Geehhoeemaá 22:6 - Biblía Axweesantá Hhohho' ar Mungú 2004

⁶ Aluudae malaykamoodá' iri báy, «/Aymi'iiká' a awa ló' nee awa hariimá' haratlintaaoro. Aakoó Mungú, Munguúduú qeeruú aaruuse, inós malaykamoowós ngwaa ya/aáw as muruudá' hardáh ar gaanslaay nguwa dír sagadiyuuseerós i laqan.»

Ya/abtór hho' 1977

⁶ Aluudae malaykamoodá' iri báy, “/Aymi'iiká' a awa ló' nee awa hariimá' haratlintaaoro. Aakoó Mungú, Mungúduú qeeruú aaruuse, inós malaykamoowós ngwaa ya/aáw as muruudá' hardáh ar gaanslaay nguwa dír sagadiyuuseerós i laqan.”

Geehhoeemaá 22:6 Iomraidhean Croise

IIMU/UUNGW 41:32

Gár tlataawók tas sagaáwa tsár, a /aymuuwí Mungú nguna geehhoeés, nee Mungú gu boo/ees ar gaanslaay.

DANIELI 3:28

Nebukadnesa iri oó', «Munguú Shadraki nee Meshaki nee Abednego i xirfuuti, kudá' malaykamoowós ngwa ya/aaw as sagadiyuuseerós tidá' gwaa haratlinti' ngiwa ba/amisi. Hara'ayar'eé' tidár anuú waawutmo naa oó' ngiri tawo tleehhiyé' as haratlintaaor'ín, tari ya/án slaqooín kiwa slahh'eemisi ta mungú tawo nguwa sagadiyuusiia, ala aqo har Munguúín kilós.

DANIELI 6:22

Munguúeé' malaykamoowós nguna ya/aáw afér direeri gari tsegiít, inooín aníng adór iga /iisiyé' i káhh. Asma inós ga xuu' aníng ti dakuús wásl dirose, tam dír geeraawoge gár tlaakw aga tleehhiiká.»

Matayo 13:41

Garmoó Hee malaykeerós ngi ya/aaw, nee malaykeedá' mukdá' sleémeero oo múk gee/asliím baraá tlakweema nee mukdá' tlakweemaá tlehhiít, guri burumbút, guri hingés baraá waawuti'iimár Garmoó Heewo.

Luka 1:70

adoodaádá' ngira qaroó oó' ar afér aaruuseerós ar hhohho',

Luka 16:16

«Hara'ayár Mose nee gooír aaruuse ina kumamít ay qoomár Yohánedá' Baatimaamiís niwa hardáh. Ala iimír qoomaadae Ya/abtór hho' ar waawuti'iimár Mungú kay alki/iít, nee muu tin kilooín dahamiis ar /uuru baraá waawuti'iimarihe.

Tlehhema'aá ya/Abuuse 12:11

Nee Petro iimirós iwa faxát, iri oó', «Daxta aga kángw kilá' wa tsaáhh adór Aako malaykamoowós ngura ya/aáw, as aníng iwa ba/amisi baraá dabaá Herodewo, nee baraá kangwdá' xoorór Yahudi sleémeero i daamaraan.»

Tlehhema'aá ya/Abuuse 3:18

Ar tlehhmuuwihe Mungú adoodá' aa geerií axweés ar loohír aaruuseerós sleémeero, tidá' iwa káh, Kristowós gár kuwa hariím a kun slahh'eemiís.

Rumi 1:2

Ya/abtoorí hho' Mungú aa al'axweés iimír aáng wa ale ar afér aaruuse, kaa gooín baraá Gooír hhohho'.

1 Korinto 14:32

Slám aleesleemuú Qeeru oo hee iwa aariirin, aleesleemuuwí ku baal nee heedaádá'.

1 Korinto 7:29

Ala hhaee'eé', aníng gár ni kah a tí, qooma daxta aa niinawuúr. Ala iimír hamí mukdá' aa duuxuxun masók a adór múk aa duuxuxunká.

2 Tesalonike 1:7

Nee inós kuungaásingá' taa slahh'eemiís, nun amoohhooárí haniis, dinkwa nee atén. Adoorí in tleehharút qoomár Aako Yesu burkwa gawaá doorí wa geehhooeés, dinkwa nee malaykeerós ar aleesleemuú koom.

Ebrania 12:9

Baabi'iirén awa slaqwa atén tina muxiyé', nee atén inooín ngiri ilaiwawa/aán. Gawaá adoorihe a tsiníheéke Baabuúduú muneerén bura ak ilaiwawa/aán, as tawa slafaan.

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.

2 Petro 3:2

Asma gár kuungá' tunduwa hariím a /aymi'iidaá aaruusér aáng ar hhohho' in insleerá', nee hara'ayaadá' Aako nee Ba/amusmo aa axweés ar loohír ya/abuuserhúng.

Geehhoeemaá 1:1

Gaarí a gár Mungú aa geehhoeés dír Yesu Kristo, as Yesu Kristo muruudá' hardáh ar gaanslaay nguwa laqan dír sagadiyuuseerós. Kristo malaykamoowós guri ya/aáw amór sagadiyusmoowós Yohane, as muruuwí nguwa dirós i laqan.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 19:9

Inós aníng iri báy, «/Aymi'iiká' gooiimeek, ‹Múk amohhó' a kudá' taa dahi'ís baraá duuxór Deelmoó bee/i.› » Iri malé báy, «Axweesanaywí a axweesanoó ló' oo Mungú.»

Geehhoeemaá 21:5

Kudá' aa iwiit gawaá kitangwduú aleesleemu iri oó', «Ga/aaweek, aníng mura' sleémeero u /abeemií ki/ís.» Nee iri malé báy, «Gooimeek. Asma /aymi'iiká' a /ayma'aá ló' nee awa hariimá' haratlintaaooro.»

Geehhoeemaá 21:9

Malaykamoó wák aníng iri i hardáh. Inós an malaykamoó wák baraá malaykeedár faanqwe, tidá' slooqa'aá faanqw gi koom. Slooqi'iidá' i hatsiyá' muxtaadá' faanqw ar alhhe'eesaywo. Malaykamoowí aníng iri báy, «Qwaláng amoorí, aníng dasiidár duuxo ngi laqaám, harér Deelmoó bee/i.»

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír niwa wa/amiin a baraá kitangwduú aleesleemu oo Mungú nee oo Deelmoó bee/i,

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»

Geehhoeemaá 22:7

«Ga/aaweek, aníng ni hardáh ar gaanslaay. Múk amohhoó' a kudá' axweesanoó aaru'uuma gwa oh, kudá' baraá kitaábuuwí i dirií'.»

Geehhoeemaá 4:1

Alaá muruuwí sleémeerowo aníng niri malé qaytsiít, nee ga/aaweek, afkú doó taa gweér una ár gawaá dooriiwo. Nee afoodá' aa axwes nee aníng qoomaadár geeraawo, tidár adór tarumbeéta, aníng iri beér, «Amoorí tsa/amang, nee muruudá' aluú wa hardáh, aníng ngu dirógií laqaám.»