Geehhoeemaá 9:1 - Biblía Axweesantá Hhohho' ar Mungú 2004

¹ Malaykamoó kooán tarumbeéta gari ufaáhh. Aníng tsatsee/ír naa gawaá doorí wa /et ngiri ár, iri hú' gawaá daanduú yaamu. Tsatsee/irí gweermór bohongwdá' aa tsarere'eet gari sleér.

Ya/abtór hho' 1977

¹ Malaykamoó kooán tarumbeéta gari ufaáhh. Aníng tsatsee/ír naa gawaá doorí wa /et ngiri ár, iri hú' gawaá daanduú yaamu. Tsatsee/irí gweermór bohongwdá' aa tsarere'eet gari sleér.

Geehhoeemaá 9:1 Iomraidhean Croise

ISAYA 14:12

«Kiíngadár aáng ar adór tsatse/ír haymú, adór tira /aytiís gawaá doorí wa alé? Kiíngadár xoordaá yaariir iga balaalit, adór tira yaamií daáhh?

Luka 10:18

Yesu giri báy, «Án Neetlaangw ugwa ár, i gawaá doorí wa /e/eetín adór mankari.

Luka 8:31

Neetlaame Yesu guri harhheehhe'és mingiwa kwaáhh baraá bohóngw qwanaay.

Rumi 10:7

«Laqaá ma kaahaar, ‹Heé aweér amór múk aa qaátl i alé a heemá?› » (Gídaabárós a Kristo kunguwa gáwtí huwi baraá múk aa qaátl wa ale.)

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 1:20

Lu/aaroó tsatse/uudá' faanqw, kudá' kuúng taa aán baraá dakw'eé' oo doó /iyáy, nee oo kiteeridá' faanqw awa sahaábu awa tsaa'asór koomá', gídaabárós a tí: Tsatse/uudá' faanqw a malaykér múk kríshaanáyduú baraá gixsadaá faanqw. Nee kiteeridá' faanqw awa tsaa'asór koomá' a múk kríshaanáyduú baraá gixsadaá faanqw.»

Geehhoeemaá 11:7

Ala inooín lamabu'ungw'ín bar ngwa hhe'eesiyé', makiito'oodá' baraá bohóngw aa tsarere'eét daahh, iri sláqw nee inooín, nee inooín giri arbá/ giri tsú/.

Geehhoeemaá 17:8

Makiito'oodá' taa aán inós geeraawo i deer, ala hamí i káhh. Nee inós i ti'ít baraá bohongwdá' aa tsarere'eét wa ale, nee iri tleér amór qwanaay. Nee múk baraá yaamuú wa hoót, kwí umer'ín taa gooinká baraá kitaábuú slafiingw iimír yaamu kiwa tleehhiiká, inooín ta waa/oo/ qoomár makiito'oodá' bar kaa ár. Asma makiito'oorí geeraawo i deer, ala hamí i káhh, nee aluuwo i hardát.

Geehhoeemaá 20:1

Aluuwo malaykamo nguri ár, i awdiit gawaá doorí wa ale. Malaykamoowí dakose gár i kon a gweermór bohongwdá' aa tsaree', nee himuú muqsli oo taa tlaatlaáw.

Geehhoeemaá 20:10

Nee Neetlaangw, kudá' muu gu al/agagiím, inós kuri kwaáhh baraá tlawtadá' asltá kiberíti iwa ohahiin. Diirí an didá' makiito'oodá' nee aarusmooduú lama sleeme i dirii'iya'. Inooín kiri slahh'eemiis tlaatla/aangw nee xweeraawo ay alhhe'eesay wasle.

Geehhoeemaá 6:13

Tsatse/ iri paáhh yaamií alé adoodár na/aá /aantsí awa naa hamaari'iiká kir paahhamaamisi qoomár bar ka diingiís nee bambaaór yaariir.

Geehhoeemaá 8:10

Malaykamoó tám tarumbeéta gari ufaáhh. Tsatsee/ír ur niri hú' gawaá doorí wa ale. Tsatsee/idá' i ót adór tsaa'astá wa ale. Tsatsee/idá' iri hú' gawaá yaudaá baraaká' yaamuwo. Ala a yau sleémeerowooká. A yaaér wák baraá umuúqo yaudá' tame. Nee slám iri hú' gawaá kutloó ma'aay.

Geehhoeemaá 8:12

Malaykamoó tsiyáhh tarumbeéta gari ufaáhh. Bartá wák baraá baduudá' tám awa tsee/amahe kari óh, iri gíp, nee awa slahhaangw nee awa tsatse/ sleeme. Gwa/aateemaá tlaatla/aangw bartá wák iri /aaruúr baraá baduudá' tame. Nee gwa/aateemaá xweera sleeme niri adoodár /aaruyé'.

Geehhoeemaá 8:2

Aníng malaykeedá' faanqw, tidá' sihhimiit geeraá Mungú wa ale ngiri ár. Malaykeedá' kari tarumbeétadaá faánqw i haniís.

Geehhoeemaá 9:2

Tsatsee/irí bohongwdá' nguwa gwét, quui niri baraá bohongwdá' wa ti'ít adór quuír baraá bohóngw asltá ur. Tsee/amá nee doori kiri giwís nee quuír baraá bohongwdá' daahh.