HABAKUKI 2:1 - Biblía Axweesantá Hhohho' ar Mungú 2004

¹ Aníng niri sihhiít didár xuumar'eé', nari tsa/ám gawaá /aampa nari gawaadá' wa xumaamiís, xáda xáy, AAKO aníng mi báy daanduú wa/aa/ir'eene.

HABAKUKI 2:1 Iomraidhean Croise

2 SAMUELI 18:24

Qoomaarihe Daudi aa iwiít dír tla/ángw afér tsár ar gixsa. Xuumusmoó afkú do' ina tsa/án gawaá koo/i ay afiqoomár afkú do'. Naxés iwa qaytsiít, heé wák guna ár i ti'ii'ín.

2 WAAWITÁ 17:9

Múk Israeli muruú qoomaaká nguna naaqo tlehhiitiyé' dír geeraá AAKOÓ MUNGÚ, Munguúine. Wa/aameedár gongoama' ar munguaá hatlá' kiwa sluufmisi ngiri tleehhiyé' baraá umuú gixsaro, iimír dír /aampár xuumuusér wa tleemu ay baraá gixsaduudá' taa tleéhh ar koo/ír gawit.

2 WAAWITÁ 9:17

Xuumusmoodá' baraá baalaqasíri dirií', kudá' gawaá /aampár Yesre'eli dirií' iri oó', «Mukko ugwa ár ni hi'iit, slám i gaárír kón.» Yoram iri oó', «Heé wák oo faraási ga i tsa/ám tsawaaraak, ya/aawaak as tiwa doogiya' nee inooín, as ngiwa yaahasi, ‹Axáy, wayda iqo deéro?› »

YOBU 31:35

Masók geeraawo heeko in iiárií qaas, axweesante'eé' tí diirihe naa aaiím, aníng an dugnoó wa qaás. Masók Munguú Aleesleemusmo axweesante'eé' tí ngin mu/aywaats, muruudá' ta daanduueéni kaahi alók geera kuna gooín.

YOBU 31:37

Mungú geeraawo un umuú gaárí oó' baraá hotaaeene, geera an adór garmoó waawutmoó wá daqáw amór Mungú.

WARA'AMI 5:3

AAKOÓ MUNGÚ, matlaatleero afor'eé' iiárií qaaseek. Matlaatleero án ti amohhe'eés sluufay'eé' nguwa dirógí oo', nee uri daám.

WARA'AMI 85:8

Aníng masók a axaás adór AAKOÓ MUNGÚ i ooi. Asma wayda gu oo' dír mukós i ale, dír mukós kudá' hhohhó', kudá' naa warqaye' amoorós.

WARA'AMI 85:9

Ar ló', ba/amarós ka tseew dír mukdá' inós gu ilaiwawaá/, xirif i gawaá yaamuurén wa hooti.

ISAYA 21:5

Muruú /ayma kuna amohhe'eés, inqwar kuna hhaáf, hamí muu i /ayín nee i wahán. «Kuungaásingaá geeraharuúse! Tlawaaré', gaambu slikaak!»

ISAYA 21:6

Asma Mungú aníng ina báy, «Tláw xuumusmo qaaseek, inós gár aa ár ngi ooi.

ISAYA 21:8

Aluuwo xuumusmoodá' iri tseé', i kaahi, «Aáko, aníng ana gawaá /aampár wa sihhmamiít, ana xumaamiís tlaatla/aangw sleémeero, xuumár xweera sleeme ana óh.

ISAYA 62:6

«Aá Yerusalemu, aníng xuumuuse aga qaás gawaá koo/irók, tlaatla/aangw nee xweeraawo i baloó xasliitiaaká.» Kuungaásingá' AAKOÓ MUNGÚ inslawtimisá' ma baloó lakiitara'.

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

YEREMIA 6:17

Aluuwo nuri xuumuuseérí qaás, nuri báw, ‹Afór tarumbeéta iiárií qaasaak.› Ala inooín tari oó', ‹A iiárií qaasanaaká.›

ESEKIELI 3:17

«Heewí, aníng kuúng ugwa xuumusmoó múk Israelír wa qaás. Aníng gaa birnga oó' dirók, kuúng mukwí ku naanáq kitangw'eé' wa aleeró.

ESEKIELI 33:7

«Heewí, hamí daxta, aníng kuúng ugwa qaás tawa xuumusmoó múk Israeli. Kuúng axweesani bara dir'eé' wa axás, muk'eé' ku gurbú'.

MIKA 7:7

Ala aníng guruueé' un amór AAKOÓ MUNGÚ xu'ús ar sla'aari, Munguúeé' kudá' aníng i ba/amís un daamaaraám. Munguúeé' aníng i axaas.

2 korinto 13:3

Asma kuungá' gár ta leelehhita' a layár ga laqaqaam adór Kristo ira axweés ar aníng. Kuungá' adór inós kur daqatlaakweeká aqo aandá' qoomár bundu sakwasleemuut, ala /uuruuwós gun laqán dirhunge.

Galatia 1:16

Garmaawós nguna dir'eénií geehhooatís, as kahhó', aníng Ya/abtór hho' ar daanduuwós ngiwa alki/iit dír múk xoordaá hatlá', qoomaadae aníng heé naa yaahaás i kaahh.