Geehhoeemaá 7:4 - Biblía Axweesantá Hhohho' ar Mungú 2004

⁴ Mukdá' taa layár i qamín aníng faaror'ín ana axamiís. Faaror'ín a múk kume tsiiruú wák nee mibeeraá tsiyáhh nee tsiyáhh oo taa layár i qamín baraá tlahhi'iidaá múk Israeliwo.

Ya/abtór hho' 1977

⁴ Mukdá' taa layár i qamín aníng faaror'ín ana axamiís. Faaror'ín a múk kume tsiiruú wák nee mibeeraá tsiyáhh nee tsiyáhh oo taa layár i qamín baraá tlahhi'iidá' múk Israeliwo.

Geehhoeemaá 7:4 Iomraidhean Croise

IIMU/UUNGW 15:5

Mungú Abramu guri tsee/ií huúw, iri oó', «Gawaá doori i qaytsiteek daxta, tsatse/ faareek, bur aleesleér faarooro.» Guri malé báy, «Adoorí an adór xwaylarók i diri'.»

TI'INAANGW 28:21

Tlaa/eedá' a mibaá nee tsár awa umér tlahh'aá mibaá nee tsár awa xoorór Israeli ki gooin. Umuúqo tlaa/anoowo tari adór laya ar sihhmiit daanduú tlahhoó wák baraá tlahh'aá mibaá nee tsár awa múk Israeliro.

ESEKIELI 47:13

Aakoó MUNGÚ i kaahi, «Gaarí an digeemaá yaamuudá' ta qasisa' dír tlahhi'iidá' mibaá nee tsár awa Israeli. Ala tlahhoó Yosefu yaamuwo ku qay sagaá wa tsár wa ale.

ESEKIELI 48:19

Umuúqo heé baraá gixsár wa hoota tam oo tlahhay gaalá, yaamuudá' ki doosli.

ESEKIELI 48:31

afer'ín a tám, afkú doó Reubeni, nee afkú doó Yuda, nee afkú doó Laáwi.

SEKARIA 9:1

Kaangwí an geehhooemaá axweesantá AAKOÓ MUNGÚ daanduú gixsár yaamaá Hadraki, nee awa Damasko, asma gixsaduukaá Aramu awa AAKOÓ MUNGÚ, adór tlahh'aá Israeli sleémeero tar kós.

Matayo 19:28

Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Luka 14:22

Lawaalmoodá' iri oó', ‹Aáko, tisíng sleémeero naa kát aa tleehharút, tam hamí do' aa hatsiiká.›

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

Tlehhema'aá ya/Abuuse 26:7

Al'axweesantí tlahhi'iirén kudá' mibaá nee tsár sleémeero ngin daamaraná' ngiwa i hardihiya', tawa Munguú sluufmamiisi ar inkihhimu tlaatla/aangw nee xweeraawo. Waawutámo! Aníng gár tiwa sakwasleemuuti nee múk Yahudi a daanduú haraxu'utirí.

Rumi 9:27

Nee aarusmo Isaya ina axweés sleeme daanduú múk Israeliwo, iri tseé' iri oó', «Múk Israeli tam ku yaariire adór hhasángw afaá tlawi, ala múk ba/ám baraaine ku niiná.

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.

Geehhoeemaá 14:1

Aníng niri qaytsiít, Deelmoó bee/i nguri ár aa sihhiít gawaá tloomár Siyoni. Nee múk kume tsiiruú wák nee mibeeraá tsiyáhh nee tsiyáhh aa sihhiít dinkwa nee inós. Gawaá gitsee/ér mukwihe gár taa gooín a umuú Deelmoó bee/i nee umuú Baabuúwós.

Geehhoeemaá 14:3

Inooín daa'ángw /abén kuna daá' dír geeraá kitangwduú aleesleemuú wa ale, nee dír geeraá muruudá' slaáf oo tsiyáhh, nee dír geeraá bariiseedá'. Ala heé daa'angwdá' intsaahharo gwa aleeslay i kaahh, aqo har mukduú kume tsiiruú wák nee mibeeri tsiyáhh nee tsiyáhh, kudá' taa tlaáxw baraá yaamuú wa ale.

Geehhoeemaá 7:5

Múk tlahhoó Yuda oo taa layár i qamín a kume mibaá nee tsár. Oo tlahhoó Reubeni a kume mibaá nee tsár. Oo tlahhoó Gadi a kume mibaá nee tsár.

Geehhoeemaá 9:16

Aníng faarór askaáridá' aa tsa/aan gawaá faras ngiwa axaás, faaror'ín a kume mibeeri tsár sagaáwa kume mibaangw.