Geehhoeemaá 6:14 - Biblía Axweesantá Hhohho' ar Mungú 2004

¹⁴ Doori niri quutliyé' adór slambaree/i kar waageqaaqay. Nee umuúqo tloomaro kari loohatís dirós tidá' i dir'a. Nee umuúqo yaamaá kaahaare awa baraá tla/ángw tlawtí diriia'a kiri loohatís sleeme.

Ya/abtór hho' 1977

¹⁴ Doori niri quutliyé' adór slambaree/i kar waageqaaqay. Nee umuúqo tloomaro kari loohatís dirós tidá' i dir'a. Nee slám umuúqo yaamaá kaahaare awa baraá tla/ángw tlawtí diriia'a kiri loohatís sleeme.

Geehhoeemaá 6:14 Iomraidhean Croise

WARA'AMI 102:26

Inooín i hhitiruutiyá', ala kuúng a kumamít. Inooín i qaruyá' adór inqwaruú wa ale, kuúng in adór tlabaá wá warqés, nay slaxaruutiyá'.

ISAYA 34:4

Slaqwaruusér gawaá doori sleémeero iri hhitirút, doori kiri adór slaambare/ír wá marmaar, slaqwaruusér doori sleémeero iri huuhu'uún, adór loo/ór sabiíbu ir pahhaahhat, nee adór loo/ór /aantsí ir huuhuaaiin.

ISAYA 54:10

Asma tlom'i daqtakaaro i quutliyá', gongoama' ki surkuus. Ala sla'aarir'eé' ar warqawaaká i baloó qutlká diroge, nee alqador'eé' tidár wayda ka hingeesiiká diroge.» AAKOÓ MUNGÚ kudá' gurtleemuú koóm daanduuwonge tí gan kah.

YEREMIA 3:23

Looeemaawo taa kiloorén al/ayaán tawa munguaá hatlá' sluufmisuú awaán gawaá sagér tlom'i. Looeemaawo ba/amár múk Israeli amór ni dahh a amór AAKOÓ MUNGÚ, Munguúrén.

YEREMIA 51:25

Ga/aaweek, kiíng tloomár hhaamimiis, aníng nee kiíng ti araán. Kiíngasíng yaamu sleémeero gi hhitaatiim, aníng dakw'eé' u gawaawók i tleés, iri gawaá tla/uú wa daáhh, iri adór tloomár taa daá/ tleéhh.

ESEKIELI 38:20

Siyoó baraá tlabeemo, nee tsir/ór /akumiit, nee makaá sla/ato, nee ya'a wasleero, dinkwa nee múk baraá yaamu sleémeero ta daraxaat aníng bira ariyé'. Tlom'i ki yaamií hhaaf, nee geetawe nee koo/i sleémeero i yaamií hú'.

NAHUMU 1:5

Tlom'i nin daaraxaatiyá' dír geeraawose, tam gongoama' niri weeqiyá'. Yaamu kin daaraxaas dír geeraawós wa alé, yaamu dinkwa nee muruudá' sleémeero oo baraá yaamaá hoota.

HABAKUKI 3:10

Tlom'i uwa ariyé' nina daaraxaatiyé'. Alwuór ma'aay iri waaráhh, iloo niri xuuruuiyé', /ur/urti'ín iri gáwtí tsifaaqamít.

HABAKUKI 3:6

In sihhiit yaamu giri diingiis. Iri qaytsiit xoordu giri kwisltis. Tlom'iidaá alhhe'eesay wasl niri feehhamiitiyá', nee gongooamadá hotaatimá' niri sluk'umitiyá', lohduuwós awa alhhe'eesay wasl.

2 Petro 3:10

Ala deelór Aako i hardát adór fisusmoó ar alé. Baldá' doori ni ilaá wa qwaariyá' ar kududuhoó úr, nee tsatse/ asla gu ót nee iri weeq. Yaamu nee muruú baraawós i dirií' sleémeero niri qwaariyá'.

Geehhoeemaá 16:20

Umuúqo yaamaá kaahaar awa tla/ángw tlawtí diriiá' niri ilaá wa qwaariyé', nee tlom'i sleeme kari ariiká.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.

Geehhoeemaá 21:1

Aluuwo dooraá /aben ngiri ár, nee yaamaá /aben. Asma dooridá' geera nee yaamuudá' geeraawo naa waarahhiyé', slám tlawtá malé dáw i káhh.