Geehhoeemaá 4:2 - Biblía Axweesantá Hhohho' ar Mungú 2004

² Qoomaadár kilae Qeeru aníng iri i hardáh. Nee gawaá dooriiwo Kitángw aleesleemu kwaa qaás, heé wák naxés aa iwiít gawaá kitangwdií aleeró.

Ya/abtór hho' 1977

² Qoomaadár kilae Qeeru aníng iri i hardáh. Nee gawaá dooriiwo Kitángw aleesleemu kwaa qaás, nee heé wák naxés aa iwiít gawaá kitangwdá' i aleeró.

Geehhoeemaá 4:2 Iomraidhean Croise

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

WARA'AMI 11:4

AAKOÓ MUNGÚ i baraá Do'ós kudá' hhoohhoó'. Kitángw AAKOÓ MUNGÚ i gawaá doori. Muu gu ga/áy ilaawose. Umuúqo gár muu i tlehhiiti ga xuu'.

ISAYA 6:1

Kurkú waawutmo Usia iwa gwaá', aníng Aako una ár aa iwiít gawaá kitángw waawuti'iima, kudá' gáwtí dirií' nee kwaa tleesa hhe'eés, pasleemaá inqwaarirós guruú doó Mungú nguna tuuntukiyé'.

YEREMIA 17:12

Kitángw xirif iimír iimu/uungo i gáwtí dirii', an dír Doó Mungú i dirii'i.

ESEKIELI 1:26

Gawaá daanduú gaarihe gár adór slaqsoó kitángw waawuti'iima ana ár, kalaywós a adór kuduú yakútír sirboo/, slaqsoó adór hee aa gawaadá' i iwiít.

ESEKIELI 1:28

Adór ga/alér tluwaay, adoorí an adoodá' slaqsoó xirfuú AAKOÓ MUNGÚ i dirii'i. Adoorí ngiwa ár ana gurúr qaát, afór axwees ngiri axaás.

ESEKIELI 10:1

Aluuwo niwa gawaá doorií qaytsiít, gawaá sagér hhampe'eeraá keruúbi, gár sir/awaak ar slaqmís tlehhemko nee kitángw waawuti'iima ana ár.

DANIELI 7:9

«Qoomaadár kilá' aníng niwa xumiis, kiteeraá waawuti'iima kina qaás. Naagáy aakoodá' daadáw kureerisleém, iri iwiít gawaá kitaangós oo aleesleemu, tlabaá /awak nga dahaás adór tlaa/aá tluwaay, se'eengós a adór se'éngw /awák oo bee/aangw. Kitaangós oo waawutmi'iima a adór tsángw asla, nee /angeegeuwós i oh aslto.

Matayo 22:43

Giri yaahaás, «Ala Daudi musungwa Aakoowós ar ateetín, ar baraá aleesleemuú Qeeru, iwa kaahi,

Ebrania 8:1

Gár ak ur baraá muruuwí taa axweesani a tí, atén kaahamusmoó úr oo adoorí hamí u koomaán. Inós aa iwiít dákw doó /iyáy oo kitángw aleesleemu oo Munguúduú aleesleemuú koóm dooriwo.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.

Geehhoeemaá 12:5

/Ameenidá' na/oó garma guri xwayluúr. Na/aywí an kudá' xoordu sleémeero gi de'eém ar hhartá muqsli. Na/aywós kurir tláy hamtidár kilae ay amór Mungú, ay amór kitaangós kuduú aleesleemu.

Geehhoeemaá 17:3

Malaykamoodá' aníng iri ar tláy ar baraá qeeru ay baraá xaanxaay. /Ameeni ngiri ár aa iwít gawaá makiito'ór ló'wa daa/aat. Makiito'oorí i háts umér /ooslisliingo. Sagér faanqw ga koón nee xareemaá mibaango.

Geehhoeemaá 19:4

Bariiseedá' mibeeri tsár nee tsiyáhh, nee muruudá' slaáf oo tsiyáhh tari tumbarara'amiít dír geeraá Mungú, kudá' aa iwiit gawaá kitángw aleesleemu. Mungú kuri sluufmiís, tari oín, «Mungú i xirfuuti!»

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.

Geehhoeemaá 21:10

Inós aníng iri ar tláy ar baraá Qeeru ay gawaá tloomár ur ar tleerantleer. Gixsár Yerusalemu ngiri laqán, gixsadá' hhoohhoo', i awdít gawaá doorí wa ale amór Mungú.

Geehhoeemaá 21:5

Kudá' aa iwiit gawaá kitangwduú aleesleemu iri oó', «Ga/aaweek, aníng mura' sleémeero u /abeemií ki/ís.» Nee iri malé báy, «Gooimeek. Asma /aymi'iiká' a /ayma'aá ló' nee awa hariimá' haratlintaaooro.»

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 4:10

Qoomár inooín barta adoorí tlehhiit, umuúqo daqto bariiseedá' mibeeri tsár nee tsiyáhh in tumbarara'amít dír geeraá kudá' gawaá kitángw aleesleemuú i dirií'. Inooín kudá' slaáf ay alhhe'eesay wasle kun sluufmiis. Nee inooín slam'eeri'ín kin kwakwaahh dír geeraá kitangwduú aleesleemu, ta kaahi,

Geehhoeemaá 4:5

Nee gawaá kitangwduú aleesleemuwo gár ti'imiit a mankari nee xuuraai nee kududuhaay. Nee dír geeraá kitangwduú aleesleemuwo tsaa'asór faanqw i dír geeraadá' wa ót. Tsaa'asoorí a Qeereemaá faanqw awa Mungú.

Geehhoeemaá 4:9

Muruuwí slaáf xirif nee ilaiwa/ame nee sluufaay kun hanmiis dír kudá' gawaá kitángw aleesleemuú i dirií', kudá' slaáf ay alhhe'eesay wasle.

Geehhoeemaá 5:1

Aluuwo kitaábu una ár. I baraá dákw doó /iyáy oo kudá' aa iwiit gawaá kitangwduú aleesleemu. Kitaábuudá' i gooír kón baraá guruuwo nee gawaá daanduuwo sleeme. Nee slám kitaábuuwí kwaa tseék ar dugeenaá faanqw.

Geehhoeemaá 5:13

Aluuwo aníng afór mura' sleémeero kudá' taa tleéhh ana axaás, kuduú gawaá doori nee kuduú baraá yaamu, nee tam kuduú baraá guruú yaamu, nee kuduú baraá tlawi sleeme. Muruuwí sleémeero aníng una axamiís tawa daai, ta kaahi, «Kudá' aa iwiit gawaá kitangwduú aleesleemu, nee Deelmoó bee/i, inooín tsuuqa a kooín, nee xirif, nee ilaiwa/ame nee aleesleemu ay alhhe'eesay wasle.»

Geehhoeemaá 6:16

Inooín tari tseé' ar afór ur, dír tlom'i nee dír tla/u, ta kaahi, «Atén ti harahue', atén ti lu/e', dír geeraá gitsee/aá kudá' aa iwiiti gawaá kitangwduú aleesleemu, nee dír xarasleemaá Deelmoó bee/iro.