Geehhoeemaá 3:8 - Biblía Axweesantá Hhohho' ar Mungú 2004

⁸ Aníng kángw tlehhemi'iiwók u xuú'. Qaytsiít, aníng afkú do' oo taa gweér ngwa qaás dír geeraawók i alé, ala heé tseegamooro gu aleesláw i kaahh. Aníng a xuú' kuúng /uuruú niiná u koón, nee slám kuúng axweesante'eé' aga ót, nee aníng iga si'iká.

Ya/abtór hho' 1977

⁸ Aníng iidíguú tlehhemi'iiwók u xuú'. Qaytsiít, aníng afkuú do' oo taa gweér ngwa qaás dír geeraawók i alé, ala heé tseegamooro gu aleesláw i kaahh. Aníng a xuú' gídaabá /uuruú niiná u koón, nee slám kuúng axweesante'eé' aga ót, nee aníng iga si'iká.

Geehhoeemaá 3:8 Iomraidhean Croise

AXWEESANOÓ SAGALOOA 30:9

As kahhó' mawa taqna/uút nari oo', «AAKOÓ MUNGÚ a heemá?» Mawa ak narkuút nari fiisór áw Tam umuú Munguúeé' nguri tawo káh.

DANIELI 11:34

Qoomár barki tsuu/ inooín alee/isoó niiná ngu slayá', múk yaariír i dír inooín i haragwaa' ar hhahhafiingw.

Luka 12:9

Nee kudá' án iga sa tlaank dír geeraá muko, nee inós ku sii' dír geeraá malaykér Mungú wa ale.

Yohana 15:20

/Aymuudá' naa kuungá' báw inslawaak, kudá' nuwa báw, ‹Lawaalmo ku ureeká ta aakoowose.› Bar án tina slahh'eemiís, kuungá' sleeme tundu slahh'eemiis. Bar axweesante'eé' kana óh, toohúng sleeme ka oh.

Yohana 17:6

«Án kuúng ugwa xu'utís dír mukdá' naa hanís baraaká' yaamuwo. Inooín a mukók, nguri aníng i hanís, nee axweesantók kaa óh.

Tlehhema'aá ya/Abuuse 14:27

Qoomár tawa hardáh Antiokia, múk kríshaanáy kuri dinkwárí ateét, muruudá' sleémeero Mungú aa tleéhh ar inooín, kuri dir'íní alki/iít. Kiri ádbáy adór Mungú pa/aangw ngura haniís as múk xoordaá hatlá' sleeme iwa haratlintii'i.

1 Korinto 16:9

Asma pa/ángw hhoó' kungwa haniís oo gadiyér ur ngiwa ló'wa tleehh, tam múk yaariír oo aníng i baqamiím i deero.

2 korinto 2:12

Qoomár aníng niwa Troárí hardáh as Ya/abtór hho' ar Kristo ngiwa alki/iit, gár naa ár a pa/ángw amohhoó' kunguna haniís oo aníng gadiyér Aako ngiwa tleehh didae.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

Kolosai 4:3

Atén sleeme ti aleefiriiriinde' as Mungú pa/aangw nguwa haniisi, oo ya/abtoorós ar lu/aaroó Kristo kawa alki/iitaan. Lu/aaráywí an kudá' aníng tisa tseék.

1 Timoteo 5:8

Ala umuúqo heewo oo mukós gu amohhe'eemisaaká, ak alé múk do'ósuú kilá', heé adoorí haratlintaao gaa sií', nee inós a heé ló'wa tlaákw ta kudá' aa haratlinti'iiká ba/a.

2 Timoteo 4:7

Slaqwarár hho' aga slaáqw, qwaatlo aga faák, nee haratlintaao aga xuúm.

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.

Geehhoeemaá 2:2

Aníng kángw tlehhemi'iiwók u xuú', nee daawitimeerók nee qiqtliingók. Nee slám a xuú' adór múk tlákw sa qiqtliingo kur aleesleeraaká. Slám mukdá' ugwa iiát, kudá' káh, inooín a ya/abuuse, ala laatí a ya/abuuseerooká, kiri tsáhh adór tar lamuuse.

Geehhoeemaá 22:7

«Ga/aaweek, aníng ni hardáh ar gaanslaay. Múk amohhoó' a kudá' axweesanoó aaru'uuma gwa oh, kudá' baraá kitaábuuwí i dirií'.»

Geehhoeemaá 3:1

«Kaangwí gooiimeek amór malaykamooduú múk kríshaanáy oo baraá Sardér i dirií', «Axweesantí dír i dahh a dír kudá' qeereemoodá' faanqw awa Mungú gi koóm, nee tsatse/uudá' faanqw. Aníng kángw tlehhemi'iiwók u xuú'. Kuúng tuwa xui a sláf, ala laatí kuúng aga gwá'.

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.

Geehhoeemaá 3:15

Aníng kángw tlehhemi'iiwók u xuú', adór kuúng tur tsatsa'aareeká nee slám adór tar da/a/aandaaká. Geeraawo alók a tsiní kuúng barnaxes tun tsatsa'areema hhe'eés, laqaá barnaxes an da/a/aán.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.