Geehhoeemaá 4:5 - Biblía Axweesantá Hhohho' ar Mungú 2004

⁵ Nee gawaá kitangwduú aleesleemuwo gár ti'imiit a mankari nee xuuraai nee kududuhaay. Nee dír geeraá kitangwduú aleesleemuwo tsaa'asór faanqw i dír geeraadá' wa ót. Tsaa'asoorí a Qeereemaá faanqw awa Mungú.

Ya/abtór hho' 1977

⁵ Nee gawaá kitangwduú aleesleemuwo gár ti'imiit a mankari nee xuuraai nee kududuhaay. Nee dír geerá kitangwduú aleesleemuwo tsa'asoó faanqw i dír geeraadá' wa oh. Tsa'asaywí a Qeeruú faanqw oo Mungú.

Geehhoeemaá 4:5 Iomraidhean Croise

IIMU/UUNGW 15:7

Guri malé báy, «Aníng a AAKOÓ MUNGÚ, kuúng una huúw iimír yaamaá Urír wa alé ar múk Kaldayo, as yaamuká' ngiwa kuúng i haniis kiwa al.»

2 QOM'I 4:20

Nee kiteeraá tsaa'aso gina tleéhh ar sahaábuú hhohhó', nee tsaa'asoro as didá' ak ló'wa hhoohhoo' ngiwa i gwa/at ar adoodá' kara oó'.

WARA'AMI 68:35

Mungú an kudá' dae tlaáq dirós tidá' hhoohhooe, an Munguú Israeli. Inós mukós gu /uurií hanmiis, nee aleesleemu. Mungú xirfayeemisaak!

TI'INAANGW 19:16

Bál tám matlaatleero naxés gaa a kwarara/a nee mankaro, slám huunkír qo iloo' i gawaá tlooma, afór tarumbeéta i ló'wa tseeamiín. Muu sleémeero baraá xafaywo iri ló'wa da'ayuút.

TI'INAANGW 20:18

Qoomár muu sleémeero kwarara/aadá' kawa axaás, nee mankaro kawa ár, nee afór tarumbeéta kawa axaás, nee quuidá' gawaá tloomár wa ti'imiit kawa ár, tari ló'wa da'ayuút sleémeero tari daraáx, tay amór saáw i sihhiít.

TI'INAANGW 25:37

Kuúng tsaa'aso faanqw an tléhh as kitangwduú tsaa'aso, kari gawaadií qás as iwa geeraawós wa gwa/at.

TI'INAANGW 37:23

Aluuwo tsaa'asodá' faanqw gari tleéhh ar sahaábuudá' hhohhó' nee muqslaadá' kar ohina nee sahaánaywose.

ESEKIELI 1:13

Baraá tla/ángw muruudae gár adór slaqsoó gil'ór oh i deer. Gaarí a adór tsángw asla oo gwa/aát bihhe sleémeerowo. Asltí i ló'wa gwa/át nee mankaro ina baraadá' wa ti'imít.

Yoeli 3:16

AAKOÓ MUNGÚ ni amór Siyonír wa /orootl, afoorós kari axaas baraá Yerusalemu wá alé, doori nee yaamu niri daaraxatiyá'. Ala AAKOÓ MUNGÚ an dír mukós i gogowi, nee koo/ír gawit ar múk Israeli gwa harwet.

SEKARIA 4:2

Aníng iri yaahaás, iri báy, «Gár ta ara'aan a milá?» Án niri oó', «Gár naa ár a kitángw tsaa'asi kay qamin oo taa tleéhh ar sahaábu, gawaawose i búklír kón, nee tsaa'asór faanqw gawaawose taámboó faanqw i deer oo di/tá huwahuúw amór tsaa'asoodá'.

Matayo 25:1

«Qoomaadae waawuti'iimár doori a slaqas nee dasuú mibaangw oo taa'aduuín gaa oh, tari tláy as heé duuxuuxuúm kuwa al'ay.

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

Tlehhema'aá ya/Abuuse 2:3

Tsángw asla niri ti'iít, tiri partliít, iri dír umuúqo heéwí iwiwiít, oo dir'ín tidá' i dirií'.

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.

Geehhoeemaá 10:3

Malaykamoowí iri tseé' ar afór ur adór aahhór diraangw. Nee qoomár iwa tseé', kududuhoó faanqw niri kududuhuút.

Geehhoeemaá 11:19

Aluuwo Doó Mungú, kudá' gawaá doorí dirií' kuri gweér, nee sandakmooduú alqadór Mungú iri geehhoúy baraá do'ós wa ale. Mankari iri werere'eliín, afo kari axaás, kwarara/a iri kwarará/, kunseeli niri ti'ít nee tluwoó yaariír oo tlaa/e iri tluúw.

Geehhoeemaá 3:1

«Kaangwí gooiimeek amór malaykamooduú múk kríshaanáy oo baraá Sardér i dirií', «Axweesantí dír i dahh a dír kudá' qeereemoodá' faanqw awa Mungú gi koóm, nee tsatse/uudá' faanqw. Aníng kángw tlehhemi'iiwók u xuú'. Kuúng tuwa xui a sláf, ala laatí kuúng aga gwá'.

Geehhoeemaá 5:6

Aluuwo Deelmoó bee/i una ár aa sihhiít dír tla/ángw kitangwduú aleesleemu, nee tla/ángw muruudá' slaáf oo tsiyáhh, nee tla/ángw bariiseedá' mibeeri tsár nee tsiyáhh. Deelmooduú bee/i bura ga/eér, inós a adór deelmoó taa gaás. Inós xareemaá faanqw gi kón, nee ilaá faanqw. Ilaadá' faanqw a qeereemaá faanqw awa Mungú, kudá' taa ya/aáw baraá yaamu sleémeero.

Geehhoeemaá 8:5

Nee malaykamo xooslmooduáu ilahhooa ka i da/a/an guri taataáhh, guri dalaá/ aslto, tidá' gawaá kitángw ilahhooár i dirii'. Xooslmoodá' guri kwaáhh gawaá daanduú yaamu. Qoomaadár kilae kududuha niri hardát, nee afo nee mankari nee kunseeli.