Geehhoeemaá 20:9 - Biblía Axweesantá Hhohho' ar Mungú 2004

⁹ Inooín tari waaraáhh ar baraá yaamu sleémeero, nee maraydaá múk hhohhó' oo Mungú kiri harweér, nee tam gixsadá' Mungú i sla'a'an. Ala asla niri gawaá doorí wa /ét, mukdá' guri /ák.

Ya/abtór hho' 1977

⁹ Inooín tari tsa/án ar baraá yaamu sleémeero, nee maraydá' múk hhohhó' oo Mungú kiri harweér, nee tam gixsadá' Mungú i sla'a'an. Ala asla niri gawaá doorí wa /ét, mukdá' guri /ák.

Geehhoeemaá 20:9 Iomraidhean Croise

IIMU/UUNGW 19:24

AAKOÓ MUNGÚ asltá kibiriíti ngiri gawaá doorí wa kwaáhh daanduú Sodoma nee Gomora.

2 WAAWITÁ 6:15

Sagadiyusmoó Elisha, heé Mungú, qatuuwo iwa tláy matlaatlér boo/e, iri ti'iít, naxés slaqwaruusér yaariir nee farsuwo, nee gaardaá ta uuruxun nee farsuwo, gina ár gixsadá' ngaa harweeriyé'. Iri baraá dó' i kií/, iri oó', «Tsaxwaarén aakooeé', hám daxta adór ta /iisaan a adoomá?»

YOBU 38:18

Yaamuuká' uraywo a har adoomá, i xúa? Muruuwí sleémeero bur xú', axweesante'eé' tí tlaxwang.

WARA'AMI 106:18

Eeharuuser'ín asla giri i /ét, mukdá' tlákw asla guri /ák.

WARA'AMI 87:2

AAKOÓ MUNGÚ gixsár Siyoni ga ak slaa', ta yaamu sleémeero awa Israeli.

WARA'AMI 97:3

Asla i geeraawós wa hi'ít, nee wakuuseerós tidár tsuf'i sleémeero asltidá' giri xaawuúr.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ESEKIELI 38:16

Múk Israeli kuri haraxeér adór huunkír giiw gawaá daanduú yaamuwo. Qoomaadae aníng kuúng un ya/aáw yaamuueé' kiwa i haratleer, as múk xoordu ngiwa tsaahhi adór aníng kuúng Gógu ura ya/aáw as hhohhoarir'eé' ngiwa laqaám dir'inií ale.›

ESEKIELI 38:22

Aníng Gogu un slaáhh ar tiqtír pu/i nee qatlór yaariir. Aníng tluwoó yaariír ngu huúw, nee tluwoó tlaa/eewo, nee asla nee kibiriíti i gawaawós nee gawaá slaqwaruuseerós nee dír xoorduudá' sleémeero kudá' nee inós dinkwaárií diriiá'.

ESEKIELI 38:9

A ta'aaiín adór bambaao, nee daanduú yaamu kuri tuuntúk adór huunki, kuúng kilók nee slaqwaruuserók sleémeero nee xoordaá hatlá' kudá' awa dinkwa nee kuúng.›

ESEKIELI 39:6

Aníng asla a huúw baraá yaamaá Magogu nee kudá' sleémeero hootá' ar wayda dír yaamaá afkú tlawto. Inooín ngiri tsaahhiyá' adór aníng tar AAKOÓ MUNGÚ.›

MIKA 2:13

AAKOÓ MUNGÚ inooín gi geerahaar, afkú slumtá gixsa gu fee/, inooín niri waarahhiyá' ar afkudá', niwa tsee/ií ti'iitiya'. AAKOÓ MUNGÚ an waawutmooín, kudá' waaraáhh ar afkudá', inósú kilá' i geeraaín wa hi'iimiit ngiwa geeraharahari.

HABAKUKI 1:6

Asma ga/aawaak, aníng xoorór Kaldayo ngi tleés, xoorodá' xaraasl tidá' slaqo tsadér, tam gár kir qoomeesi i káhh. Inooínadá' waraarahhá' ar baraá ayeemo as aalír múk hatlá' ngiwa aaliya'.

FAARO 11:1

Muu qununu/aay guna iimu/ún dír AAKOÓ MUNGÚ as daanduú slahh'amuudá' naa slayé'. AAKOÓ MUNGÚ adoorí ngiwa axaás, iri ló'wa buúhh, muu guri ásltí kwaáhh. Asltí iri ót tla/angw'ín wa ale, bihhaá wák awa xafaay giri /ák.

FAARO 16:35

Naagáy AAKOÓ MUNGÚ asla ngiri huúw, mukduú tsiire tsár nee mibeeri kooán aa mooyángw da/tá ay, guri hhaamiís.

Luka 17:29

Ala bál Loti iwa ti'iít baraá gixsár Sodomaro, asla nina /ét gawaá doorí wa ale adór tluwaay, dinkwa nee tlaa/aá asltá koomá', nee muu sleémeero kuri hhaamiís.

Luka 19:43

Asma deelo i hardát ar wakuuseerók iwa slúmtí tlehh, nee tiwa harweeri nee tiwa harasaapi bihhe sleémeerowo,

Luka 21:20

«Qoomár bar gixsár Yerusalemu aga aandé', kaa harweér nee múk slaqwara, daqaní ka tsahhá' adór deelór hhaamiisarós nira tseewuúr.

Luka 9:54

Eeharuuseerós Yakobo nee Yohane adoorí kawa ár, kuna báy, «Aáko, a slá'a asla kawa ateetaan, niwa gawaá doorí wa /et, as mukwí nguwa qwaares.»

DABE 23:14

Xafoó hotaahúng masók ku hhohhó', asma AAKOÓ MUNGÚ, Munguúhúng ni baraá xafayhúng wa hi'iimiit as nuwa ba/amisi, nee wakuuserhúng ngiwa gawaá dabaahúng i haniisi. Gawaá adoorihe gár slasla/aar mingiwa ár dír tla/angwhunge. Bar adooriheeká inós i warqáy nuri geexáy.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

Ebrania 13:13

Gawaá adoorihe qwalaasé', atén u i daqawán amór tsee/aá gixsár i alé, atén sleeme mure kawa slawaan dinkwa nee inós.

Geehhoeemaá 11:5

Nee bar hee ngi slahh'eemisuú wa slaa', asla in baraá afer'ín wa ti'imít, nee wakuuser'ín tidá' gari /ák. Gawaá adoorihe, bar hee ngi slahh'eemisuú wa slaa', inós kun gaas ar adoorí.

Geehhoeemaá 13:13

Makiito'oodár tsár layaá uren gina tlehhít, tam asla gan aweerís gawaá doorí wa ale ay baraá yaamu, dír geeraá muu.