Geehhoeemaá 5:5 - Biblía Axweesantá Hhohho' ar Mungú 2004

⁵ Nee heé wák baraá bariiseedae aníng ina báy, «Ma /aa/amiimaar. Qaytsiít, Dirángw tlahhoó Yuda i deer, oo hhay Daudi. Inós arba/ati gaa sláy. Gawaá adoorihe inós i harín kitaábu nguwa gweeri nee tam dugeeniiwós kudá' faanqw kura tseegi.»

Ya/abtór hho' 1977

⁵ Nee heé wák baraá bariiseedae aníng ina báy, “Ma /aa/amiimaar. Qaytsiít, Dirángw tlahhoó Yuda i deer, oo hhay Daudi. Inós arba/ati gaa sláy. Gawaá adoorihe inós i harín kitaábu nguwa gweeri nee tam kufúlaywós kudá' faanqw sleeme.”

Geehhoeemaá 5:5 Iomraidhean Croise

1 WAAWITÁ 10:20

Slám slaqsa'aá direeraá mibaá nee tsár i dayá', oo wák alhhe'eesoó gawaá daanduú tsa/a/amtoodá' lahhoó'. Slaqsoó kitangwdá' dír hatlá' iwa deér i káhh.

2 QOM'I 9:18

Kitaangwí tsa/amto ngi kon a lahhoó', nee kitangwdá' taa i tlintati'i gawaawose gár kura tleéhh a sahaábu kilós. Kitángw ta yaií qamin gár kura tleéhh a sahaábu kilós, sleémeero kiri dinkwárí nigihhiitís nee kitangwdú waawuti'iima. Umuú barto dír dawa kway qaasi i deer, slám slaqsa'aá direeraá tsár kina tleéhh dír daba' ki qamín.

YOBU 41:15

Daanduuwós gár kura tleéhh a darqeefaá gawden, darqeefoodá nina naga'amitiyé' kwaáo' kina naga'amiís ar boohhayaangw.

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

ISAYA 11:10

Baalaadae yaeemír doó Yese in adór laya tleehhít dír muko, inós xoordu ngun leeleehhiyá', didár hotaawós iri xirfút.

YEREMIA 31:16

AAKOÓ MUNGÚ i kaahi, «Daxta /aa/e maweek, hhirhheeriiwók fiitseek, asma bu'utu u sleér daanduú gadiyeéroge. Na/iihúng ni watliyá' baraá yaamuudá' saaw awa wakuuserhunge.

DANIELI 7:16

Heé wák una i tseewúw dír mukdá' aa amorqá' i sihhiiti, nguri yaahaás, ‹Gár muruuwi sleémeero i laqaaqan a milá?› Gawaá adoorihe gár muruudá' i laqaaqan inós ngiri oó'.

FAARO 24:9

Ina xupuú' iri yaamií qaát adór diraangw, a adór dirángw /ameeni, heé gu qiítl gwarangwarto? Umuúqo heé kuungá' naa tsuuq ku tsuuqi, umuúqo heé kuungá' naa lu'us ku lu'usi.»

Luka 23:28

Yesu /ameenadá' gari i warqáy gari báy, «Aá /ameenár Yerusalému, aníng mi al/aa/amiimara'. Ala kuungá' kiloohúng ti al/aa/amiinde', nee na/iihúng.

Luka 7:13

Qoomár Aako ngiwa ár, guruuwós iri tláy, gari báy, «Ma /aa/amiimaar.»

Luka 8:52

Muu sleémeero tawa na/aydá' satsuunqumiisi, giri báy, «Ma /aa/amiimara', aa gwaiká, ina gú'.»

Yohana 20:13

Malaykeedá' iri ó', «Aáyo, gár ta /aa/amiin a milá?» Inós iri ó', «Asma Aakooeé' kwa hingeés, nee aníng a xuaaká amór kway qaás.»

Rumi 1:3

Ya/abtoorí a kángw Garmaawós, Aakoorén Yesu Kristo. Inós an hee, nee tlahhaywós oo baraakaá yaamu a tlahhoó Daudi.

Rumi 15:12

Nee slám aarusmo Isaya i kaahi, «Harma/i ni baraá tlahhoó Yesé dáhh. As xoordu sleémeero ngiwa sawaawuti'ii'in. Inós an kudá' xoordu i haraxuiya'.»

Ebrania 7:14

A gár xu'utiit Aakoorén tlahhaywós a tlahhoó Yuda. Slám Mose kángw kaahamuuse nguwa axweés, gár aa oó' i káhh daanduú tlahhaywihe.

Geehhoeemaá 1:1

Gaarí a gár Mungú aa geehhoeés dír Yesu Kristo, as Yesu Kristo muruudá' hardáh ar gaanslaay nguwa laqan dír sagadiyuuseerós. Kristo malaykamoowós guri ya/aáw amór sagadiyusmoowós Yohane, as muruuwí nguwa dirós i laqan.

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 4:10

Qoomár inooín barta adoorí tlehhiit, umuúqo daqto bariiseedá' mibeeri tsár nee tsiyáhh in tumbarara'amít dír geeraá kudá' gawaá kitángw aleesleemuú i dirií'. Inooín kudá' slaáf ay alhhe'eesay wasle kun sluufmiis. Nee inooín slam'eeri'ín kin kwakwaahh dír geeraá kitangwduú aleesleemu, ta kaahi,

Geehhoeemaá 4:4

Kitangwduú aleesleemu kiteeraá mibeeri tsár nee tsiyáhh awa hatlá' awa aleesleemu nguna harweeriyé'. Nee gawaá kiteeridá' mibeeri tsár nee tsiyahhe bariisér mibeeri tsár nee tsiyáhh gawaadá' wa iwiiwít. Inooín tlabaá /awak ngaa dahamiisiyé', nee gawaá sager'ine gár naa dahaasiyé' a slam'eeraá sahaábu.

Geehhoeemaá 5:4

Aníng /aa/e iri lak gaasiyé' as adoodá' heé taa ár iwa kahhi, oo hariím kitaábuudá' gweeraro laqaá nguwa i qaytsiiti.

Geehhoeemaá 6:1

Aluudae Deelmoó bee/i nguri ár qoomár inós dugnooduú geera nguwa gweér baraá dugeenidá' faanqwe. Nee gár wák baraá muruudá' tsiyáhh oo slafa ana axaás i axwés ar afór adór kududuhaay, i kat, «Qwaláng.»

Geehhoeemaá 7:13

Aakoó wák baraá bariiseedae aníng iri yaahaás, «Ahaá, mukwí taa tsiitiís ar tlabaá /awak a ín heemá? Nee inooín amór i dahhiya' a amá?»