Geehhoeemaá 8:7 - Biblía Axweesantá Hhohho' ar Mungú 2004

⁷ Malaykamoó geera tarumbeéta gari ufaáhh. Tluwoó tlaa/e iri tluúw, nee asltá taa aleedoók nee tseere, muruuwí kuri kwaáhh baraá yaamu. Bartaka wák baraá baduudá' tame awa yaamu asla gari /ák. Bartá wák ar xaai baraá baduudá' tame sleeme asla gari /ák. Nee gitsór naa/ sleémeero asla gari /ák sleeme.

Ya/abtór hho' 1977

⁷ Malaykamoó geera tarumbeéta gari ufaáhh. Tluwoó tlaa/e iri tluúw, nee asltá taa aleedoók nee tseere, muruuwí kuri kwaáhh baraá yaamuú i alé. Bartaka wák baraá baduudá' tame awa yaamu asla gari /ák. Bartá wák ar xaai sleeme asla gari /ák, baraá baduudá' tame awa xaai. Nee gitsór naa/ sleémeero asla gari /ák sleeme.

Geehhoeemaá 8:7 Iomraidhean Croise

WARA'AMI 105:32

Tluwoó tlaa/e guna haniís, nee mankari yaamuuín sleémeero gina gwa/atís.

TI'INAANGW 9:33

Naagáy Mose iri dír Farao wa tláy, iri tsee/aá gixsárí ti'iít, dabaawós giri amór AAKOÓ MUNGÚ i tleés. Tluwayduú tlaa/e nee kwarara/arose niri faakiyé', tluwaay iri sangw malé tluwiiká baraá yaamuwo.

ISAYA 28:2

Ga/aawak, Aako heewós oo migusmo, nee oo /uuruú koóm gwaa sláy, inós i hhaamimiis adór tluwoó tlaa/e nee oo duki, a adór tluwoó duki oo yaariír nee alwuo. Inós kuungá' nun yaamúr tsataat ar xarasleema.

ISAYA 29:6

AAKOÓ MUNGÚ Aleesleemusmo kiíng i alee/iis ar kwarara/a nee kunseeli nee afór ur, nee ar bambaao nee duki nee tsángw asla oo /ayiím.

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

ISAYA 32:19

Gartá wakuuse iri fák nee gixsar'ín iri hhaán.

ESEKIELI 38:22

Aníng Gogu un slaáhh ar tiqtír pu/i nee qatlór yaariir. Aníng tluwoó yaariír ngu huúw, nee tluwoó tlaa/eewo, nee asla nee kibiriíti i gawaawós nee gawaá slaqwaruuseerós nee dír xoorduudá' sleémeero kudá' nee inós dinkwaárií diriiá'.

Yoeli 2:30

«Muruú waa/oo/amo án u laqaám gawaá dooriwo nee baraá yaamuwo. Muruuwí a tseere nee asla, nee quuír aa sihhit adór uhmo.

Yakobo 1:11

Asma tsee/amuú xaraásl sla/a gan da/aa/án, gari kahaas, /ayoorós iri hú', hhoohhooartós iri fák. Tam daqaarmo sleeme aqo in adoodár /oots iri qwaar baraá daawitimeerós sleémeerowo.

YOSHUA 10:11

Qoomár múk Amori tawa ta'aaín geetuú Bet-horoni as tawa waaraahhi dír slaqwaruusér Israeliwo, AAKOÓ MUNGÚ tluwoó tlaa/e guri huúw, inooín tluwaay giri i tlubaabín ay Aseka. Tluwoó tlaa/e múk yaariír gway tsuú/ ta kudá' taa tsu/i nee slaqwaruusér Israeli.

1 Petro 1:24

Asma Gooi i kat, «Muu sleémeero a adór gitso, nee hhohhoarir'ín sleémeero a adór /ayór gitso. Gitso in kát, nee /ayo iri páhh.

Geehhoeemaá 12:4

Hhaysaá dayshamoowí tsatse/uú gawaá doori nguna duuruxuné' nguri kwakwaahhiyé' baraá yaamu. Tsatse/uú taa duuruxún a bartá wák baraá baduudá' tám awa tsatse/uú doori sleémeerowo. Dayshamoodá' iri sihhiít dír geeraá /ameenidá' xwaylár slaa', as na/aywós nguwa gu/i qoomár inós bar na/aay ngwa sangw xwayluúr.

Geehhoeemaá 16:2

Malaykamoó geera iri tláy, slooqomoowós guri ku'uús gawaá daanduú yaamu. Mukdá' layár makiito'oodá' ga koóm, nee oo murslaaqatuuwós kudá' gwa i tumbarara'amiit, mukwí kuri ohín nee um'aá tlakw, awa slahh'eemisá'.

Geehhoeemaá 16:21

Tluwoó tlaa/e oo ló'wa úr oo gawaá dooraá daáhh, iri tluúw gawaá múk i alé. Tlaa/aá tluwaywí umuúqo tlaa/anoowo iiloeemaawo a adór kílo mibeeri kooán. Muu Mungú guri /oosliislín asma muxtaadár tluwoó tlaa/e, asma muxtaarós tí ka ló'wa ur.

Geehhoeemaá 6:8

Aníng niri qaytsiít, faraásír hatlá' ngiri ár ar baabahay. Heé faraásirí gaa i tsa/an umuuwós a Gwa'ara, gi'i nee inós tina al koomakoné'. Inooín kiri aleesleemuú i haniís baraá yaamuwo daanduú barakár wák baraá baduudá' tsiyahhawo, as muu kuwa tsu/i ar paánga, nee ar giyeé nee ar pu/i, nee ar makaá xaraaslá' awa baraaká' yaamu.

Geehhoeemaá 7:1

Alaá tihe aníng malaykér tsiyáhh ngiri ár aa sihhít bihhe tsiyáhh ar yaamu. Inooín fur'aadá' tsiyáhh ar yaamu kan ila/án, as fur'aadá' miwa fukukueeliín baraá yaamií alé, laqaá tam gawaá daanduú tlawi, nee laqaá tam gawaá umuúqo xa'anoowo.

Geehhoeemaá 9:15

Malaykeerí kana amohhe'eés as qoomaadá' nee baalaadá' nee slahhangwdá' nee kurkudá'. Malaykeerí tsiyáhh kari gweér as daqtá wák ar muu ngiwa tsu/ baraá daqoorayduú tám oo múk baraaká' yaamuwo.

Geehhoeemaá 9:18

Daqtá wák baraá daqooraydá' tame oo múk baraaká' yaamuwo kana tsuú/ ar muxtaarí tám. Kuna tsuú/ ar asla nee ar quui nee ar asltá xaraasl ar kiberiíti. Muruuwí nina ti'imiít baraá afér farsuú wa ale.

Geehhoeemaá 9:4

Kiri báy, «Gitsór yaamu ma hhitiimara', laqaá umuúqo gár naa/a, laqaá tam umuúqo xa'anoowo, ala a mukdá' layár Mungú ga koomaaká gawaá gitsee/er'ine.»