Geehhoeemaá 7:2 - Biblía Axweesantá Hhohho' ar Mungú 2004

² Nee malaykamoó hatlá' nguri malé ár oo tsa/a/ám amoodá' looa niwa tsiirarihh. Inós i layár kón ar Munguú slaáf. Inós malaykeedá' tsiyáhh gari i tseé' ar afór ur, tidá' aleesleemu gwa sleer yaamu ngiwa hhitiin nee tlawi.

Ya/abtór hho' 1977

² Nee malaykamoó hatlá' nguri malé ár oo tsa/a/ám amoodá' looa niwa tsiirarihh. Inós i layár kón ar Mungú slaáf. Inós malaykeedá' tsiyáhh gari i tseé' ar afór ur, tidá' aleesleemu gwa sleer yaamu ngiwa hhitiin nee tlawi.

Geehhoeemaá 7:2 Iomraidhean Croise

2 WAAWITÁ 19:4

Hamí sleeme i ya/aán AAKOÓ MUNGÚ gaa axaás axweesantá heedaádá' úr oo múk taa karmuumúy, kudá' tinda ya/aáw nee wawutmoó Ashuru, as aakoowós Munguúdá' slaáf nguwa /oosliislin. Doóqa AAKOÓ MUNGÚ, Munguúwók inós gu naanaaq as /aymi'iidá' aa axaás. Gawaá adoorihe mukók kwí aa meet aleefirimeek.› »

DAA'AANGW 8:6

Aníng baraá muunaáwók i qaasáng adór laya. Masók a adór laya baraá dabaawoge. Asma sla'aari i /uuruú koón adór gwa'ara, Da/i i dae tláq adór /aanta, ohmaá sla'aari a adór ohmángw asla. In tsaara'aamís adór tsángw asla.

ISAYA 41:2

Heé heewí baaliliím umuú diiro gwaa da/aáwá sihhtis a heemá bar a aningeeká? Oo xooslu sleémeero gaa dabaawós í haniis, inós waawitá gun yaamií adah, guri teeri tlees ar paángarós, giri adór muundáy wá haritlees ar ga/aleerós.

ESEKIELI 9:4

guri báy, «Waaraáhh ar baraá tla/ángw gixsár Yerusalemu, laya qaaseek gawaá gitsee/ér mukdá' gurhamuút nee oo /aa/amiím as muruudá' slasla/arén sleémeero ta tlehhiiti baraá gixsarihe.»

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Matayo 16:16

Simon Petro iri oó', «Kuúng a Kristo, Garmoó Munguúdá' slaáf.»

Matayo 26:63

Ala Yesu aa ilawatsiiká. Kaahamusmoó úr oo Mungú Yesu guri báy, «Án kuúng u baw, lo'o huweek ar Munguúdá' slaáf. Atén ti ádbeer kuúng barnaxes aqo Kristo, Garmoó Mungú.»

Yohana 6:27

Muruú /aymaadá' hhitiruút mu sagadiyuusara', ala kudá' hotaatiím oo slafíngw alhhe'eesay wásl ngu huúw na sagadiyuusaak. Muruú /aymaarí Garmoó Hee ngu kuungá' i haniis. Asma Mungú Baabá inós gwa ya/án, guri aleesleemuuwós i haniís.»

2 korinto 1:22

Nee slám tiri layaarós i qaás, nee Qeeruuwós nguri haniís baraá muneerén i alé as inós tawa arhaánirén.

Efeso 1:13

Kuungá' sleeme baraawose kángw looeema ugwa axasé', kangwdá' hhó' oo ba/amarhúng. Slám inós ugwa haratlintié', Qeeruú hhoohhoó' oo Mungú kudá' aa diréní al'axweés, nuri dugunií qaás.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

DABE 5:26

Xáy, a hee gaalá oo Munguú slaáf gwa axaás oo baraá tla/ángw asltá wa axweés, adoodá' atén kura axasaán nee tay hotaán?

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.

Geehhoeemaá 1:3

Heé amohhoó' a kudá' axweesantá aaru'uumarí ga soomuús. Nee múk amohhoó' a kudá' tidá' taa baraakií gooín ga axamiís nee gaa oh. Asma qooma aa naká/.

Geehhoeemaá 10:1

Malaykamoó hatlá' nguri ár oo aleesleemuú koóm, i awdiit gawaá doorí wa ale, kwaa tsiitiís ar huunkáy. Nee gár gawaá sagós i dirii' a ga/alér tluwaay. Slám gitsee/awós a adór tsee/amá. Nee ya'aawós a adór uheemaá asla.

Geehhoeemaá 10:4

Qoomár kududuhoó faanqw iwa hhe'eés kududuhaywo, aníng ana slaá' /aymi'iidá' ngiwa gooiim. Afór dooraá daahh ana axaás, i kat, «Aymi'iisíng taa axweés nee kududuhoó faanqw dugnií qaaseek ki lú/, mi gooiimaar.»

Geehhoeemaá 16:12

Malaykamoó lahhoó' slooqomoowós guri ku'uús baraá yaaeedá' ur ar ta bay Eufrate. Ma'aá yaaeedá' niri kahiyé', as waawituú da/aá daáhh loohir'ín kawa tleehhi.

Geehhoeemaá 5:2

Malaykamoó aleesleemuú koóm nguri ár. Inós ina axweés ar afór ur, iri oó', «Heé hariím a heemá kitaábuuwí nguwa gweeri nee dugeeniidá' kura tseegi.»

Geehhoeemaá 8:3

Malaykamoó hatlá' niri hardáh iri sihhiít dír geeraá kitángw ilahhooa. Inós xooslmoó sahaábu gu kón oo muruudá' mooyángw tsuú' koóm ku i da/a/an ilahhooár wa ale. Muruudá' mooyángw tsuú' koóm oo yaariír kuri inós i haniís, as nguwa haragaasi dinkwa nee firór múk hhohhó' oo Mungú, gawaá kitángw ilahhooa, kuduú sahaábu. Kitaangwí i dír geeraá kitángw aleesleemu.

Geehhoeemaá 9:14

Afoorí malaykamooduú lahhoó', kudá' tarumbeétár koóm, guri beér, «Malaykeedá' tsiyáhh gweereek, tidá' taa tseék dír yaaeedá' ur ta babay Eufrate.»

Geehhoeemaá 9:4

Kiri báy, «Gitsór yaamu ma hhitiimara', laqaá umuúqo gár naa/a, laqaá tam umuúqo xa'anoowo, ala a mukdá' layár Mungú ga koomaaká gawaá gitsee/er'ine.»

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»