Geehhoeemaá 3:18 - Biblía Axweesantá Hhohho' ar Mungú 2004

¹⁸ Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.

Ya/abtór hho' 1977

¹⁸ Gawaá adoorihe gár kuúng uwa hariím a adoorí an tléhh, Miislidá' taa hamaátl ar baraá asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.

Geehhoeemaá 3:18 Iomraidhean Croise

WARA'AMI 107:11

Asma axweesantá Mungú ngina si'iyé', gurbu'úngw Munguú Gáwtí dirií' nguna si'iyé'.

WARA'AMI 16:7

Aníng AAKOÓ MUNGÚ un diidi'iimiís, kudá' aníng i hara'ayiyiím. Tam xweeraawo inós in intsaahhatimis baraá muunaáeene.

WARA'AMI 32:8

Aako i kaahi aníng kuúng un intsaahhatís, nee lohduuwók ngi qwatsiím. Án kuúng un gan'amiís ar inkihhimu.

WARA'AMI 73:24

In geeraharaahát ar gurbu'uungók, aluuwo iri ilaót baraá xirfuuwók.

AXWEESANOÓ SAGALOOA 1:25

Ala kuungá' gurbu'ungw'eé' una waaqaé' nee naanaqangw'eé' ugwa gaárí xui'iiká.

AXWEESANOÓ SAGALOOA 1:30

Gurbu'ungw'eé' ugwa ya/aandi'iiká. Naanaqangw'eé' sleémeero kuri waaqaé'.

AXWEESANOÓ SAGALOOA 19:20

Gurbua axaaseek nee naanaqa ya/ameek, daqaní kuúng sagalooa a sleér amoosír aluuwo.

AXWEESANOÓ SAGALOOA 23:23

Looeema leeleehheek, mi baloó waaqaa'aar, sagalooa leeleehheek nee intsaahhatisaro nee tsaahharo.

DAHARUSMO 8:2

Hara'ayár waawutmo iiloeseek, asma al'axweesantadá' lo'o kawa húp ar umuú Mungú.

ISAYA 47:3

Muu /ankwetsuuwók gu ar, alsi'imuuwók kuri ar. Aníng li/aay u buú', aníng heé ni gurtlaw i kaahh.

ISAYA 55:1

«Umuúqo heé aa waxiit qwalaas baraá ma'aay, tam heedaádá' peésár koomaaká qwaláng tlaxweek nee /ayeek, qwaláng difaái nee ilwa tlaxweek ala ar peésaarooká, nee ar tlaxoorooká.

YEREMIA 13:26

Gawaá adoorihe anuú kilá' tlabaawók in waatleés ay gawaá saga, nee mureekesaywók muu guri ar.

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

MIKA 1:11

Kuungaásingá' yaamuloousér baraá gixsár Shafírí, tlawsé' ar mure nee /aankwets. Kuungaásingá' baraá gixsár Sa'ananír wa hootá', ma tsee/ií ti'iitara' baraá gixsaro. Asma múk baraá gixsár Bet-eseli ta tsuunqumiis, asma alee/isaydá' ta slaslay dirhúng wa ale aa faák.

NAHUMU 3:5

AAKOÓ MUNGÚ Aleesleemusmo i kaahi, «Ga/aaweek, aníng a slaáqw nee kiíng, aníng tlabaawók in waatleés ay gawaá sagók, aníng xoordu ngiri /aankwetsuuwók i laqaám, nee waawuti'ima ngiri alsi'imuuwók i laqaám.

MALAKI 3:3

Inós in iwiit adór heé peésár kwahhuút ar asla as ngiwa hhohhoeemisi. Inós kaahamuusér Mungú gan hhoohhooees, gan hhoohhooees adór sahaábu nee peésa kir hhohhoeemamisi, ay dír inooín AAKOÓ MUNGÚ ngway ilahhooárií haniisiyá' ar loohír ganaa'.

Matayo 13:44

«Slám waawuti'iimár doori a slaqás nee daqaari'iimár taa foól baraá qaymorka. Nee hee ngiwa ár, gari luú/, iri tláy ar qwala/, muruuwós kudá' sleémeero i kon dír do'o guri weeriís, qaymoodá' gari tlaáxw.»

Matayo 25:9

Ala kudaá fuquruuse tari oó', ‹Aasla'áy, di/tí atén nee kuungane ti bu'uká. A tsiní bara tlaxwtá eeré' dír mukdá' di/tá weerimiís.›

Luka 12:21

«Múk daqaari'iimár baraaká' yaamaá leelehhiít, nee laatí inooín dír geeraá Munguhe gár ta kon i káhh, alhhe'eesoó slafingw'ín a adór slafíngw heewí.»

2 korinto 5:3

Ala bar slaqoorén kudá' uuntsuusaro kaa hhe'eés, atén daqaní ti ariiká tawa /aankwets.

2 korinto 8:9

Asma kuungá' gurtleemuú Aakoorén Yesu Kristo u xuá' adór inós geeraawo ta daqaarmo, ala iri narkutmo tleehhiít as kuungá', as kuungá' tawa daqaari'ita' ar narkuuwós.

1 Timoteo 6:18

Inooín masók hhooeema kin tleehh, slám masók tlehhema'aá hho' awa yaariir ki tlehhiit, nee masók a múk gurhhoén oo múk qaqáw muruuine.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

1 Petro 1:7

Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.

Geehhoeemaá 16:15

«Qaytsiít, aníng ni hardáh adór fisusmo. Heé amohhoó' a kudá' dalaá' nee oo tsitaywós gu amohhe'eemiís as miwa hi'iimiít ar /aankwets, tam muu alsi'imuuwós munguwa ár.»

Geehhoeemaá 19:8

Nee slám Mungú dasidá' gaa aleesleemií haniís kawa tsiitisi ar inqwaruú /awák oo taa tleéhh ar kitaánír hhohho'.» Inqwaruudá' /awák oo hhohhó' a tlehhemi'iidá' ganaa'á' awa múk hhohhó' oo Mungú.

Geehhoeemaá 2:9

Aníng slahh'amaayeerók a xuú', nee narkuwoge. Ala kuúng a daqaarmo. Nee slám a xuú' /ooslislíngw mukdá' káh, atén a múk Yahudi, ala laatí a inooineeká, ala inooín a múk Neetlángw eeharahár.

Geehhoeemaá 3:17

Kuúng a kat, ‹Aníng a daqaarmo. Án tina kilooeé' daqaari'iitís, slám gár iwa /aaruur i káhh.› Ala laatí kuúng a xu'uká adór kuúng tar liitlakusmo, kuúng a heé gurtleemuú slaá', nee a narkutmo, nee heé taampa, nee slám a /aankwets.

Geehhoeemaá 4:4

Kitangwduú aleesleemu kiteeraá mibeeri tsár nee tsiyáhh awa hatlá' awa aleesleemu nguna harweeriyé'. Nee gawaá kiteeridá' mibeeri tsár nee tsiyahhe bariisér mibeeri tsár nee tsiyáhh gawaadá' wa iwiiwít. Inooín tlabaá /awak ngaa dahamiisiyé', nee gawaá sager'ine gár naa dahaasiyé' a slam'eeraá sahaábu.

Geehhoeemaá 7:13

Aakoó wák baraá bariiseedae aníng iri yaahaás, «Ahaá, mukwí taa tsiitiís ar tlabaá /awak a ín heemá? Nee inooín amór i dahhiya' a amá?»