Geehhoeemaá 8:10 - Biblía Axweesantá Hhohho' ar Mungú 2004

¹⁰ Malaykamoó tám tarumbeéta gari ufaáhh. Tsatsee/ír ur niri hú' gawaá doorí wa ale. Tsatsee/idá' i ót adór tsaa'astá wa ale. Tsatsee/idá' iri hú' gawaá yaudaá baraaká' yaamuwo. Ala a yau sleémeerowooká. A yaaér wák baraá umuúqo yaudá' tame. Nee slám iri hú' gawaá kutloó ma'aay.

Ya/abtór hho' 1977

¹⁰ Malaykamoó tám tarumbeéta gari ufaáhh. Tsatsee/ír ur niri hú' gawaá doorí wa ale. Tsatsee/idá' i ót adór tsaa'astá wa ale. Tsatsee/idá' iri hú' gawaá yaudá' baraaká' yaamu. Ala a yau sleémeerowooká. A yaaér wák baraá umuúqo yaudá' tame. Nee slám iri hú' gawaá kutloó ma'aay.

Geehhoeemaá 8:10 Iomraidhean Croise

2 QOM'I 32:3

inós nee geeraharuuse nee miguusér slaqwara nina al'axweesiyé', yau kudaá tsee/aá gixsa kiwa tseegi, inooín nguri ale/iisiyé'.

ISAYA 12:3

Kuungá' ma'aay i qwal/úr hhekitá' baraá hhaleeraá ba/ama.

ISAYA 14:12

«Kiíngadár aáng ar adór tsatse/ír haymú, adór tira /aytiís gawaá doorí wa alé? Kiíngadár xoordaá yaariir iga balaalit, adór tira yaamií daáhh?

SEKARIA 13:8

Daqooroó tsár kuri amór saáw i kwaahh baraá yaamu sleémeero, inooín niri qatliyá', ala daqtá tám iri mét baraakí alé.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

Matayo 25:1

«Qoomaadae waawuti'iimár doori a slaqas nee dasuú mibaangw oo taa'aduuín gaa oh, tari tláy as heé duuxuuxuúm kuwa al'ay.

Luka 10:18

Yesu giri báy, «Án Neetlaangw ugwa ár, i gawaá doorí wa /e/eetín adór mankari.

Yuda 1:13

Inooín a adór gwaanduú tlawi, kudá' ila/aaro ta aleeslayká, mureewasler'ín ka geehhoo' adór sloorór gwaanduú baraá tlawi. Inooín a adór tsatse/uú tawó qwaqwadiím, kudá' dir'ín taa amohhe'eés baraá ma/ami ay alhhe'eesay wasle.

Geehhoeemaá 1:20

Lu/aaroó tsatse/uudá' faanqw, kudá' kuúng taa aán baraá dakw'eé' oo doó /iyáy, nee oo kiteeridá' faanqw awa sahaábu awa tsaa'asór koomá', gídaabárós a tí: Tsatse/uudá' faanqw a malaykér múk kríshaanáyduú baraá gixsadaá faanqw. Nee kiteeridá' faanqw awa tsaa'asór koomá' a múk kríshaanáyduú baraá gixsadaá faanqw.»

Geehhoeemaá 12:4

Hhaysaá dayshamoowí tsatse/uú gawaá doori nguna duuruxuné' nguri kwakwaahhiyé' baraá yaamu. Tsatse/uú taa duuruxún a bartá wák baraá baduudá' tám awa tsatse/uú doori sleémeerowo. Dayshamoodá' iri sihhiít dír geeraá /ameenidá' xwaylár slaa', as na/aywós nguwa gu/i qoomár inós bar na/aay ngwa sangw xwayluúr.

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»

Geehhoeemaá 16:4

Malaykamoó tám slooqomoowós guri ku'uús baraá yau nee baraá kutlaay. Ma'aay niri tseere tleehhitiyé'.

Geehhoeemaá 6:13

Tsatse/ iri paáhh yaamií alé adoodár na/aá /aantsí awa naa hamaari'iiká kir paahhamaamisi qoomár bar ka diingiís nee bambaaór yaariir.

Geehhoeemaá 8:7

Malaykamoó geera tarumbeéta gari ufaáhh. Tluwoó tlaa/e iri tluúw, nee asltá taa aleedoók nee tseere, muruuwí kuri kwaáhh baraá yaamu. Bartaka wák baraá baduudá' tame awa yaamu asla gari /ák. Bartá wák ar xaai baraá baduudá' tame sleeme asla gari /ák. Nee gitsór naa/ sleémeero asla gari /ák sleeme.

Geehhoeemaá 9:1

Malaykamoó kooán tarumbeéta gari ufaáhh. Aníng tsatsee/ír naa gawaá doorí wa /et ngiri ár, iri hú' gawaá daanduú yaamu. Tsatsee/irí gweermór bohongwdá' aa tsarere'eet gari sleér.

Geehhoeemaá 9:15

Malaykeerí kana amohhe'eés as qoomaadá' nee baalaadá' nee slahhangwdá' nee kurkudá'. Malaykeerí tsiyáhh kari gweér as daqtá wák ar muu ngiwa tsu/ baraá daqoorayduú tám oo múk baraaká' yaamuwo.

Geehhoeemaá 9:18

Daqtá wák baraá daqooraydá' tame oo múk baraaká' yaamuwo kana tsuú/ ar muxtaarí tám. Kuna tsuú/ ar asla nee ar quui nee ar asltá xaraasl ar kiberiíti. Muruuwí nina ti'imiít baraá afér farsuú wa ale.

HAR'OHUUSE 15:11

Múk kume tám oo Yuda tari amór Samsonuú káy baraá mar'ír tlaa/ár Etamu, nguri bayé', «Xáy, a xu'ukáhe adór múk Filisti atén tir sawawuti'ii'ín? Ga/aaweek daxta atén amotlakwér adór tí taa sleér.» Samson giri báy, «Adoodá' naa aníngí tleehhiyé' ana inooín i tleéhh.»