Geehhoeemaá 9:21 - Biblía Axweesantá Hhohho' ar Mungú 2004

²¹ Mukwí tsu/utar'ín sleeme gaa hhu'u'uniká, nee da/ari'ín kudá', nee tsaatu'uumar'ín nee fiisor'ín sleeme.

Ya/abtór hho' 1977

²¹ Mukwí tsu/utar'ín sleeme gaa hhu'u'uniká, nee da/ari'ín kudá', nee tsaatu'uumar'ín nee fiisor'ín sleeme.

Geehhoeemaá 9:21 Iomraidhean Croise

ISAYA 47:12

Magaáhh baraá qwaslaari'iimaroge nee da/ariiwók kudá' ure, kudá' handá' aáng taa tlehhít iimír baraá masoombi'imarók doóqa slaasláw a sleér, laqaá ka xu' an baaliín.

ISAYA 47:9

Muruuwí tsár kiíng i gaanslár i harati'iit baraá looár wák i aleeró, qatlór na/iiwók nee kwaali'iitaro i sleér. Handá' kiíng tam da/aluso'ooro, tam /uuruú úr oo qwaslaari'iima u koonda.

ISAYA 57:3

Ala kuungaá diirií tseewuwaare', kuungaásaá na/aá da/aluuso'o, xwaylár fuquso'o nee tsaatuso'o.

DANIELI 11:33

Múk sagalooár koóm múk yaariír ku intsaahhatis. Tam adoorihe inooín ki tsuu/ ar paánga nee ar asla deelór hhaawakahe, kiri haasaáng wa ar tláy nee daqaari'iimar'ín kari hayóh.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Matayo 15:19

Asma baraá muunuú heewo gár ti'imiit a inslawoó tlákw, nee tsu/uta, nee fuqi, nee tsaatu'uuma, nee fiiso, nee lamabu'úngw lama, nee /ooslisliingw.

2 korinto 12:21

Aníng a da'ayumiít asma binda malé hardáh amorhúng, Munguúeé' aníng i malé mureekees dirhunge, nee aníng niri gurhaamuút as múk yaariír oo aa hhu'u'unká tam ay hamí, kudá' tlakweema gaa tlehhiit iimír qoomaadá', tari kumiít baraá slasla/aruuine, nee baraá tsaatu'uumaro nee tam baraá fuqti'ín tidá' taa tlehhiiti.

Galatia 5:20

nee slaqsa'aá mungui kiwa haratlintaati'i, nee da/ari, nee wakaari, nee gila, nee da/i, nee buhhta, nee fola, nee tlaahhi qamiingw, nee partlito,

Geehhoeemaá 13:13

Makiito'oodár tsár layaá uren gina tlehhít, tam asla gan aweerís gawaá doorí wa ale ay baraá yaamu, dír geeraá muu.

Geehhoeemaá 13:15

Makiito'oodár tsár aleesleemu guri malé sleér oo murslaaqatuudá' nguwa hiinsluú i qas, as murslaaqatuudá' iwa axweesi, nee mukdá' sleémeero inós gwa sii' i tumbarara'ataro, kuwa tsu/i.

Geehhoeemaá 13:7

Slám kari ya/án as iwa slaqw nee múk hhohhó' oo Mungú nee nguwa ar ba/. Aleesleemu guri sleér gawaá umuúqo tlahhaywo nee umuúqo muko nee tsifriro nee umuúqo xoorooro.

Geehhoeemaá 14:8

Aluuwo malaykamoó hatlá', oo tsár, aluudá' ngiri haár, iri oó', «Gixsadá' ur ar Babuloni aa hú'. Gixsarí an tidá' xoordu sleémeero gaa oonitimis ar tsaatu'uumarós, tidá' xaraasl, adór difaáír aa hamat.»

Geehhoeemaá 16:6

Asma inooín tseerér mukdá' hhohhó' oo Mungú, nee ar aaruuse kana ku'uús, nee hám kuúng inooín iga tseerér i hanís kawa wahi. Nee adoorí a adór hariim dir'ine.»

Geehhoeemaá 17:2

Waawituú baraá yaamu aa fuquús nee inós. Nee mukduú baraá yaamaá hoót kwaa oonitimís ar difaáír tsaatu'uumarós.»

Geehhoeemaá 17:4

Nee slám /ameenidá' kaa tsiitiís inqwaruú sirda/atene nee oo da/atén. Inós kaa parootuús ar sahaábu nee ar tlaa/edá' tlaxo uren, nee ar kwaslaá hhohho'. Inós i xooslmoó sahaábu koón baraá dakose. Xooslmoowí aa haáts muruú tlakwe nee umuúqo slasla/aruú tsaatu'uumarose.

Geehhoeemaá 17:5

Nee baraá gitsee/awose umuú naaqo kwaa gooín, «Gixsár ur ar Babuloni, aayór tsaatuuse sleémeero nee aayór slasla/aru sleémeero oo baraá yaamu.»

Geehhoeemaá 18:3

Asma múk xoordu sleémeero gwa oonitimís ar tsaatu'uumarós tidá' xaraasl adór difaáír aa hamat. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuwo, aa daqaari'iít ar daqaari'iimarós tidá' ur ar har qoomay wasl.»

Geehhoeemaá 19:2

Asma sakwasleemarós ar ló' nee i ganá'. Inós tsaatuso'oodá' ur, tidá' yaamu gaa hhitiin ar tsaatu'uumarós, gaa sakwasleemuút. Mungú gana li/áy buú' asma inós sagadiyuusér Mungú gana tsú/.»

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.

Geehhoeemaá 9:20

Nee múk aa meet, oo taa tsu/iiká ar muxtaarí, gadiyeédár dabaaín kaa hhu'u'unká, neetlaame kaa mayká sluufmisuuwo, nee munguaá muqslaaqatuuwo, kudá' taa tleéhh ar sahaábu nee ar peésa nee ar muqsla nee ar tlaa/e nee xaai. Munguiiká' i xumisiiaaká nee i axamisiiaaká, slám i hi'iimitiiaaká.