HABAKUKI 1:13 - Biblía Axweesantá Hhohho' ar Mungú 2004

¹³ Kuúng tu hhoohhoó', tam gár tlaakw ii qaytaro a sla'aká, kuúnguudá' sagagawdu gu sla'aaká arto. Ahaá waáy, mukdá' al/aymár tlehhiít misa tawo ga/eér nee tari dirógí xaslít, qoomár heé tlaákw bar heé hota ganaá' ta inose gu gaamiis.»

HABAKUKI 1:13 Iomraidhean Croise

2 SAMUELI 4:11

Xáy, hamí heé tlaákw bar heé gan'amuú koóm ngwa gaás gawaá qatnírí ale dír do'ós, xáy, i gana'káhe dír'eene marmaárí ngiwa buu'. Asma tseere gaa ku'uús as heedaadá' nguwa gaás, guri hingeés baraá yaamuwo.»

1 WAAWITÁ 2:32

Aakoó Mungú tseerduudá' Yoabu aa ku'umamiís gin ki/is gawaawósuú kilá', asma inós múk tsár oo gan'amuú koóm nee oo hhó' ta inose guna muúx guri tsuú/ ar paánga, ala baabuúeé' Daudi kangwdá' gu xuiiká. Mukwí aa tsuú/ a Abneri garmoó Neri, geeraharusmoó slaqwaruusér Israeli, nee Amasa garmoó Yeterí, geeraharusmoó slaqwaruusér Yuda.

ESTA 4:14

Asma kiíng hamí bara xaslít, múk Yahudi ale/isaay nee ba/ama gin loohír hatlár sláy, kiíng tari qwát dinkwa nee múk doó baabuúwók, ala heé ga xuú' a heemá kiíng waawuti'iima gár kasa sleér tam an qoomár adór tí.»

YOBU 15:15

Bar Mungú mukós kudá' hhohhó' sleeme gun hharahhifiiká, tam sleeme doori dír geeraawose kin hhoohhooeeká.

YOBU 21:7

Asma milá múk tlákw mis hotaatín, bareé /uuremooín in doogiginá' tam ay diimaay.

YOBU 24:23

Inós gina amohhooárí haniís nari ak diihhe'eesiyá'. Ala inós lohduuín gi ga/áy.

WARA'AMI 10:15

/Uuruú /aytuuse nee tlakuuse hhitiimeek, tlakweema sleémeero hingeeseek.

WARA'AMI 18:26

Dír kudá' hhohhoe kuúng tin laqaán tuwa hhoohhoó'. Dír kudá' xaraasla'a tin laqaán tawa xarasl.

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

WARA'AMI 35:17

AAKOÓ MUNGÚ, ay xaylá ta xumaamis? Ba/amisáng baraá /awaa/awingw'ine, slafingw'eé' tu/ang dír direerikae.

WARA'AMI 35:22

Ala kuúng tí aga aán! Ma xasliitaar! AAKOÓ MUNGÚ, ma saweesaar dir'eene!

WARA'AMI 35:25

Pa/aangw munguwa slayé' oo tawa kilooín ooi, «Ala ma hhaslitaán adoodá' ta sla'aan aga slawaán.» Matawa oó', «Ugwa suqtisán.»

WARA'AMI 50:21

Adoorí an adoodá' taa tléhh, aníng nay xasliít. Kuúng kawa xu' aníng aqo adór kuúng. Ala aníng kuúng u iigahhaát, muruuwí sleémeero ngu geehhoeés dír geeraawógí alé.»

WARA'AMI 50:3

Munguúrén ni hardah, slám ni qawti hardihiiká, asltá /ayiim i dír geeraawós wa hi'ít, nee bambaaór duhhúm i fukuukú' nguwa harwedit badu sleémeero.

WARA'AMI 73:3

Asma mukdá' tlákw tin kilooín xirfayeemiis, aníng ngiwa ár kiwa diihhó' aníng gura' iri óh.

WARA'AMI 83:1

Aá Mungú, kuúng ma xasliitaar, Aakoó Mungú, kuúng ma dirógií xasliitaar.

ISAYA 21:2

Iigu'utuú xaraásl kunguna aníngí laqán, daanduú heé al/aymusmo iwa al/agin nee daanduú hhituusmo iwa hhitiitin. Kuungaá múk Elamu, tlawsé', gawa i tsa/amak. Kuungaá múk Medi, tlawsé', haratlawé'. Mungú slahh'amu sleémeero gu faak, kudá' tindi haahuwi nee múk Babuloni.

ISAYA 24:16

Afór xirfayeemis ana axaasaán iimír ku/uyaá doori, afór xirfuú kudá' gan'amuú koóm kuwa xirfayeemisi. Ala aníng ana oó', «Aníng aga slaqwa tlakúw, aníng aga slaqwa tlakúw. Tsaxwaeé'!» Asma múk al/agiím al/aymaaro tan ak kumiit, al/aymuuse in ak ló'wa kumít al/aymaro.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 64:12

Aá AAKOÓ MUNGÚ, baraá muruuwí sleémeero kuúng aqo tin kilók ilá/a? Xáy, kuúng aqo an dirók i qartlíta atén tiri ló'wa slahh'eemís?»

WA/AA/I 3:36

laqaá axweesantá hee bara isa mút baraá kwasleemaro, Aako muruusíng gu slaiiká.

HABAKUKI 1:14

«Nee muu kuri adór siyoó baraá tlawi tleéhh, nee adór makaá gur'ér hi'iimitá' awa waawutmoó kooma'aaká?

SEKARIA 8:17

Laqaá heehúng gár tlaakw mingiwa aldakuút baraá muunaáwose daanduú inslaawmoowose laqaá lo'ór lama ma sla'aara', asma tí sleémeero an tidá' ni ahhiit. Anuú AAKOÓ MUNGÚ tí ngina oó'.»

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

DABE 23:15

«Barnaxes lawaalmo aakoowós ngwa ilagoów, niri hardáh amór do'ók, mu ki/isar dír aakoowós.