Geehhoeemaá 3:12 - Biblía Axweesantá Hhohho' ar Mungú 2004

¹² Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.

Ya/abtór hho' 1977

¹² Heedaádá' arba/ati gaa slay, aníng inós un uhumoó Doó Mungúeé' tleéhh, nee baraadaádae iri ti'iitiiká baloó ale. Nee gawaawose aníng umuú Mungúeé' un gooiím, nee umuú gixsár Mungúeé', Yerusalemudá' /aben, tidá' awdiit gawaá dooriiwo amór Mungúeé' wa ale. Nee slám aníng umuueé' kudá' /abén u gooiím.’”

Geehhoeemaá 3:12 Iomraidhean Croise

1 WAAWITÁ 7:21

Uheemi giri sihhtís baraá matla/ángw doó Mungú, uhmoó bihhaá basa guri sihhtís umuuwós guri báy «YAKINI,» uhmoó bihhaá /iya guri qaás, umuuwós guri báy «BOASI.»

WARA'AMI 46:4

Yaae i deer, ar ma'aywós mukduú baraá gixsár Mungú ngu qwal/atimisá', didá' hhoohhoo' ar Munguúduú Gawa aa hotaangós i qaás.

WARA'AMI 48:8

Adoodá' aáng kara axaasaán an adór hamí kara araán, baraá gixsár AAKOÓ MUNGÚ Aleesleemusmo, eeít, baraá gixsár Munguúrén, tidá' Mungú i gawdeesi ay kureeraá kureér.

WARA'AMI 87:3

Kiíng gixsár Mungú, Mungú kiíng i xirfayeemiis.

ISAYA 62:2

Xoordu gan'amuuwók nguri ariyá' waawitá sleémeero xirfuuwók gun ar. Kiíng tiri umuú /abén i tsaat, umuudá' AAKOÓ MUNGÚ ni ooi.

ISAYA 65:15

Mukdá' naa tsawaár umerhúng ganar lu'umis nee Aakoó MUNGÚ kuungá' nun tsuu/, ala sagadiyuuseerós gan umuú /abén i tsaat.

YEREMIA 1:18

Asma laarí aníng kuúng ugwa gawdeés adór gixsár taa harweér ar koo/ír gawit, ar taa uheemaá muqslár i siíhh, nee ar koo/irós taa tleéhh ar muqslár sirda/aten, as tiwa tlampa'aamisa' nee yaamu sleémeero, nee waawituú oo xoorór Yuda, nee geeraharuuserose, nee kaahamuusér Munguhe, nee múk yaamuuká' sleémeero.

ESEKIELI 40:49

Tsa/aa/amto i deer ar tar tsa/an amór matla/angwduú kutuwír tar daraahi, matla/angwdá' uroó bihheero a miíta mibaangw, nee tlenángw baraay a miíta lahhoó'. Uheemaá tsár i dayá' dír afkú do'o, kuqá' i bartaqá', kuqií bartaqá'.

ESEKIELI 48:35

Tlenángw koo/irí sleémeero bihhe tsiyahhaawo a miíta kume gweleél. Umuú gixsa iimír hamí ku báy, ‹AAKOÓ MUNGÚ i diirí dirii'.› »

Marko 12:16

Kuri huúw. Giri báy, «Slaqsaywuú gawaaká' nee gooirihe awa heemá?» Tari oó', «Awa waawutmoó múk Roma.»

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.

Efeso 3:15

Inós a Baabuú ló' oo na/ii sleémeero awa gawaá doori nee awa baraá yaamuwo.

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.

Ebrania 13:14

Asma baraakaá yaamuwo gixsár ak hoot a koomanaaká, ala atén gixsadá' hardah an leelehhiitaán.

1 Yohana 4:4

Laqwalór ninakw, kuungá' awa Mungú, nee kuungá' aaruuseedár lama aga arba/é', asma Mungú i baraahúng i dirii', nee inós ku úr ta Wakusmoó Kristo oo baraá yaamií diriia.

Geehhoeemaá 14:1

Aníng niri qaytsiít, Deelmoó bee/i nguri ár aa sihhiít gawaá tloomár Siyoni. Nee múk kume tsiiruú wák nee mibeeraá tsiyáhh nee tsiyáhh aa sihhiít dinkwa nee inós. Gawaá gitsee/ér mukwihe gár taa gooín a umuú Deelmoó bee/i nee umuú Baabuúwós.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 2:11

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heé arba/ati ga sláw, inós ku slahh'eesiiká nee gwa'araadár tsár.»

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.

Geehhoeemaá 22:4

Inooín gitsee/awós ngi ga/ayá', nee umuuwós kwaa gawaá gitsee/er'ín i gooín.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.