Geehhoeemaá 21:27 - Biblía Axweesantá Hhohho' ar Mungú 2004

²⁷ Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.

Ya/abtór hho' 1977

²⁷ Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmo i baloó dahiiká baraadá' i alé. Ala múk baraadá' i dáh, a mukdá' umer'ín taa gooín kilós baraá kitaábuuduú slafiingw oo Deelmoó bee/i.

Geehhoeemaá 21:27 Iomraidhean Croise

WARA'AMI 101:8

Umuú looár tlawa tlakuuse sleémeero ar baraá yaamu an hhaamiís, sleémeero awa tlakweemá tlehhahhitá', in hingeés baraá gixsár AAKOÓ MUNGUHE.

TI'INAANGW 32:32

Na'ás, tlakweemaaín gurtlaweek, ala barnaxes i gurtleeraaká, umuueé' fiitseek baraá kitaábuudá' umér mukók ki gooiindi.»

ISAYA 35:8

Loohír ur baraadae i deer, inós ka bay «Loohír hhoohhoo'.» Múk daba' tlákw loohidá' ga kala/iiká, ala aqo har múk Mungú kilooín. Inooín tam ki iimi bo/e ala i qwaariiaaká baraá loohidae.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ESEKIELI 44:9

«Gawaá adoorihe, anuú Aakoó MUNGÚ a kah, hee tumu wák oo ta pa/ángw dahmá i haniisi i kaahh tam oo xooro gaalá, oo taa hheehhe'eesiiká slaqwto laqaá muunahe, laqaá oo aníng i ilaiwawa/aaká, oo taa ya/aámár dahmií haniisi i kaahh ar didá' hhoohhoo', tam hoomaadá' ayaahúng hoot sleeme.»

Yoeli 3:17

«Gawaá adoorihe kuungá' múk Israeli kay tsahhá' adór aníng AAKOÓ MUNGÚ tar Munguúhúng, oo baraá Siyonír hoót, tloomar'eé' ar hhoohhoo'. Yerusalemu iri hhoohhouúr, tam dahaayér waaraahh i baloó baraawós i datká.»

TLAHHOÓ LAÁWI 13:46

Inós in baraá meetaá wa hoot deelo sleémeero ar iwa tiqtír tsatmituú kon. Inós i baraá meeta, nee in tsee/aá xaftá wá hoot.»

SEKARIA 14:21

Umuúqo hutlaywo baraá Yerusalemuro, nee baraá Yudawo kuri hhohhoees as AAKOÓ MUNGÚ Aleesleemusmo, gawaá adoorihe, heedaádá' ilahhooár muruú ta tsu/i ga hanmiís niri hardah, hutli'iidá' giri taataahh giri fu'uunaá ilahhooár muruú ta tsú/ír humín. Qoomaadae heé halaanu'uumár tleéhh baraá Doó AAKOÓ MUNGÚ Aleesleemusmo wa alé i kaahh.

FAARO 12:15

Gawaá adoorihe Miriamu kari tsee/áy guús baraá xafto deelo faanqw. Muu iri didá' wa iwiít, aaiiwo taa kumiitiiká ay bál Miriamu kingiwa ki/ís baraá xafi.

FAARO 5:3

Múk adór kwí tsee/a tay duxe' baraá xafayhunge, hhawaate nee /ameenaaro, as inooín xafay'ín munguwa meetagasiyé', kudá' aníng niwa baraá tla/angw'ín wa hoot.»

Matayo 13:41

Garmoó Hee malaykeerós ngi ya/aaw, nee malaykeedá' mukdá' sleémeero oo múk gee/asliím baraá tlakweema nee mukdá' tlakweemaá tlehhiít, guri burumbút, guri hingés baraá waawuti'iimár Garmoó Heewo.

Marko 7:2

Eeharuusér Yesu kari bahh ár ta /ayín ar dabaá taa hamatliiká ar adoodá' uunuú múk Farisayo i kaahiya', kudá' daba' kiwa hamaatli qoomár bar ta /ayín.

Luka 10:20

Ala ma qwalaala/aara' as adoodá' neetlaame nuwa ilaiwaawa/. Ala na qwalaala/é' as umerhúng kawa gooín gawaá dooriiwo.»

Efeso 5:5

Kuungá' /aymuuwí u xu'uti hhe'esá', adór heé tsaatusmo waawuti'iimár Kristo nee Mungú ngir baloó aaliiká, laqaá tam heé slafiingós slasla/arén, laqaá tam heé ilatleerusmo sleeme, asma inós i munguaá hatlá' kón.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

2 Petro 3:13

Ala Mungú al'axweesani ngina dirén i haniís, ar dooraá /aben kiwa slawaan, nee yaamaá /aben. Baraadaádae gár dáw a gan'amu. Nee atén muruuwí un haraxuaán.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 20:12

Múk aa qaatl nguri ár, oo urén nee oo ninakwe. Inooín taa sihhiít dír geeraá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidií alé.

Geehhoeemaá 20:15

Nee umuúqo heewo oo umuuwós taa gooiniká baraá kitaábuuduú slafiingo, kuri kwaáhh baraá tlawtadá' asla iwa ohahiin.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.