Geehhoeemaá 4:11 - Biblía Axweesantá Hhohho' ar Mungú 2004

¹¹ «Kuúng Aakoorén nee Munguúrén, kuúng a hariín xirif kuwa ilaot, nee ilaiwa/ame nee aleesleemu. Asma kuúng mura' sleémeero una tléhh. Nee mura' sleémeero ina deeruút nee kuna tleéhh as sla'aarirók.»

Ya/abtór hho' 1977

¹¹ “Kuúng Aakoorén nee Mungúrén, kuúng a hariín xirif kuwa ilaot, nee ilaiwa/ame nee aleesleemu. Asma kuúng mura' sleémeero una tléhh. Nee mura' sleémeero ina deeruút nee kuna tleéhh as sla'aarirók.”

Geehhoeemaá 4:11 Iomraidhean Croise

IIMU/UUNGW 1:1

Iimu/uungo Mungú doori nee yaamu ngiwa tleéhh,

2 SAMUELI 22:4

AAKOÓ MUNGÚ un ateét, kudá' xirfayeesár wa hariím anií ale/iisi, aníng tin ba/amis dír wakuuser'eene.»

NEHEMIA 9:5

Aluuwo múk tlahhoó Laáwi ín Yeshua, nee Kadmieli, nee Bani, nee Hashabuea, nee Sherebia, nee Hodia, nee Shebania nee Petahia, muu nguri bayé', «Sihhiité', AAKOÓ MUNGÚ, Munguúhúng xirfayeemisaak, iimír iimu/uungw wasle ay alhhe'eesay wasle. Nee umuuwók kudá' xiríf ku diidi'iimisi, kudá' aa iia tleeruy ta tsuuqa nee xirif sleémeero.»

YOBU 36:3

Aníng xu'utir'eé' ngina amór saáwá sláw, nee aníng adór Tleehharusmooeé' ir ganaai ngin geehhooeesár wa slaá'.

WARA'AMI 18:3

AAKOÓ MUNGÚ u ateét, kudá' hariím xirfayeemisuwo. Adoorihe án i tuu/ dír wakuuser'eene.

WARA'AMI 68:34

/Uuruú Mungú waahhaak, inós a waawutmoó múk Israeli, aleesleemuwós aa hardáh ay doori.

TI'INAANGW 20:11

Asma AAKOÓ MUNGÚ ina gadiyuús deelo lahhoó', yaamu nee doori gina tleéhh nee tlabeemo nee umuúqo gár dawa, ala bál faanqwe iri hungu/uús. Gawaá adoorihe AAKOÓ MUNGÚ baalár Sabaáto gari tsuúq, gari hhoohhooeés.

AXWEESANOÓ SAGALOOA 16:4

AAKOÓ MUNGÚ umuúqo gaaro gana tleéhh ar sla'aarirós, Tam múk tlákw sleeme in deer as deelór slahh'amu.

ISAYA 40:26

Axáy gawa i qaytsitaak, heé muruuwí gwa tleehh a heemá? Inoósuwí an kudá' slawowós gi geeraharahaár, inooín sleémeero gin ateetín ar umer'ín, asma inós an kudá' aleesleemuú yaariír gu koóm, nee /uuruuwós ku yaariír, gawaá adoorihe ar qwaar tam ar wák i káhh.

ISAYA 40:28

Ahaá kuungá' a xua'aakáhe? Asma kuungá' aga axasi'iikáhe? AAKOÓ MUNGÚ an Munguú alhhe'eesay wásl, Inós an kudá' yaamu gaa tleehh. Inós i slaaqatiiká laqaá i nusqutiiká. Xu'utirós tsaahharo ka gawit.

YEREMIA 10:11

Naagáy ki beera', «Munguaá doori nee yaamu nga tlehhi'iiká i hhaná'. Inooín kin hhaamiis baraá yaamuwo.»

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

Tlehhema'aá ya/Abuuse 14:15

«Múlqe, kuungá' gár adoorí kas tlehhita' a milá? Atén a múk adór kuungá'. Atén kuungá' nuna Ya/abtór hhó' ií huwaán, as kuungá' tawa warqeera' baraá muruuwí tlakwe, Munguúdá' slaáf kuwa i warqeera', kudá' doori nee yaamu nee tlawi gaa tleehh, nee muruudá' baraadií diriia sleémeero.

Tlehhema'aá ya/Abuuse 17:24

Munguúdá' yaamu gaa tleehh, nee umuúqo gaaro ar baraawós i dirii', inós i hootiiká baraá maraá taa dabaá múk ar tleéhh. Inós a Aakoó doori nee yaamu.

Rumi 11:36

Asma mura' sleémeero inós guna tleéhh, slám i kumiit as aleesleemuuwós, nee in deer as inós. Inós i xirfuuti ay alhhe'eesaay wasle. Amin.

Efeso 3:9

Nee án gár tiwa hariím a lu/aaráydá' Mungú i tleehhamór wa slai, loohír ir tleehharuuti an gwa/atimís dír múkwií ale. Iimír iimu/uungo Mungú, kudá' mura' sleémeero gwa tleehh, kaangwí guna luú/.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

Ebrania 1:10

Nee slám i malé kaahi, «Kuúng, Aáko, iimír iimu/uungo yaamu ina iihháf, nee doori a gadiyér dabaawók.

Ebrania 1:2

Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

Geehhoeemaá 1:6

Inós atén tina waawuti'iimár i sláy, tiri kaahamuusér Mungú wa qaás, as atén Mungú, Baabuúwós, kuwa sagadiyuusaan. Xirif nee aleesleemu i dirós ay alhhe'eesay wasle. Amin.

Geehhoeemaá 10:6

Inós lo'o gari huúw ar Mungú kudá' slaáf tam ay alhhe'eesay wasle, Munguúdá' doori gaa tleehh, nee muruudá' baraadií diriia, kudá' yaamu gaa tleehh, nee muruudá' baraadií diriia, kudá' tlawi gaa tleehh, nee muruudá' baraadií diriia sleeme. Malaykamoodá' lo'o ngiwa huúw, iri oó', «Daxta qoomár daamaraangw aa fák.

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»

Geehhoeemaá 19:1

Alaá muruuwihe afór ur ngiri axaás ar adór afór boo/oó yaariír oo gawaá doori. Afoorí iri ó', «Mungú i xirfuuti!» Ba/ama ar Munguúrén, nee xirif nee /uuru.

Geehhoeemaá 5:12

Inooín tari daá' ar afór ur ta kaahi, «Deelmoó bee/i, kudá' taa gaás, inós i harín aleesleemu nguwa slay, nee daqaari'iima, nee sagalooa, nee /uuru, nee xirif, nee ilaiwa/ame nee tsuuqa.»

Geehhoeemaá 5:2

Malaykamoó aleesleemuú koóm nguri ár. Inós ina axweés ar afór ur, iri oó', «Heé hariím a heemá kitaábuuwí nguwa gweeri nee dugeeniidá' kura tseegi.»

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.