HABAKUKI 1:8 - Biblía Axweesantá Hhohho' ar Mungú 2004

⁸ «Farsuín ku isláhh ta dueemiwo, i xaraasliyá' ta tawerú qwariita, nee slaqwaruusér faras gwa i tsa/aan amór i dahhiya' ka saaw, ki islahh adór gwareesír aa gaanslár tleer amór gár /ayma.

HABAKUKI 1:8 Iomraidhean Croise

YOBU 9:26

Deelor'eé' i gaanslár waaráhh a adór meélír taa tleéhh ar daa'a, a adoodá' geenaangw tsiiamo ngur gaanslár na'aati.

ISAYA 11:14

Múk Yuda nee oo Efraimuwo nin haratlayá' amór múk Filisti kuduú bihhaá /uwa, inooín múk bihhaá da/aáw nguri hayoohiyá'. Inooín múk Edomu nee oo Moabuwo nguri baaliyá', múk Amoni niri dir'ín i iialooeesiyá'.

YEREMIA 4:13

Ga/aawaak, wakusmo ni hi'iit adór huunki. Gaarduuwós awa slaqwara a adór bambaao, nee farasuuwós i gaanslár ti'ii'ín gwares ba/a. Tsaxwaarén asma aga hhaamaán.

YEREMIA 48:40

AAKOÓ MUNGÚ i kaahi, «Qaytsiít, Moabu ku gaanslár i haraatláy nee xooro adór gwareesír hhampi'iiwós ga gwet.

YEREMIA 5:6

Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

YEREMIA 50:42

Ga/alduuín nee lawluwo nga taataahhiyé', a múk xaraásl, oo gurtleemuú koomaaká. Kududuhay'ín a adór gwaanduú tlawi, inooín ta gawaá daandeemaá faras. Farsuuín ngwa ii tsa/ané', tindin haratláy amór kuungaá Babuloni.

WA/AA/I 4:19

Múk taa eehar ku ló'wa insláhh ta gwersuuwo, atén tina guús ay gawaá tlom'i, tay gigidiné' baraá darmuú wa alé.

ESEKIELI 17:12

«Gimáy, daxta mukwí aa dee/anuut yaahaseek. Bar slaqsaywí oo axweesani ku tsatsahhán, kibeeto, ‹Waawutmoó múk Babuloni nina hardáh baraá Yerusalemu, waawutmo guri hingeés nee geeraharuuser'ine, giri huúw ay yaamaá Babuloni.

ESEKIELI 17:3

Ki beeto, anuú Aakoó MUNGÚ a káh, ‹Gwareesirka wák yaangaariir i deer, slám hhaampe'eeriwós ki ló'wa uren, hhaampe'eeriwós i hayaá yaariir awa kal'aá dimbedimbé koná'. Gwareesirí ina /akút ay tloomár Lebanoni, iri iwít gawaá tsitsinír sahhti.

ESEKIELI 26:11

Ar fuqeenaá farsuine ayaawók sleémeero gun adarah, mukók guri tsuu/ ar paánga, maraywók kudá' tlet giri yaamií daraahh.

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

NAHUMU 2:5

Geeraharuuseerós gaa ateét. Ya'aaín ngin tunqala/aná' bir amoorós kayá'. Nin gaanslár tsa/aa/aná' gawaá koo/írí aleeró. Slám baqamoó gaa qaroó amohhe'eés.

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

Matayo 24:28

«Asma dír tuua i diri' an didá' gwares i burumburiiti.»

Luka 17:37

Tari oó', «A diimá wa ale, Aáko?» Giri báy, «Dír tuua i diri' an didár gwares i burumburiimiti.»

DABE 28:49

AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.