Geehhoeemaá 4:7 - Biblía Axweesantá Hhohho' ar Mungú 2004

⁷ Nee baraá muruudá' slafa gár geera a adór diraangw. Nee gár tsár a adór awu, nee gár tám i gitse/aá koón adór heé wa ale. Nee gár tsiyáhh a adór gwareesír gáwtí tlatlaw.

Ya/abtór hho' 1977

⁷ Nee baraá muruudá' slafa gár geera a adór diraangw. Nee gár tsár a adór awu, nee gár tám i gitse/aá koón adór heé wa ale. Nee gár tsiyáhh a adór gwareesír gawtí tlatlaw.

Geehhoeemaá 4:7 Iomraidhean Croise

IIMU/UUNGW 49:9

Yuda a adór na/oó diraangw. Makiito'oorók biringa ót, an kí/ baraá mar'i. An yaamií qát, tiri adór dirángw wa aldúx, adór dirángw /ameeni, heé qiítl a heemá naxwto.

2 SAMUELI 1:23

«Saulo nee Yonatan a sla'aarusér taa ló'wa sla' baraá hotaaine, tam qoomár slafiingw nee qoomár gwa'araro taa paraatli'iiká, inslahhemaawo a adór gwares, eeít, ta /uureemaá kón adór direeri.

AXWEESANOÓ SAGALOOA 28:2

Xoorór gilaaliim waawitaawós ku yaariír. Ala as heé wák oo xu'utír koóm, nee oo muruú tsaatsahhaám, yaamu nin amohhoouyá'.

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

ESEKIELI 1:10

Umuúqo gaaro gitsee/aá dimbadimbé ngi koon a tsiyáhh. Amór geeraawo a slaqsoó gitsee/aá hee, bihhaá doó /iyayhe a slaqsoó gitsee/aá diraangw, bihhaá doó basayhe a slaqsoó gitsee/aá awu, nee intlarehhirós a slaqsoó gitsee/aá gwareesi.

ESEKIELI 1:8

Dinkwa nee gitsee/e tsiyáhh, nee hhampi'iidá' tsiyahhe, umuúqo gár wake gár i koon a slaqsa'aá tsiyáhh awa dabaá hee baraá guruú umuú hhampuwo.

ESEKIELI 10:14

Umuúqo kerubusmowo gitsee/a ngi kon tsiyáhh. Gitsee/aá geera awa keruúbi, gitsee/aá tsár awa hee, gitsee/aá tám awa diraangw, nee gitsee/aá tsiyáhh awa gwareesi.

ESEKIELI 10:21

Umuú gaaro gitsee/a ngi koon a tsiyáhh, hhaampi'i tsiyáhh, nee bihhaá baraay awa umuú hhaampuuwo garkar adór dákw hee i deer.

DANIELI 7:4

Makiito'ór geera a slaqmís nee diraangw, slám i hhaampa'aá koón adór kuqaá gwareesi. Qoomár ngiwa adoorí wa ga/aw, hhampi'iiwós kina tu/ún, inós kari gáwtí tleés iri sihhít ar ya'aá tsár adór heéwár aleeró. Kari fuqurángw heéwí haniís.

OBADIA 1:4

Tam aga gáwtí tsa/aandi adór gwareesi, tam do'ók ugwa tlehhi baraá tla/ángw tsatse/, AAKOÓ MUNGÚ i kaahi, «I /arara'aás gáwtá wá ale ay yaamu.»

FAARO 23:24

Qaytsité'! Múk Israeli taa sihhiít adór dirángw /ameeni, taa sihhiít adór dirángw yaqaamba. Kudá' qatuú tawo gu ya/amaaká bar gaa ngaa oohiiká baraá slakatuuwose, nee bar tseerér gár aa óh ngaa nunuuiiká.»

FAARO 24:9

Ina xupuú' iri yaamií qaát adór diraangw, a adór dirángw /ameeni, heé gu qiítl gwarangwarto? Umuúqo heé kuungá' naa tsuuq ku tsuuqi, umuúqo heé kuungá' naa lu'us ku lu'usi.»

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.

DABE 28:49

AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.

Geehhoeemaá 4:6

Nee dír geeraá kitangwduú aleesleemuwo tlawi i deer ar slaqás adór looa, nee ar xumiis adór looár wa ale. Nee baraá tla/ángw kitángw aleesleemuwo nee bihhe sleémeero ar kitangwdae muruú slaáf oo tsiyáhh i deer. Muruuwí aa haáts ilaawo amór geera nee amór aluuwo.

Geehhoeemaá 6:3

Nee Deelmoó bee/i dugnooduú tsár nguwa gweér, aníng afór gár tsár baraá muruudá' tsiyáhh oo slafa ana axaás, i kat, «Qwaláng.»

Geehhoeemaá 6:5

Nee Deelmoó bee/i dugnooduú tám nguwa gweér, aníng afór gár tám baraá muruuduú tsiyáhh oo slafa ngiri axaás, i kat, «Qwaláng.» Niri qaytsiít, faraásír boo/ ngiri ár. Heé faraásirí gaa i tsa/an xooslmoó qoomeemes gu kón baraá dakose.

Geehhoeemaá 6:7

Deelmoó bee/i dugnooduú tsiyáhh nguwa gweér, aníng afór gár tsiyáhh baraá muruudá' tsiyáhh oo slafa ngiri axaás, i kat, «Qwaláng.»