Geehhoeemaá 5:1 - Biblía Axweesantá Hhohho' ar Mungú 2004

¹ Aluuwo kitaábu una ár. I baraá dákw doó /iyáy oo kudá' aa iwiit gawaá kitangwduú aleesleemu. Kitaábuudá' i gooír kón baraá guruuwo nee gawaá daanduuwo sleeme. Nee slám kitaábuuwí kwaa tseék ar dugeenaá faanqw.

Ya/abtór hho' 1977

¹ Aluuwo kitaábu una ár. I baraá dákw doó /iyáy oo kudá' aa iwiit gawaá kitangwduú aleesleemu. Kitaábuudá' i gooír kón baraá guruuwo nee gawaá daanduuwo sleeme. Nee slám kitaábuuwí kwaa tseék ar kufúlaay faanqw.

Geehhoeemaá 5:1 Iomraidhean Croise

ISAYA 29:11

Iigu'utuú muruuwí sleémeero birna dirhúngí hardáh, tari adór axweesanoó taa baraá kitaábií gooín oo taa tuuntuúk kuri dugnií qaás. Kitaábuudá' bura húp dír heé soómár xuú', kuri beér, «Gám kitaábuuwí soomusang.» Inós in ooi, «Anuú aslawká asma kwa dugnií qaás.»

ISAYA 34:16

Kitaábuú AAKOÓ MUNGÚ soomuusaak, tam makiito'ór wák ar taa dakuús i káhh, umuúqo makiito'ooro i deer nee hho'oorós. Asma AAKOÓ MUNGÚ tí afkose gaa hara'ayín nee qeeruuwós makayká' sleémeero gina burumbuúr.

ISAYA 8:16

Lamabu'uungwí tseegeek, harmagahheek, daqaní tari dabér hota dír eeharuuser'eene.

DANIELI 8:26

Iigu'utudú ilahhooár tsiindo nee matlaatle tinda kuúngií oó' oo ló'. Hamí ala maweek baraá naaqórí ale, asma hardahamuuwós ku baloó tseeweeká oo iwa boo/i.

SEKARIA 5:1

Aníng niri malé qaytsiít naxés kitaábuú gáwtá wa hi'imiít una ár.

Geehhoeemaá 10:2

Baraá dakose gár i kon a kitaábuú niiná oo taa gweér. Yaaeerós ar doó /iyáy gari qaás daanduú tlawi. Nee yaaér doó basáy gari qaás gawaá yaamaá kaahaará'.

Geehhoeemaá 4:3

Nee heedaádá' aa iwiit, inós bura ga/eér, i miirii/ adór tlaa/edá' tlaxo uren ta babay yáspi nee akíki. Nee ga/alér tluwaay kitangwduú aleesleemu gwa harwét, kalaywós a adór tlaa/anoodá' ta babay sumarídi.

Geehhoeemaá 4:9

Muruuwí slaáf xirif nee ilaiwa/ame nee sluufaay kun hanmiis dír kudá' gawaá kitángw aleesleemuú i dirií', kudá' slaáf ay alhhe'eesay wasle.

Geehhoeemaá 5:13

Aluuwo aníng afór mura' sleémeero kudá' taa tleéhh ana axaás, kuduú gawaá doori nee kuduú baraá yaamu, nee tam kuduú baraá guruú yaamu, nee kuduú baraá tlawi sleeme. Muruuwí sleémeero aníng una axamiís tawa daai, ta kaahi, «Kudá' aa iwiit gawaá kitangwduú aleesleemu, nee Deelmoó bee/i, inooín tsuuqa a kooín, nee xirif, nee ilaiwa/ame nee aleesleemu ay alhhe'eesay wasle.»

Geehhoeemaá 5:7

Deelmooduú bee/i niri hardáh, kitaábu guri taataáhh gawaá dákw doó /iyáy wa ale oo kudá' aa iwiit gawaá kitangwduú aleesleemu.

Geehhoeemaá 6:1

Aluudae Deelmoó bee/i nguri ár qoomár inós dugnooduú geera nguwa gweér baraá dugeenidá' faanqwe. Nee gár wák baraá muruudá' tsiyáhh oo slafa ana axaás i axwés ar afór adór kududuhaay, i kat, «Qwaláng.»

Geehhoeemaá 6:16

Inooín tari tseé' ar afór ur, dír tlom'i nee dír tla/u, ta kaahi, «Atén ti harahue', atén ti lu/e', dír geeraá gitsee/aá kudá' aa iwiiti gawaá kitangwduú aleesleemu, nee dír xarasleemaá Deelmoó bee/iro.

Geehhoeemaá 8:1

Deelmoó bee/i dugnooduú faanqw nguwa gweér, tari xasliít gawaá dooriiwo har qoomár niinawe.