Geehhoeemaá 3:7 - Biblía Axweesantá Hhohho' ar Mungú 2004

⁷ «Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.

Ya/abtór hho' 1977

⁷ “Gooiimeek amór malaykamooduú múk Kríshaanáy oo baraá Filadelfiár i dirií', “‘Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkuú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.

Geehhoeemaá 3:7 Iomraidhean Croise

YOBU 11:10

Mungú barnaxes aa waaraáhh, hee guri tseek, guri sakwasleemuut, heé sií' a heemá?

YOBU 12:14

Bira fe/iít, heé tleehharo ga aleesláw i kaahh, hee burngwa tseék, heé gweeraro gu aleesláw i kaahh.

WARA'AMI 145:17

AAKOÓ MUNGÚ i gan'amaayér kón baraá lohuwós sleémeero, nee ku hhoó' baraá umuúqo gár i /imiisi.

WARA'AMI 16:10

Asma, AAKOÓ MUNGÚ, kuúng aníng i baloó meeraaká baraá gi'ií alé, a ya/aandaaká heewók oo hhoohhoó' iwa hhitiruuti.

WARA'AMI 89:18

Gaambór atén ti baqamiim ar AAKOÓ MUNGÚ, waawutmoorén amór i dahhi a amór AAKOÓ MUNGÚ, kudá' Hhoohhoó' oo Israeli.

ISAYA 22:22

Aníng gweermór doó Daudi an dirós i haniís. Inós bar gaa nga gweér, heé ga tseék i kaahh, nee inós bar ngaa tseék, heé ga gweér i kaahh.

ISAYA 30:11

Warqawé', lohdaá looeema mawaak, atén ti meere' mawa kumitaán daanduú Mungú axamisuuwo, Kudá' Hhoohhoó' oo Israeli.› »

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 41:16

Kuungá' in haritlesá' nee fur'a giri ar tleér, bambaao gari diyá/, nee kuungá' tay qwalala/á' dír AAKOÓ Munguúhúng wa aleeró. Baraá Kudá' Hhoohhoó' oo Israeliwo kuungá' tari xirfayeemisá'.

ISAYA 41:20

Muu doóqa ga ar nee gari xuu', gari aldaakw, kari dinkwár wa tsaahh, adór AAKOÓ MUNGÚ adoorí ngira tleéhh, Kudá' hhoohhoó' oo Israeli adoorí gana tleéhh.› »

ISAYA 47:4

Ba/amusmoorén, umuuwós an AAKOÓ MUNGÚ aleesleemusmo, inós an kudá' hhoohhoó' oo Israeli.»

ISAYA 48:17

AAKOÓ MUNGÚ, kuduú ba/amusmoohúng, kudá' hhoohhoó' oo Israeli i kaahi, «Aníng a AAKOÓ MUNGÚ, Munguúhúng kudá' kuungá' nu intsaahhatamís as amohhooarhúng kawa sleera', kudá' kuungá' nu geeraharahaár ar baraá loohidá' ganaa' ooharo.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

ISAYA 55:5

Ga/aawaak, xoordaá kuungá' ta xua'aaká in atetá', nee xoordaá kuungá' nu xua'aaká ni tii'íngwár hardihiyá' amorhúng. As anuú AAKOÓ MUNGÚ, Munguúhúng, kudá' hhoohhoó' oo Israeli, an kudá' kuungá' naa iia tleerees.»

ISAYA 6:3

Umuú serafamowo nee kuqá' tina ateetiné', tiri babayé', «Oo Hhoohhoó', oo Hhoohhoó', oo Hhoohhoó' an AAKOÓ MUNGÚ Aleesleemusmo, yaamu sleémeero naa hatsiyé' xirfuuwose.»

Matayo 16:19

Nee aníng gweermór waawuti'iimár doori ngi dirógií haniís. Nee umuúqo gaaro ar kuúng ta tsek baraaká' yaamuwo, gawaá dooriiwo sleeme ka tseek. Slám umuúqo gaaro ar kuúng ta gwet baraaká' yaamuwo, gawaá dooriiwo sleeme ka gweer.»

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

Marko 1:24

Yesu guri báy, «Atén nee kuúng a milá, Yesú Nasareti? Ahaá, nina hardáti as atén tiwa qwaares? Án kuúng u xuú' adór tar heemá, Kudá' Hhoohhoó' oo Mungú.»

Luka 1:32

Kwí uraay gu sláy, ku bay Garmoó Kuduú Gawa. Nee Aakoó Mungú gu waawuti'iimár Daudi i haniis, gídaabá waawuti'iimár baabuúwós.

Luka 4:34

«Ahaá, Yesú Nasareti atén nee kuúng a milá? Nina hardáti as atén tiwa qwaares? Án kuúng u xuú' adór tar Kudá' hhoohhoó' oo Mungú.»

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Tlehhema'aá ya/Abuuse 3:14

Ala kuungá' Kudá' hhoohhoó', nee gan'amuú koóm kuri sié'. Nee kudá' aa tsu/uut kuri firiindé' kuwa gweeri.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.

Geehhoeemaá 16:7

Aluuwo afo ngiri axaás ar baraá kitángw ilahhooár daahh, i kat, «Aakoó Mungú, Aleesleemusmoó mura' sleémeero, sakwasleemarók ar ló' nee i ganá'.»

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.

Geehhoeemaá 19:2

Asma sakwasleemarós ar ló' nee i ganá'. Inós tsaatuso'oodá' ur, tidá' yaamu gaa hhitiin ar tsaatu'uumarós, gaa sakwasleemuút. Mungú gana li/áy buú' asma inós sagadiyuusér Mungú gana tsú/.»

Geehhoeemaá 2:1

«Kaangwí gooiimeek amór malaykamooduú múk kríshaanáy oo baraá Efesór i dirií', «Axweesantí dír i dahh an dír kudá' tsatse/uú faanqw gwa oh ar dakós oo doó /iyáy, kudá' hi'iimiít baraá tla/ángw kiteeridá' faanqw awa sahaábu awa tsaa'asór koomá'.

Geehhoeemaá 21:5

Kudá' aa iwiit gawaá kitangwduú aleesleemu iri oó', «Ga/aaweek, aníng mura' sleémeero u /abeemií ki/ís.» Nee iri malé báy, «Gooimeek. Asma /aymi'iiká' a /ayma'aá ló' nee awa hariimá' haratlintaaooro.»

Geehhoeemaá 3:14

«Kaangwí gooiimeek amór malaykamooduú múk kríshaanáy oo baraá Laodikeár i dirií', «Axweesantí dír i dahh a dír kudá' ta bay Amin. Inós an lamabu'usmoodá' inkihhím nee oo looeemaá axweés. Inós an iimu/úngw muruudá' sleémeero Mungú aa tleéhh.

Geehhoeemaá 4:8

Nee muruuwí slaáf tsiyahhaawo umuúqo gaaro hhampe'eeraá lahhoó' gi koón. Nee hhampe'eeriká' kaa harweér nee ila', nee tam baraá guruú hhampe'eeriwo. Muruuwí i daa' xweera nee tlaatla/aangw, ta hungu/uumisiiká sleeme. Gár ta daai a tí, «Aakoó Munguú Aleesleemusmo inós ku hhoohhoó', ku hhoohhoó', ku hhoohhoó'. Inós an kudá' qaroó daadáw, nee an kudá' dáw, nee kudá' sangw hardáh sleeme.»

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»