Geehhoeemaá 22:17 - Biblía Axweesantá Hhohho' ar Mungú 2004

¹⁷ Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.

Ya/abtór hho' 1977

¹⁷ Nee Qeeru nee dasiidá' ta duxuuti ta kaahi, “Qwaláng.” Nee heé adoodá' gaa axaas i ooi, “Qwaláng.” Nee heé waxiít ni hardahi, nee umuúqo heé ma'aá slafiingw gi slaá' ngi taataahhi awa bu'utu wasl.

Geehhoeemaá 22:17 Iomraidhean Croise

WARA'AMI 34:8

Áx araak, adór AAKOÓ MUNGÚ kur hhoó', heé amohhoó' a kudá' goów amór AAKOÓ MUNGÚ.

ISAYA 12:3

Kuungá' ma'aay i qwal/úr hhekitá' baraá hhaleeraá ba/ama.

ISAYA 2:3

Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

ISAYA 2:5

Kuungaá doó Yakobo, qwalaasé' a hootaán, baraá gwa/aateemaá AAKOÓ MUNGÚ wa ale.

YEREMIA 50:5

Loohír gixsár Siyonír kaw kari yaahaas, amooqaqae gur'er'ín nga amoodá' xu'usiyé' tawa kaahi, ‹Qwalaas, ti haragwaa'aán nee AAKOÓ MUNGÚ baraá alqadoodá' alhhe'eesay wasl, tidá' baloó gunqarutaaká.›

ESEKIELI 47:1

Aluuwo heedaádá' iri male ki/ís ay dír afkú dahmaá Doó Mungú. Didár duxutmoowo ma'aay i bihhaá baráy wa/aminá' bihhaá da/aáw (asma afkú Doó Mungú in da/aáw ga/áy). Ma'aay i wa/aminá' bihhaá baskú wa ale, dír afkú Doó Munguhe, bihhaá basa awa kitangwduú ilahhooa.

MIKA 4:2

Nee xoorduuká' yaariir niri hardihiyá' tari ooi, «Qwalaasé', a tsa/amán gawaá tloomár AAKOÓ MUNGÚ, amór Doó Munguú Yakobo. Inós atén tiri intsaahhatis lohduwose, atén niri hi'imiitaán ar baraá irwaarós.» Asma intsaahhasa baraá Siyoni ngin dáhh, nee AAKOÓ MUNGÚ axweesantós ngin baraá Yerusalemúr wa oo'.

Yohana 1:37

Eeharuuseedá' tsár Yohane gwa axas qoomár iwa axweesi, Yesu guri eehát.

Yohana 4:10

Yesu gari báy, «Kiíng geera bar gurtleemuú Mungú ugwa xú', slám geera heewí kiíng i babáw, ‹Ma'aá wahaango qawáng,› bura xú', geera alók inós ugwa firiín, inós geera ma'aá slafíngw koomá' ngi haniis.»

Yohana 4:11

/Ameenidá' guri beér, «Aáko, gár ma'aay kir iihhek a koondaaká, slám hhalaangw ku saáw. Daxta kuúng ma'aá slafíngw koomá' dír kiwa sleer a diimá?

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Yohana 4:29

«Qwalaasé', heewí artá awaare', oo muruueé' sleémeero naa tleéhh ngwa oo'. Xaysé', heewí a Kristowookáhe?»

Yohana 7:37

Baalaadár alhhe'eesaay an deeloodá' ak ur. Baalaadae Yesu ina sihhiít iri tseé' ar afór ur iri oó', «Hee bira waxiít, ni amor'eé' hardihi, as iwa wahi.

Rumi 3:24

Mungú gina tawó gan'amuú i harafaár ar gurtleemuuwós. Gár adoorí ngisa tleéhh a gadiyeédá' Yesu Kristo aa tleéhh ar muu kuwa gweeri.

1 Korinto 2:12

Ala atén Qeeruú taa slawaán a qeeruú yaamuukaeeká, ala a Qeeruudá' amór Mungú daáhh, as atén masók muruudá' kuwa tsaahhaan oo Mungú naa diréní haniís ar qeemuuwós.

Geehhoeemaá 14:13

Aluuwo afór gawaá dooraá daahh ngiri axaás i kat, «Gooimeek, ‹Múk amohhoó' a kudá' qaátl baraá Aakoó i alé iimír hamí.› » Qeeru iri oó', «A ló', asma inooín ta hunguu/ alaá daawitimer'ine. Asma tlehhemi'ii'ín ti alkoná' nee inooín.»

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.

Geehhoeemaá 21:6

Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.

Geehhoeemaá 21:9

Malaykamoó wák aníng iri i hardáh. Inós an malaykamoó wák baraá malaykeedár faanqwe, tidá' slooqa'aá faanqw gi koom. Slooqi'iidá' i hatsiyá' muxtaadá' faanqw ar alhhe'eesaywo. Malaykamoowí aníng iri báy, «Qwaláng amoorí, aníng dasiidár duuxo ngi laqaám, harér Deelmoó bee/i.»

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír niwa wa/amiin a baraá kitangwduú aleesleemu oo Mungú nee oo Deelmoó bee/i,

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»

Geehhoeemaá 7:17

Asma Deelmoó bee/i kwí tla/ángw kitángw aleesleemuú i dirií', inós inooín gi de'én, giri geeraharahaar didár kutloó ma'aá slafíngw koóm i dirii'i. Nee Mungú hhirhheeri'ín sleémeero gi fiits baraá ilaaine.»