Geehhoeemaá 8:11 - Biblía Axweesantá Hhohho' ar Mungú 2004

¹¹ Umuú tsatsee/idá' ku babay «Qarqaraay.» Nee bartá wák baraá baduudá' tame awa ma'aay iri qarqarút. Múk yaariír iri qaátl as ma'aydá' asma adoodá' ma'aydá' kiwa qarqareés.

Ya/abtór hho' 1977

¹¹ Umuú tsatsee/idá' ku babay “Qarqaraay.” Nee bartá wák baraá baduudá' tame awa ma'aay iri qarqarút. Múk yaariír iri qaátl as ma'aydá' asma adoodá' ma'aydá' kiwa qarqareés.

Geehhoeemaá 8:11 Iomraidhean Croise

TI'INAANGW 15:23

Qoomár tawa hardáh dír ta bay Mara, ma'aá didá' wahto kaa aleeslayká, asma i qarqariyá'. As adoorí didá' kay báy «Mara».

AXWEESANOÓ SAGALOOA 5:4

Ala alhhe'eesaywo in qarqarút saaxí ba/a, i tlaaqaán adór paángár afe tsár.

YEREMIA 23:15

Gawaá adoorihe, anuú AAKOÓ MUNGÚ Aleesleemusmo daanduú aaruusér Yerusalemuro a kah, «Ga/aawaak, aníng in /aymiís ar xa'anoó qarqaár, ngiri wahaás ar ma'aá qarkú koomá'. Asma aaruusér Yerusalemu Mungú ilaiwa/ameero nguna geerií mayé', tleehhmuuwí iri tsiyaayaxaát baraá yaamuwo.»

YEREMIA 9:15

Gawaá adoorihe AAKOÓ MUNGÚ Aleesleemusmo, Munguú Israeli, i kaahi, «Ga/aawaak mukwí un hhamaandúr /aymiís, nee nguri ma'aá qárkwár wahaás.

WA/AA/I 3:19

Slahh'amayer'eé' nee harweeriringw'eene bira insláw, án i ló'wa slahh'eemisiyá' adór saaxí.

WA/AA/I 3:5

Ina harweér iri /amatseék ar slahh'amaaye nee tlarara/aay.

AMOS 5:7

Tsaxwaahúng kuungásingá' sakwasleemár ganaa' ngi tangekufiimá' tawa gár tlii/, nee hotaá ganaa'á' kiri waaqaé'.

AMOS 6:12

Xáy, faras iqo ta'aaína gawaá daanduú tlaa/aro? Xáy, hee tlawi gaqo doósli ar awe? Ala kuungá' sakwasleemár ganaa' aga warqesé' tawa qara, nee mamaá hotaá ganaa'á' iga adór hhamaandú tlehhé' qarqaraywo.

SEKARIA 13:8

Daqooroó tsár kuri amór saáw i kwaahh baraá yaamu sleémeero, inooín niri qatliyá', ala daqtá tám iri mét baraakí alé.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

DABE 29:18

Gimsé' ti harmagahhe' laarí hhawaata laqaá /ameeni, laqaá heé doohúng, laqaá oo tlahhayhúng tumu wák oo diirí wa sihhmiít laarí, oo AAKOÓ MUNGÚ, Munguúrén gu sií', miwa deeruút, iri munguaá xoordaá hatlá' sagadiyér áy. Gár adór tí an adór dee/armoó aa harmaa/, mamaá qarqará' giri laqwaál, kudá' qarkú koomá'.

Ebrania 12:15

Ga/aawaak, hee tsuuqaá Mungú mingiwa sií'. Nee magoót miwa deerút baraá tla/angwhunge, nee nuri hhitiín. Asma magór adoorí ga aleesleér múk yaariír nguwa qárkwií qas.

Geehhoeemaá 12:4

Hhaysaá dayshamoowí tsatse/uú gawaá doori nguna duuruxuné' nguri kwakwaahhiyé' baraá yaamu. Tsatse/uú taa duuruxún a bartá wák baraá baduudá' tám awa tsatse/uú doori sleémeerowo. Dayshamoodá' iri sihhiít dír geeraá /ameenidá' xwaylár slaa', as na/aywós nguwa gu/i qoomár inós bar na/aay ngwa sangw xwayluúr.

Geehhoeemaá 8:7

Malaykamoó geera tarumbeéta gari ufaáhh. Tluwoó tlaa/e iri tluúw, nee asltá taa aleedoók nee tseere, muruuwí kuri kwaáhh baraá yaamu. Bartaka wák baraá baduudá' tame awa yaamu asla gari /ák. Bartá wák ar xaai baraá baduudá' tame sleeme asla gari /ák. Nee gitsór naa/ sleémeero asla gari /ák sleeme.

Geehhoeemaá 9:15

Malaykeerí kana amohhe'eés as qoomaadá' nee baalaadá' nee slahhangwdá' nee kurkudá'. Malaykeerí tsiyáhh kari gweér as daqtá wák ar muu ngiwa tsu/ baraá daqoorayduú tám oo múk baraaká' yaamuwo.

Geehhoeemaá 9:18

Daqtá wák baraá daqooraydá' tame oo múk baraaká' yaamuwo kana tsuú/ ar muxtaarí tám. Kuna tsuú/ ar asla nee ar quui nee ar asltá xaraasl ar kiberiíti. Muruuwí nina ti'imiít baraá afér farsuú wa ale.

RUTI 1:20

Naomi giri beér, «Aníng mi Naomír ateetimaara', ala ateetimaaré' ar Mara. Asma Munguú Aleesleemusmo aníng iga slahh'amaayér úr i haniís.