Geehhoeemaá 3:17 - Biblía Axweesantá Hhohho' ar Mungú 2004

¹⁷ Kuúng a kat, ‹Aníng a daqaarmo. Án tina kilooeé' daqaari'iitís, slám gár iwa /aaruur i káhh.› Ala laatí kuúng a xu'uká adór kuúng tar liitlakusmo, kuúng a heé gurtleemuú slaá', nee a narkutmo, nee heé taampa, nee slám a /aankwets.

Ya/abtór hho' 1977

¹⁷ Kuúng a kat, “Aníng a daqaarmo. Án tina kilooeé' daqaaritiís, slám gár iwa /aaruur i káhh.” Ala laatí kuúng a xu'uká gídaabá kuúng a liitlakusmo, kuúng a heé gurtleemuú slaá', nee a narkutmo, nee heé taampa, nee slám a /aankwets.

Geehhoeemaá 3:17 Iomraidhean Croise

IIMU/UUNGW 3:7

Naxés inooín tsaraawo ilaaín kiri gwa/atís, tiri tsaahhiyé' adór inooín tar /aankwets. Loo/ór puunganí kari hiriít tlabaá wa alé.

TI'INAANGW 32:35

AAKOÓ MUNGÚ muu guri tiqtír pú/tí kwaáhh, as adoodá' Aroni nguwa firiné' ngiwa murslaaqatuú damaárí tleehhi.

AXWEESANOÓ SAGALOOA 13:7

Heeko daqaari'iima gan leeleehh ar umuúqo ado, ala ga slayká, kooko bir axwees gár i kon i káhh, ala inós a daqaarmo.

AXWEESANOÓ SAGALOOA 30:9

As kahhó' mawa taqna/uút nari oo', «AAKOÓ MUNGÚ a heemá?» Mawa ak narkuút nari fiisór áw Tam umuú Munguúeé' nguri tawo káh.

ISAYA 42:19

A heemá oo taampa ala aqo har sagadiyusmooeé', laqaá oo matooyi adór ya/abusmoodá' aníng naa ya/aáwi. A heemá oo taampa adór sagadiyusmoodá' aníng naa paraátl, laqaá oo taampa oo adór sagadiyusmoó AAKOÓ MUNGÚ?

YEREMIA 2:31

Xaysé', múk Israéli, te'eé' tí ni kah iiárií qaasaak, aníng a AAKOÓ MUNGÚ. Xáy aníng aga darma tleehhíti dír Israeliwo, laqaá aga yaamaá giiwá' tleehhíti? Ahaá waáy, muk'eé' masta kaahi, «Atén a múk amohhoó', ni amoorógií daqawanaaká?»

HOSEA 12:8

Múk Israeli ta kaahi, «Ar ló' aga tsuwa ló'wa daqaari'iitaán, muruú yaariír ugwa slawaán, baraá gadiyeérén sleémeero, tlakweemaarén ki ariiká.»

SEKARIA 11:5

Mukdá' bee/angwdá' gwaa tlaaxw guna tsuú/ sleeme kwaa muxiiká, nee mukdá' gwaa weeriis i kaahi, ‹AAKOÓ MUNGÚ i xirfuuti, asma aga daqaari'iitaán.› Nee de'eemusmoodá' bee/aangós gwaa gurtlayká.

Matayo 5:3

«Múk amohhoó' a kudá' narkuú qeeremooín gu tsatsahhaám, asma waawuti'iimár doori a tooín.

Matayo 9:12

Yesu axweesanay'ín kudá' nguwa axaás giri báy, «Múk slaqo hhó' i qwaslaarmoó leelehhiitiiká, aqo har tiqtuuse.

Luka 1:53

Awa qwariitá' gaa aaxiís ar muruú hhó', nee daqaare gaa tawó ki/ís.

Luka 6:24

Ala kuungaásingaá daqaare, a tsaxwaahuúng, asma qwal/uuhúng sleémeero ugwa hhe'esé' sleemuuwo.

Rumi 11:20

Ar ló', inooín kina tlaáq, ala gár kisa tlaáq a haratlintaaoowasler'ín. Ala kuúng a gawaá xa'anoodá' taa dahaás i dirí' as haratlintaao. Gawaá adoorihe, kuúng ma daara/aamaar, ala masók an da'ayumít.

Rumi 11:25

Hhaee'eé', án gár ni slaa' a lu/aaráywí un xuá', as kuungá' miti kiloohúng xirfayeemisaara' as sagalooarhúng. Ala lu/aaráy a kwí, múk Israeli bahh'alé muner'ín aa gawduuduúr, ala ar har qoomár niina, ay dír múk xoordu sleémeero i dahi, kudá' ba/ám.

Rumi 12:3

Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

Rumi 7:24

Aníng a liitlakusmo ador'eé' tí ka ló'wa gawit. Heé aníng i ba/amís dír slaqwtír gwa'araaro a heemá?

2 Petro 1:9

Ala heé muruuwí gu koomaaká, inós a heé ila' naa boo/aye', nee a taampa. Asma aa gunqaruút adór tlakweemaawós kudá' aáng kira hamaátl.

Geehhoeemaá 16:15

«Qaytsiít, aníng ni hardáh adór fisusmo. Heé amohhoó' a kudá' dalaá' nee oo tsitaywós gu amohhe'eemiís as miwa hi'iimiít ar /aankwets, tam muu alsi'imuuwós munguwa ár.»

Geehhoeemaá 2:9

Aníng slahh'amaayeerók a xuú', nee narkuwoge. Ala kuúng a daqaarmo. Nee slám a xuú' /ooslislíngw mukdá' káh, atén a múk Yahudi, ala laatí a inooineeká, ala inooín a múk Neetlángw eeharahár.

Geehhoeemaá 3:16

Ala daxta kuúng hám a tawó matláxw. Kuúng tu tsatsa'aareeká, nee slám a da/a/aandaaká. Gawaá adoorihe aníng kuúng baraá afkueene u waá/.