Geehhoeemaá 22:2 - Biblía Axweesantá Hhohho' ar Mungú 2004

² nee iri waaráhh ar baraá tla/ángw loohír gixsa. Nee dír afaá yaaeero, bihhaá bartaqá' nee bihhaá bartihe xa'anoó slafiingw i deer. Xa'anoowí i laqwalín sagaáwa mibaá nee tsár gawaá kurkú wake. Mamuuwós giri hamaareemiis umuúqo slahhaango. Nee loo/ór xa'anoowí múk xoordu gun hungu/uumís.

Ya/abtór hho' 1977

² nee iri waaráhh ar baraá tla/ángw loohír gixsa. Nee dír afaá yaaeero, bihhaá bartaqá' nee bihhaá bartihe xa'anoó slafiingw i deer. Xa'anoowí i laqwalín sagaáwa mibá nee tsár gawaá kurkú wake. Na/'iiwós giri hamaareemiis umuúqo slahhaango. Nee loo/ór xa'anoowí múk xoordu gun hungu/uumís.

Geehhoeemaá 22:2 Iomraidhean Croise

IIMU/UUNGW 2:9

AAKOÓ Mungú xaa'aá daa'aweemaá dimbadimbé giri baraá hhapér wa titi'iís, xaa'aá hhohho' nee awa /aymár ya/aamá'. Nee baraá tla/ángw asalmoowo Mungú xa'anoó mamuuwós slafíngw hanmiisá' guri qaás. Nee xa'anoó mamuuwós xu'utír muruú hhó' nee oo tlákw laqaaqamá' guri malé qaás.

WARA'AMI 147:3

Kudaádá' naa mune si'iye' gin hungu/umiis, inkahhi'ii'ín gin tsegiit ar warqama'.

AXWEESANOÓ SAGALOOA 3:18

Sagalooa a adór xa'anoó slafiingw dír múk gaa /atleesi. Heé amohhoó' a kudá' nee inós taa dabe oohiye'.

ISAYA 6:10

Munér mukwí daktu'uweek, iaaín mindiwa axamiisiyé', ilaaine mindiwa gaa ariyé', iaaine mindiwa axaasiyé' ngiri tsaahhiyé', ar muner'ine mingiwa tsaahhiyé' mindiwa amor'eé' ki/iyé' niri ba/aná'.»

YEREMIA 17:14

AAKOÓ MUNGÚ án hungu/uusáng, daqaní aníng a hunguú/. Ba/amisáng, daqaní aníng a ba/ám, asma kuúng an xirfuueé'.

ESEKIELI 47:1

Aluuwo heedaádá' iri male ki/ís ay dír afkú dahmaá Doó Mungú. Didár duxutmoowo ma'aay i bihhaá baráy wa/aminá' bihhaá da/aáw (asma afkú Doó Mungú in da/aáw ga/áy). Ma'aay i wa/aminá' bihhaá baskú wa ale, dír afkú Doó Munguhe, bihhaá basa awa kitangwduú ilahhooa.

HOSEA 14:4

AAKOÓ MUNGÚ i kaahi, «Iia wasler'ín an hingeés, aníng ngiri kil'eé' slaá', slám i malé i buhhaaká.

SEKARIA 14:8

Baalaadae ma'aá slafiingw ni baraá gixsár Yerusalemúr wa ti'iitiyá', tlaqtaín in bihhaá tlawtá da/aáw xú', tlaqtaín ar hatlá' in wá/ amór tlawtá /uwa. Ma'ayká' aqo nin kumaamitiyá' wa/amiingo age nee buhaareewo.

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»

Geehhoeemaá 21:21

Nee afeedá' mibaá nee tsár a kwaslaá mibaá nee tsár, umuúqo afko gár kura tleéhh a kwaslaaslír wák. Nee loohír baraá gixsa gár kara tleéhh a sahaábu hhohhó', oo qwiirií/ adór looa.

Geehhoeemaá 21:24

Múk xoordu tari hi'iimiit ar gwa/aateemaá gixsadá'. Nee waawituú baraá yaamu xirfuuín nguri baraá gixsadií huwiyá'.

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír niwa wa/amiin a baraá kitangwduú aleesleemu oo Mungú nee oo Deelmoó bee/i,

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.

Geehhoeemaá 22:19

Nee hee barnaxes garka gaa /aareés dír axweesanoó kitaábuuwí oo aaru'uumaro, daqaní Mungú hariímár heedá' ga hingees baraá xa'anoó slafiingo nee baraá gixsadá' hhoohhooe. Hariímarós ar ta hingeesi an tidá' kangós taa gooín baraá kitaábuwí i alé.