Geehhoeemaá 20:4 - Biblía Axweesantá Hhohho' ar Mungú 2004

⁴ Aluudae kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeereemo ngiri ár awa mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makiito'oodá' gaa i tumbarara'atiiká, nee murslaaqatuuwós kudae, nee slám layaadá' kaa ya/anká gawaá gitsee/er'ine, laqaá tam baraá daber'ine. Mukwí iri slafíngwií kií/, tari waawuti'ii'ín dinkwa nee Kristo kureeri kumuú wák.

Ya/abtór hho' 1977

⁴ Aluudane kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeeru nguri ár oo mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makito'oodá' gaa i tumbarara'atiiká, tam murslaaqatuuwós kudae, nee slám layaadá' kaa ohiiká gawaá gitsee/er'ine, laqaá tam baraá daber'ine. Mukwí iri slafíngw i kií/, tari waawuti'ii'ín dinkwa nee Kristo kureeri kumuú wák.

Geehhoeemaá 20:4 Iomraidhean Croise

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 7:18

Ala mukdá' hhohhó' oo Munguú Gawa, inooín waawuti'iima ngi ilaoohiyá', inooín waawuti'iima ngiri aaliyá' ay alhhe'eesay wasle.›

DANIELI 7:22

Ala aakoodá' daadáw kureerisleém iri sihhiít, mukdá' hhohhó' oo Munguúduú Gawa guri hariímar'ín i haniís, nee qooma iwa xeér, mukdá' waawuti'iima gari ilaaóh.

DANIELI 7:27

Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

DANIELI 7:9

«Qoomaadár kilá' aníng niwa xumiis, kiteeraá waawuti'iima kina qaás. Naagáy aakoodá' daadáw kureerisleém, iri iwiít gawaá kitaangós oo aleesleemu, tlabaá /awak nga dahaás adór tlaa/aá tluwaay, se'eengós a adór se'éngw /awák oo bee/aangw. Kitaangós oo waawutmi'iima a adór tsángw asla, nee /angeegeuwós i oh aslto.

MALAKI 4:5

«Ga/aawaak, baalaadá' ur ar dae tlaaq ar AAKOÓ MUNGÚ nira hardatká, aníng aarusmo Eliya ngu ya/aáw geerií alé.

Matayo 19:28

Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Matayo 24:10

As adoorí múk yaariír haratlintaao gari máy, tiri kilooín sakikii/iyá' nee tiri kilooín ahhiitiyá'.

Marko 6:16

Ala Herode tí ngiwa axaás iri oó', «Heesíng a Yohane kudá' naa saga tsaát nina waasleé/.»

Marko 6:27

Hamtidár kilae waawutmo askaarmo guri ya/aáw ságw Yohane kuwa leehhi. Askaarmo iri tláy baraá doó tseegamo. Yohane guri saga tsaát,

Marko 9:11

Kuri yaahaás ta kaahi, «Ahaá baré intsaahhatuusér hara'ayár Mose ta kaahi, ‹Eliya ni ala geerií hardah?› »

Luka 1:17

Inós in geeraá Aakoó wa hi'iit ar muunuú adór kuduú Eliya nee /uuruuwós, as munér baabi'i ngiwa warqeesi iwa amór na/ií ki/, nee mukdá' iiawaslén nguwa fuqurángw hotaá ganaa'á' i slay, as múk Aako nguwa geerií amohhe'eesi.»

Luka 14:14

Kuúng daqaní amohhooa a sleér, asma kuká' gár ur buiya' i káhh. Bu'utuuwók a bál waasle/uú múk gan'amuú koóm.»

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

Yohana 14:19

Deelór aa met ka ureeká, aníng múk aa haratlintii'iiká i malé ariiká, ala án kuungá' i aandá', asma án a slaáf, nee kuungá' a slafá'.

Rumi 11:15

Asma inooín qoomár kiwa sií', muu sleémeero kuna haraki/ís dír Mungú i alé. Ala qoomár inooín birka ya/án nee Mungú, adoorí gár ni hup a milá? Gár ni hup a slafiíngoóke dír mukdá' aa qatli?

Rumi 8:17

Nee atén barnaxes a na/ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' adór tara slahhaahha'aán dinkwa nee inós. Daqaní atén xirif u slawaán sleeme dinkwa nee inós.

2 Timoteo 2:12

Atén bar aga qiitlaán, a alwaawuti'iimaán dinkwa nee inós sleeme. Atén inós bura sa tlaankaán, inós sleeme atén ti sa tlaank.

Geehhoeemaá 1:2

Nee Yohane muruudá' sleémeero aa ár guri alki/iít. Inós axweesantá Mungú gari lamabu'ún, nee lamabu'úngw Yesu Kristo sleeme.

Geehhoeemaá 1:9

Aníng a Yohane, hhiyaahúng, kudá' aa al dinku'uus nee kuungá' baraá slahh'amaayeero, nee baraá Waawuti'iima, nee baraá qiqtliingw baraá Yesuwo. Qoomarkaaro aníng ana hardáh baraá yaamaá kaahaar awa tla/ángw tlawi, awa ta bay Patmo, as a axweesantá Mungú ngiwa alki/iit nee Yesu nguwa lamabu'uum.

Geehhoeemaá 11:11

Deeloorí tám nee tlaqi iwa waaráhh, qeeruú slafíngw koóm oo amór Mungú daáhh tu'udá' giri i dáh. Inooín tari sihhiít ar ya'aaín. Nee mukdá' xumiís tari ló'wa da'ayuut.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»

Geehhoeemaá 11:7

Ala inooín lamabu'ungw'ín bar ngwa hhe'eesiyé', makiito'oodá' baraá bohóngw aa tsarere'eét daahh, iri sláqw nee inooín, nee inooín giri arbá/ giri tsú/.

Geehhoeemaá 12:11

Inooín sakwasleemusmoodá' kuna arbaá/ ar /uuruú tseerér Deelmoó bee/i nee ar axweesantá lamabu'ungw'ín. Asma inooín slafingw'ín ngwa slai'iiká, tam gwa'ara sleeme ngaa ilaguwi'iiká.

Geehhoeemaá 14:11

Quuír slahh'eemisuuín in tsa/aán gáwtí alé ay alhhe'eesay wasle. Mukdá' makiito'oodá' gaa i tumbarara'amiit, nee murslaaqatuuwose, nee umuúqo heewo oo umuú makiito'oodá' gwa slay tawa layaarós, mukwí amohhooár i slay i káhh tlaatla/aangw nee xweeraawo.»

Geehhoeemaá 15:2

Aluuwo garka ngiri ár, a adór tlawtá gwa/aat adór looár wa ale, ar taa aleedoók nee asla. Mukdá' makiito'oodá' gara baa/, nee murslaaqatuuwós kudae, nee faarór umuuwós kudá', mukwí sleeme una ár. Inooín taa sihhiít gawaá tlawtadá' gwa/aat ar adór looár wa ale. Inooín ta marímbár Mungú kón.

Geehhoeemaá 17:8

Makiito'oodá' taa aán inós geeraawo i deer, ala hamí i káhh. Nee inós i ti'ít baraá bohongwdá' aa tsarere'eét wa ale, nee iri tleér amór qwanaay. Nee múk baraá yaamuú wa hoót, kwí umer'ín taa gooinká baraá kitaábuú slafiingw iimír yaamu kiwa tleehhiiká, inooín ta waa/oo/ qoomár makiito'oodá' bar kaa ár. Asma makiito'oorí geeraawo i deer, ala hamí i káhh, nee aluuwo i hardát.

Geehhoeemaá 2:26

Heedaádá' arba/ati gaa slay, nee adoodá' aníng ni slaa' gari tlehhahhiit ay alhhe'eesaay, aníng heewí u waawutmoó wa qaás daanduú múk xoorduwo.

Geehhoeemaá 20:6

Heé amohhoó' nee heé hhoohhoó' a kudá' dáw baraá waasle/uú geeraawo. Gawaá mukwihe gwa'arár tsár i /uuruú koondaaká. Ala inooín tari kaahamuusér Mungú nee ar Kristo. Nee slám inooín tari waawuti'ii'ín dinkwa nee inós kureeraá kumuú wake.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 4:4

Kitangwduú aleesleemu kiteeraá mibeeri tsár nee tsiyáhh awa hatlá' awa aleesleemu nguna harweeriyé'. Nee gawaá kiteeridá' mibeeri tsár nee tsiyahhe bariisér mibeeri tsár nee tsiyáhh gawaadá' wa iwiiwít. Inooín tlabaá /awak ngaa dahamiisiyé', nee gawaá sager'ine gár naa dahaasiyé' a slam'eeraá sahaábu.

Geehhoeemaá 6:9

Nee Deelmoó bee/i dugnooduú kooán nguwa gweér, aníng qeereemaá muu ina ár baraá guruú kitángw ilahhooa. Mukwí an kudá' taa tsuú/ as axweesantá Mungú nee as lamabu'ungw'ín kudá' taa lamabu'ún.

Geehhoeemaá 7:3

Malaykamoodá' iri oó', «Yaamu mi kwatiitara', laqaá tlawi, laqaá tam xaai, ay dír laya ngay hhe'eesaan qaasaro gawaá gitsee/ér sagadiyuusér Munguúrén.»