Geehhoeemaá 20:3 - Biblía Axweesantá Hhohho' ar Mungú 2004

³ guri kwaáhh baraá bohongwdá' aa tsaree'. Bohongwdá' guri tseék, guri dugnií qaás, as inós múk xoordu munguwa malé al/agín ay dír kureeridá' kumuú wák i boo/iya'. Ala aluuwo gár kuwa hariím a kun gweer har qoomár niinawe.

Ya/abtór hho' 1977

³ guri kwaáhh baraá bohongwdá' aa tsaree'. Bohongwdá' guri tseék, guri kufúlír i qaás, as inós múk xoordu munguwa malé al/agín ay dír kureeridá' kumuú wák i boo/iya'. Ala aluuwo gár kuwa hariím a kun gweer har qoomár niinawe.

Geehhoeemaá 20:3 Iomraidhean Croise

WARA'AMI 90:4

Dír kuunge kureeraá kumuú wák a adór looár wák kilós, adór baalaadár /isá' aa waarahh, a adór xweeraá looár wák.

DANIELI 6:17

Tlaa/ano kuri afkudár tuuntuúk. Waawutmo dugunoowós guri qaás gawaá tlaa/anoodá' nee geeraharuusér hatlá' dugeeni'ín giri qás. Adoorí kana tleéhh as kahhó' Danieli mukuwa /iís tam nee hee gaalá.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 27:66

Tari tláy, duguno kuri qaás gawaá tlaa/adá'. Askaári kari qaás as /aantadá' ngiwa xuun.

Marko 4:15

Dahaasingwdá' aa paahh baraá loohi, an slaqsoó mukdá' axweesantá Mungú gaa axaas, nee Neetlaangw iri hardáh, tidá' taa baraá muner'íní dahaás gari hingeés.

Luka 8:31

Neetlaame Yesu guri harhheehhe'és mingiwa kwaáhh baraá bohóngw qwanaay.

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

2 Petro 3:8

Sla'aaruuser'eé', gaarí wák ma gunqareesara'. Dír Aakoowo deelór wák a adór kureeraá kumuú wák, nee slám kureeraá kumuú wák a adór deelór wák dirose.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 13:14

Nee inós múk baraá yaamuú wa hoót gun paslimís ar layuuwós kudá' i tlehhit dír geeraá makiito'oodár geeraá wa ale. Inós mukdá' baraá yaamuú wa hoót gun babeer, «Murslaaqat tleehhaak oo slaqsoó makiito'oodá' taa inkaahhi'ií qaás ar paánga, nee iri male sláf.»

Geehhoeemaá 17:2

Waawituú baraá yaamu aa fuquús nee inós. Nee mukduú baraá yaamaá hoót kwaa oonitimís ar difaáír tsaatu'uumarós.»

Geehhoeemaá 17:8

Makiito'oodá' taa aán inós geeraawo i deer, ala hamí i káhh. Nee inós i ti'ít baraá bohongwdá' aa tsarere'eét wa ale, nee iri tleér amór qwanaay. Nee múk baraá yaamuú wa hoót, kwí umer'ín taa gooinká baraá kitaábuú slafiingw iimír yaamu kiwa tleehhiiká, inooín ta waa/oo/ qoomár makiito'oodá' bar kaa ár. Asma makiito'oorí geeraawo i deer, ala hamí i káhh, nee aluuwo i hardát.

Geehhoeemaá 20:1

Aluuwo malaykamo nguri ár, i awdiit gawaá doorí wa ale. Malaykamoowí dakose gár i kon a gweermór bohongwdá' aa tsaree', nee himuú muqsli oo taa tlaatlaáw.