Geehhoeemaá 20:2 - Biblía Axweesantá Hhohho' ar Mungú 2004

² Dayshamoodá' úr guri óh, kuduú aáng. Inós an kudá' tlaákw nee Neetlaangw. Guri tseék kureeri kumuú wák,

Ya/abtór hho' 1977

² Dayshimoodá' úr guri óh, dayshimooduú aáng. Inós an Ibilisi nee Neetlaangw. Guri tseék kureeri kumuú wák,

Geehhoeemaá 20:2 Iomraidhean Croise

IIMU/UUNGW 3:1

Ala dayshamo ku ilakahaár ta makaá sla/a sleémeero ba/a, kudá' AAKOÓ Mungú aa tleéhh. Inós /ameeni gari báy, «Xáy, adoorí an adór Mungú aa oói iwa kaahi, ‹Mamaá xaai sleémeero awa baraá asalmií diriiá' mi /ayaara'.› »

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

YOBU 1:7

AAKOÓ MUNGÚ Neetlaangw gway yaahaás, «Kuúng a dáhh?» Neetlaangw AAKOÓ MUNGÚ guri mu/aywaáts, iri oó', «Dír ni daahh a baraá daanduú yaamu nina harweeririím.»

ISAYA 24:22

Sleémeero kiri dinkwárí burumbuur adór múk taa tsegiít, kuri /aytiís baraá bohoongw, Inooín kin tsegiit baraá doó tseegamo alaá deelór hhaawaakahe kiri muux.

ISAYA 27:1

Baalaadae AAKOÓ MUNGÚ makiito'odá' ur ta bay Lewiatani gan muux ar paángarós tidá' yaangariir xaraasl. Inós i ni/iín baraá tlawtá wa ale, a dayshamoó úr oo baraá tlawtá hoót.

ESEKIELI 47:5

Miítár tsiire kooán gari malé qoomeés, nee naxés yaae iri ló'wa tsal'i tleehhít, nee waarahhamuuwo ngiri harslaaqaát. Waarahhamuuwo i ya/aandaaká, aqo hara qumburu/umit.

Matayo 19:29

Slám malé alé umuúqo heewo oo do'ós gwa geexay, laqaá qaymo, laqaá hhiya', laqaá hho'o, laqaá baabá, laqaá aayo, laqaá na/ii, as aníng, muruuwí sleémeero gu sagaáwa tsiiru wa ilaoh, nee slafíngw alhhe'eesay wásl guri aal.

Matayo 8:29

Mukdá' iri tseé', tari oó', «Garmoó Mungú, atén nee kuúng a milá? Nina hardáti as atén tiwa slahh'eemis dír qoomaarén ira xeeriiká?»

Marko 4:15

Dahaasingwdá' aa paahh baraá loohi, an slaqsoó mukdá' axweesantá Mungú gaa axaas, nee Neetlaangw iri hardáh, tidá' taa baraá muner'íní dahaás gari hingeés.

Marko 5:7

iri tseé' ar afór ur i kaahi, «Yésu, Garmoó Munguú Gawa, án nee kuúng a milá? Un firiím ar umuú Mungú, mi slahh'eemisaar.»

Yohana 12:31

Daxta sakwasleemár múk baraaká' yaamu naa xeér. Hám heedá' úr oo yaamuuká' ku tsee/ií kwaahh.

Yohana 16:11

Daanduú sakwasleemaro asma kudaádá' úr oo yaamu kwaa qaroó sakwasleemuút.

Rumi 16:20

Nee Munguúduú wayduú hanmiís, inós kuungá' nu /uurií haniis oo Neetlaangw kuwa nakaa/aruura' ar gaanslaay baraá tsa/a'aá ya'aahúng i alé. Aakoorén Yesu Kristo kuungá' nu tsuuqi.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

2 Petro 2:4

Asma Mungú malaykeedá' tlakweema gaa tlehh, gaa gurtlayká, ala gana kwaáhh baraá bohóngw qwanaay. Tan baraadá' wa hoot, kawa tsegiít nee kawa xun baraá giwtír wa ale, as Deeloodár sakwasleema kawa daamaaran.

Yuda 1:6

Nee malayke sleeme tidá' taa uráy i haniís, uray'ín kudá' taa sláy kwaa gaárií xuiiká, ala didár hotaín wa hariim kari geexáy. Gawaá adoorihe Mungú gari tseék baraá giwti ar tseegamór alhhe'eesay wasl, as kiwa sakwasleemuuti bál deelór sakwasleemár ure.

Geehhoeemaá 12:13

Dayshamoodá' ngiwa ár adór kura kwaáhh baraá yaamií alé, /ameenidá' na/oó garma gwa xwayluur gari gusiisín.

Geehhoeemaá 12:15

Dayshamoodá' ma'aá adór yaae giri baraá afkós wa waá/ alaá /ameenidá' wa ale, as yaaeedá' /ameeni ngiwa hayot.

Geehhoeemaá 12:17

Dayshamoodá' /ameenidá' gari i buúhh, iri slaqwarár áy dír xwaylár /ameenidá', tidá' aa met. Inooín a mukdá' hara'ayár Mungú gaa oh, nee a mukduú lamabu'úngw Yesu gu koóm.

Geehhoeemaá 12:3

Layár hatlá' iri geehhouúr gawaá doorí wa ale. Layaarí a dayshamoó yangaariír oo daa/aát. Dayshamoowí sage ngi kon a faanqw nee xareemi a mibaangw. Nee gawaá sageerose gár i kon a slam'aá faanqw.

Geehhoeemaá 12:4

Hhaysaá dayshamoowí tsatse/uú gawaá doori nguna duuruxuné' nguri kwakwaahhiyé' baraá yaamu. Tsatse/uú taa duuruxún a bartá wák baraá baduudá' tám awa tsatse/uú doori sleémeerowo. Dayshamoodá' iri sihhiít dír geeraá /ameenidá' xwaylár slaa', as na/aywós nguwa gu/i qoomár inós bar na/aay ngwa sangw xwayluúr.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 13:2

Makiito'oodá' naa ár slaqsaywós a adór du'uma. Ya'aawós a adór kudá' makiito'ór ta babay duúbu. Afkós a adór kuduú diraangw. Dayshamoodá' úr makiito'oorí gari /uurií haniís, nee kitaangós oo aleesleemuwo, nee gari aleesleemuú yaariír i haniís.

Geehhoeemaá 13:4

Dayshamoodá' úr kuri sluufmiís asma adoodá' makiito'oodá' ngiwa aleesleemuú i haniís. Makiito'oodá' sleeme kari sluufmiís, tari káh, «Heé slaqás nee makiito'oorí a heemá? Nee slám heé makiito'oorí ga aleesláw slaqwaraaro a heemá?»

Geehhoeemaá 20:10

Nee Neetlaangw, kudá' muu gu al/agagiím, inós kuri kwaáhh baraá tlawtadá' asltá kiberíti iwa ohahiin. Diirí an didá' makiito'oodá' nee aarusmooduú lama sleeme i dirii'iya'. Inooín kiri slahh'eemiis tlaatla/aangw nee xweeraawo ay alhhe'eesay wasle.

Geehhoeemaá 20:7

Nee kureeriiká' kumuú wák barnaxes naa faakiyé', Neetlaangw baldá' ku gweer baraá tseegamoorós tidae.

Geehhoeemaá 9:11

Nee inooín i waawutmoó koná'. Waawutmoowí a malaykamoó bohongwdá' aa tsarere'eet. Umuuwós tsifrír Ebraniaro a Abadoni, nee tsifrír Yunaniro a Apolioni, gídaabárós a Hhitusmo.