a lama, slám i hiinsliiaaká.

YEREMIA 51:47

Gawaá adoorihe, ga/aawaak, baala ni xeér ar aníng murslaaqatuú munguaá Babuloni nguwa muux, yaamuuín sleémeero ki mureekees, muk'ín sleémeero ku baraadií tsuu/.

DANIELI 3:1

Waawutmo Nebukadnesa murslaaqatuú yangaariír guna tleéhh oo sahaábu, tlenaangós a miíta mibeeri tsár nee dakaát. Uroó bihheero a miíta tám, guri sihhtís baraá tlapár Dura ar baraá yaamaá Babuloni.

DANIELI 3:18

Ala bar adooriheeká, xueek waawutámo, atén a ya/amanaaká munguiiwók kiwa sagadiyusaan, laqaá murslaaqatuusíng oo sahaábu kuwa sluufmiisaan.

DANIELI 3:29

«Gawaá adoorihe aníng hamí an kah, umuú tlahhaywo nee umuú xoorooro nee umuú tsifriro ar múk /aymuú harimaaká gu oo' daanduú Munguú Shadraki nee Meshaki nee Abednegowo, xoorór adoorí mukós kun supín tay kaeemaá dimbadimbé, maray'ín tay taangu. Asma Munguú hatlá' oo hee gu aleesláw ba/amisaro ar loohír adór tí i kaahh.»

DANIELI 3:7

Naagáy qoomaadár kilae múk tlahh'i sleémeero afór xareemi nee ar filiímbiro nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango kawa axaás muu sleémeero nee xooro tsifriro tana tumbararaa'aát dír geeraá muslaaqatuuduú sahaábu as kuwa sluufmiisi, kudá' taa tleéhh nee Nebukadnesa.

DANIELI 5:23

Tam muruuwí sleémeero ugwa xui. Ala kuúng kitángw Aakoó doori kuwa xirfayes, kuúng tina kilók urés, xooslaá Doó Mungú kiri léhh kiri difaáirár xúf, kuúng nee bariiseroge nee tlaawaywoge nee /ameenarók tidá' quturmo wasle. Kuúng munguaá taa tléhh ar peésa nee sahaábu nee muqslír sirdaa/aat, nee muqsli, nee xaai nee tlaa/e kiri xirfayemiís, munguaá xumisa'aaká, nee i axamisi'aaká laqaá gár i xuiya' i káhh. Ala Munguúdá' slafiingók gu taami koóm nee kudá' lohduuwók gi xuú', ugwa ilaiwa/amér i tlehhká.

DANIELI 5:4

Difaái ngina xufiyé' amooqae i munguaá hatlá' xirfayemisiyá', kudá' taa tleéhh ar sahaábu nee peésa nee ar muqslár sirda/aten, nee muqsla nee xaai nee tlaa/e.

YONA 1:5

Ala mukdá' baraá miringamoó wa gadiyuús iri da'ayuút, umuú heewo munguúwós guri firín. Huuwadaá baraá miringamoó i diriiá' kiri kwakwaáhh baraá tlawi as miringamo iwa inslaahhuy. Qoomaadae Yona aa aweér baraá guruú baraay oo miringamo, iri baraadií qaát, gu'ute guri ót.

Tlehhema'aá ya/Abuuse 17:29

Ala atén barnaxes a na/aá Mungú, a hariímarooká atén tawa kaahaan Mungú a slaqás nee sahaábu, laqaá peésa, laqaá tlaa/ano. Asma muruuwí a muruú taa tleéhh ar aleesleemuú muu nee sagalooa.

Geehhoeemaá 17:4

Nee slám /ameenidá' kaa tsiitiís inqwaruú sirda/atene nee oo da/atén. Inós kaa parootuús ar sahaábu nee ar tlaa/edá' tlaxo uren, nee ar kwaslaá hhohho'. Inós i xooslmoó sahaábu koón baraá dakose. Xooslmoowí aa haáts muruú tlakwe nee umuúqo slasla/aruú tsaatu'uumarose.