HABAKUKI 2:15 - Biblía Axweesantá Hhohho' ar Mungú 2004

¹⁵ «A tsaxwaawók kuúngudá' inslaawmoowók ugwa wahas ar gár oonitimis nee qara kuwa qamiin baraá difaái as kahhó' /aankwetsuín kuwa aan.

HABAKUKI 2:15 Iomraidhean Croise

IIMU/UUNGW 9:22

Hamu, baabuú Kana'ani, /aankwetsuú baabuúwós guna ár, iri ti'iít, kaangw guri oó' dír hhaeewós kudá' tsár.

2 SAMUELI 11:13

Daudi Uria guri dah'ís amór do'ós ar muruú /ayma, nee muruú wahaango, Uria guri oonitiís. Tam adoorihe, xweeraadae Uria aa watliiká amór do'ós, aqo ina qaát gawaá qatanirós dinkwa nee sagadiyuusér aakoowós.

TI'INAANGW 32:25

Nee Mose ngiwa qo ár adór mukwí ira dee/anuút, asma Aroni muu gwa máy iwa dee/aanuuti adoodá' i slaiya' ngiwa tlehhiitiya', tiri kilooín mureekeesáy huwiyé' dír wakuuser'ine,

ISAYA 28:7

Múk hatlá' i deer oo aa oonimiit difaáiro, múk ta/amiít as buurár aa hamat, kaahamuusér Mungú nee aaruuseero taa oonimiít as buurár aa hamat, niri leexuutiyé' as difaái, inooín i ta/amiitiyá' as buurár aa hamat, baraá iigu'utuwo muruú aa qwaar ngun kaahiyá', nee baraá sakwasleemaro in dakumiisiyá'.

ISAYA 28:8

Meesadu sleémeero kaa niíq wa/ariwo, dír taa meetagasiiká i káhh.

ISAYA 5:22

Tsaxwaaín kudá' sleémeero xuftár difaái ngi baalá', nee hhawaateedá' ilakaaharen difaáír aa hamat aleedogituuwo.

YEREMIA 25:15

AAKOÓ MUNGÚ, Munguú múk Israeli, aníng ina báy, «Areek, xooslmoowú gawaá dakw'eé' oo difaáír buhhtaeene haáts, huweek amór xoorduudá' kuúng uy ya/aaw, wahaaseek.

YEREMIA 51:7

Aáng Babuloni dír AAKOÓ MUNGUHE a adór xooslmoó sahaábu, kudá' aa yaamu sleémeerór wahaás, xoordu sleémeero gina difaáirós ar wahaás gawaá adoorihe xoordu niri slarhhamuumutiyé'.

HOSEA 7:5

Baraá deelór ur ar waawutmoowo múk urén kuri xufiitimiís iri baa/umiit oonitameero, waawutmo nee niquuse tari dinku'umiís.

HABAKUKI 2:14

Asma xirfuú AAKOÓ MUNGÚ i xu'utiit baraá yaamu sleémeero, adoodár ma'aay tlawi ngira dalaa/iyé'.»

HABAKUKI 2:16

Gár tawa háts a mureekesaay ta xirfuuwo, kuúnguú kilá' na waheek daqaní ta ta/amít, kuúng tari adór heé ta hheehhe'eesiiká. AAKOÓ MUNGÚ kuúng u wahaas ar aleesleemuuwós, mureekesoó yaariír u dabár ót ta xirfuuwo.

Geehhoeemaá 17:2

Waawituú baraá yaamu aa fuquús nee inós. Nee mukduú baraá yaamaá hoót kwaa oonitimís ar difaáír tsaatu'uumarós.»

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.

Geehhoeemaá 18:3

Asma múk xoordu sleémeero gwa oonitimís ar tsaatu'uumarós tidá' xaraasl adór difaáír aa hamat. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuwo, aa daqaari'iít ar daqaari'iimarós tidá' ur ar har qoomay wasl.»