Geehhoeemaá 4:10 - Biblía Axweesantá Hhohho' ar Mungú 2004

¹⁰ Qoomár inooín barta adoorí tlehhiit, umuúqo daqto bariiseedá' mibeeri tsár nee tsiyáhh in tumbarara'amít dír geeraá kudá' gawaá kitángw aleesleemuú i dirií'. Inooín kudá' slaáf ay alhhe'eesay wasle kun sluufmiis. Nee inooín slam'eeri'ín kin kwakwaahh dír geeraá kitangwduú aleesleemu, ta kaahi,

Ya/abtór hho' 1977

¹⁰ Qoomár inooín barta adoorí tlehhiit, umuúqo daqto bariiseedá' mibeeri tsár nee tsiyáhh in tumbarara'amít dír geerá kudá' gawaá kitángw aleesleemuú i dirií'. Inooín kudá' slaáf ay alhhe'eesay wasle kun sluufimiis. Nee inooín slam'eeri'ín kin kwakwaahh dír geerá kitangwduú aleesleemu, ta kaahi,

Geehhoeemaá 4:10 Iomraidhean Croise

1 QOM'I 29:20

Daudi muu sleémeero gway báy, «Gimsé', AAKOÓ MUNGÚ, Munguúhúng diidi'iisaak.» Mukdaádá' AAKOÓ MUNGÚ Munguú baabi'ii'ín ngway diidi'iisiyé', sager'ín ngiri xupu'usiyé', Mungú nguri sluufisiyé', AAKOÓ MUNGÚ nguri ilaiwawa/iyé' nee waawutmoowo.

2 QOM'I 7:3

Qoomár múk Israeli sleémeero asltadá' naa gawaá doorí wa /et nee xirfuú AAKOÓ MUNGÚ kuduú baraá Doó Mungú nguwa ariyé', inooín niri xupapuiyé' yaamu, Mungú nguri sluufisiyé', ngway sluufáy hanisiyé' tawa kaahi, «AAKOÓ MUNGÚ ku hhoó', asma sla'aarirós ar warqawaaká in kumaamít ay kureeraá kureér.»

YOBU 1:20

Aluuwo Yobu kaangwí sleémeero nguwa axamaamiís, iri sihhiít, tlabaawós giri feehhamiís, se'eengós nee daamoórose giri deéqw as tsuunqumis, iri yaamií huú' ar gura', Mungú guri sluufiís.

WARA'AMI 115:1

A ateneeká, AAKOÓ MUNGÚ, a ateneeká, ala kuúng kilók na xirfuút, as sla'aarirók ar warqawaaká nee inkihhimuwók.

WARA'AMI 47:8

Mungú xoordu gi sawaawuti'ín, Mungú aa iwiít gawaá kitaangós kudá' hhoohhoó' oo aleesleemu.

WARA'AMI 72:11

Kár ee, waawitá sleémeero ngu ilaiwaa/iye', nee xoordu sleémeero ngu sagadiyuusiye'.

WARA'AMI 95:6

Qwalaasé', u diidi'iimisaán nee u i tumbarara'ataán, a tumbarara'ataán dír geeraá AAKOÓ MUNGÚ, kudá' atén taa tleehh.

ISAYA 6:1

Kurkú waawutmo Usia iwa gwaá', aníng Aako una ár aa iwiít gawaá kitángw waawuti'iima, kudá' gáwtí dirií' nee kwaa tleesa hhe'eés, pasleemaá inqwaarirós guruú doó Mungú nguna tuuntukiyé'.

DANIELI 12:7

«Heedaádá' aa sihhiit bihhaá gawa awa yaae, kudá' tlabaá neewór kitaáni gaa dahaas, dabaawós tsaraawo giri gáwtí tleés, nguri axaás i lo'ór /aay ar umuú Munguúdá' hotatiím ay kureeraá kureér, ‹Baala i xeér ar afiqoomadaá tám nee tlaqi qoomár slahh'amuú múk hhohhó' bira faák, muruuwí sleémeero daqaní i boo/.›

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

Matayo 2:11

Tari dáh baraá do', na/aydá' kuri ár nee aayoorós Mariawo. Kuri i tumbarara'aát kuri sluufmiís. Nee inooín muruuín kudá' i kona' nguri gweeriyé', nguri haniisiyé' dír na/aay. Muruú taa hanimiís a kwí: Sahaábu nee mooyángw tsuú', nee mooyangwko ta babay manemane.

Luka 24:52

Inooín kuri i tumbarara'aát, tari kií/ ay Yerusalemu ar qwal/uú úr.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

DABE 32:40

Aníng dakwe'eé' un gawaá doori tleés nee lo'o ngiri /aáy ar umuueé'.

Geehhoeemaá 10:6

Inós lo'o gari huúw ar Mungú kudá' slaáf tam ay alhhe'eesay wasle, Munguúdá' doori gaa tleehh, nee muruudá' baraadií diriia, kudá' yaamu gaa tleehh, nee muruudá' baraadií diriia, kudá' tlawi gaa tleehh, nee muruudá' baraadií diriia sleeme. Malaykamoodá' lo'o ngiwa huúw, iri oó', «Daxta qoomár daamaraangw aa fák.

Geehhoeemaá 11:16

Bariiseedá' mibeeri tsár nee tsiyáhh, tidá' dír geeraá Mungú wa iwiiwiit baraá kiteeraá aleesleemuuwo, tari tumbarara'amiít dír geeraá Mungú, Mungú kuri sluufmiís,

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»

Geehhoeemaá 15:7

Nee oo wák baraá muruudá' slaáf oo tsiyáhh slooqa'aá faanqw awa sahaábu giri hanmiís dír malaykeedá' faanqw. Slooqi'iiká' naa hatsiyé' buhhtá Munguhe. Munguúdá' slaáf ay alhhe'eesay wasle.

Geehhoeemaá 19:4

Bariiseedá' mibeeri tsár nee tsiyáhh, nee muruudá' slaáf oo tsiyáhh tari tumbarara'amiít dír geeraá Mungú, kudá' aa iwiit gawaá kitángw aleesleemu. Mungú kuri sluufmiís, tari oín, «Mungú i xirfuuti!»

Geehhoeemaá 4:2

Qoomaadár kilae Qeeru aníng iri i hardáh. Nee gawaá dooriiwo Kitángw aleesleemu kwaa qaás, heé wák naxés aa iwiít gawaá kitangwdií aleeró.

Geehhoeemaá 4:4

Kitangwduú aleesleemu kiteeraá mibeeri tsár nee tsiyáhh awa hatlá' awa aleesleemu nguna harweeriyé'. Nee gawaá kiteeridá' mibeeri tsár nee tsiyahhe bariisér mibeeri tsár nee tsiyáhh gawaadá' wa iwiiwít. Inooín tlabaá /awak ngaa dahamiisiyé', nee gawaá sager'ine gár naa dahaasiyé' a slam'eeraá sahaábu.

Geehhoeemaá 4:9

Muruuwí slaáf xirif nee ilaiwa/ame nee sluufaay kun hanmiis dír kudá' gawaá kitángw aleesleemuú i dirií', kudá' slaáf ay alhhe'eesay wasle.

Geehhoeemaá 5:14

Nee muruudá' tsiyáhh oo slaáf iri oó', «Amin.» Nee bariise iri tumbarara'át, iri sluufmís.

Geehhoeemaá 5:8

Qoomár kitaábuudá' nguwa taataáhh, muruudá' tsiyáhh oo slaáf nee bariiseedá' mibeeri tsár nee tsiyáhh tari tumbarara'aát dír geeraá Deelmoó bee/i. Umuúqo heewo baraine i marímbár úr kón, nee slooqa'aá sahaábu awa muruú mooyángw tsuú' koomá' oo ta da/a/an ilahhooár wa ale. Muruuwí mooyángw tsuú' koóm an firór múk hhohhó' oo Mungú.

Geehhoeemaá 7:11

Nee malayke sleémeero taa sihhiít umuúqo bihhiwo, kitangwduú aleesleemu gwa harwét, nee bariiseedá' nee muruudá' tsiyáhh oo slaáf sleeme kaa harweér. Inooín sleémeero tari tumbarara'aát dír geeraá kitangwduú aleesleemu, Mungú kuri xirfayeemís,