Geehhoeemaá 21:6 - Biblía Axweesantá Hhohho' ar Mungú 2004

⁶ Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.

Ya/abtór hho' 1977

⁶ Nee inós aníng iri báy, “Aa tleehharút. Aníng an Alfa nee Omega, iimu/uungw nee alhhe'eesaay. Heé waxiít aníng u ma'aá slafíngw i haniís, as ngiwa wahi, slám awa bu'utu wasl.

Geehhoeemaá 21:6 Iomraidhean Croise

WARA'AMI 36:9

Asma diroge kutloó ma'aá slafiingw i deer, baraá gwa/aateemaawoge atén gwa/aateema i araán.

ISAYA 12:3

Kuungá' ma'aay i qwal/úr hhekitá' baraá hhaleeraá ba/ama.

YEREMIA 2:13

Muk'eé' tlakweemaá tsár gaa tleéhh. Aníduú kutltá ma'aá slafiingw iga geexayé', hhaleeri'ín ngiri kilooín fooliyé', kudá' ma'aay iwa /oomaa/ona'.

HOSEA 14:4

AAKOÓ MUNGÚ i kaahi, «Iia wasler'ín an hingeés, aníng ngiri kil'eé' slaá', slám i malé i buhhaaká.

Yoeli 3:18

«Slám de'emaadae tlom'i difaáidá' tsuu' ngi taxmisiyá', nee ilwa nin gawaá dindirmaá wa wa/aminá', yau sleémeero awa Yuda ma'aywo nin hatsiyá', nee kutli nin baraá doó AAKOÓ MUNGÚ wa ti'ít, xatstá Shitimu gari eemís.»

Yohana 4:10

Yesu gari báy, «Kiíng geera bar gurtleemuú Mungú ugwa xú', slám geera heewí kiíng i babáw, ‹Ma'aá wahaango qawáng,› bura xú', geera alók inós ugwa firiín, inós geera ma'aá slafíngw koomá' ngi haniis.»

Yohana 4:11

/Ameenidá' guri beér, «Aáko, gár ma'aay kir iihhek a koondaaká, slám hhalaangw ku saáw. Daxta kuúng ma'aá slafíngw koomá' dír kiwa sleer a diimá?

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Rumi 3:24

Mungú gina tawó gan'amuú i harafaár ar gurtleemuuwós. Gár adoorí ngisa tleéhh a gadiyeédá' Yesu Kristo aa tleéhh ar muu kuwa gweeri.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

1 Korinto 2:12

Ala atén Qeeruú taa slawaán a qeeruú yaamuukaeeká, ala a Qeeruudá' amór Mungú daáhh, as atén masók muruudá' kuwa tsaahhaan oo Mungú naa diréní haniís ar qeemuuwós.

1 Korinto 3:12

Ala hee bira tleehhiít gawaá iihhafiirirí aleeró, gár ira tleehhiít barnaxes a sahaábu, laqaá muqslár peésa, laqaá barnaxes a tlaa/aá tlaxo gawden, laqaá barnaxes a xaai, laqaá tsaaráy, laqaá barnaxes a slarhhí,

1 Korinto 3:21

Gawaá adoorihe hee miwa daara/án as muu. Asma umuúqo gaaro a toohúng.

1 Korinto 3:5

Ala Apolo a heemá? Nee Paulo a heemá? Atén a sagadiyuusér Mungú, nee kuungá' ana dirén wa haratlintié'. Asma umuúqo heewo direne gadiyeérós gana tleéhh ar adoodá' Aako ngira aténí.

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,

Geehhoeemaá 1:8

Aakoó Mungú i kaahi, «Aníng an Alfa nee Omega, aníng an iimu/uungw nee alhhe'eesaay.» Aníng an kudá' qaroó dáw, kudá' daadáw, nee kudá' hardáh, kuduú Aleesleemusmoó mura' sleémeero.

Geehhoeemaá 10:6

Inós lo'o gari huúw ar Mungú kudá' slaáf tam ay alhhe'eesay wasle, Munguúdá' doori gaa tleehh, nee muruudá' baraadií diriia, kudá' yaamu gaa tleehh, nee muruudá' baraadií diriia, kudá' tlawi gaa tleehh, nee muruudá' baraadií diriia sleeme. Malaykamoodá' lo'o ngiwa huúw, iri oó', «Daxta qoomár daamaraangw aa fák.

Geehhoeemaá 16:17

Malaykamoó faanqw slooqomoowós guri gáwtí tsifaaqaás. Afór ur niri baraá Doó Mungú dáhh baraá kitangwduú aleesleemu. Afoorí iri ó', «Aa tleehharút.»

Geehhoeemaá 22:13

Aníng an Alfa nee Omega, kuduú geera nee kuduú alhhe'eesaay. Nee slám aníng an iimu/uungw nee alhhe'eesaay.»

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.

Geehhoeemaá 3:14

«Kaangwí gooiimeek amór malaykamooduú múk kríshaanáy oo baraá Laodikeár i dirií', «Axweesantí dír i dahh a dír kudá' ta bay Amin. Inós an lamabu'usmoodá' inkihhím nee oo looeemaá axweés. Inós an iimu/úngw muruudá' sleémeero Mungú aa tleéhh.

Geehhoeemaá 7:17

Asma Deelmoó bee/i kwí tla/ángw kitángw aleesleemuú i dirií', inós inooín gi de'én, giri geeraharahaar didár kutloó ma'aá slafíngw koóm i dirii'i. Nee Mungú hhirhheeri'ín sleémeero gi fiits baraá ilaaine.»