Geehhoeemaá 20:12 - Biblía Axweesantá Hhohho' ar Mungú 2004

¹² Múk aa qaatl nguri ár, oo urén nee oo ninakwe. Inooín taa sihhiít dír geeraá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidií alé.

Ya/abtór hho' 1977

¹² Múk aa qaatl nguri ár, oo urén nee oo ninakwe. Inooín taa sihhiít dír geerá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidá' i alé.

Geehhoeemaá 20:12 Iomraidhean Croise

WARA'AMI 28:4

Inooín li/áy bueek ar hariímár tlehhmi'ii'ín, ar hariímár tlakweemaá i tlehhahhitiya'. Li/áy bueek ar hariímár tlehhma'aá dabaaín. Adór kis hariím ti tlehh.

WARA'AMI 62:12

Nee sla'aaridá' warqawaaká i dirók, AAKOÓ MUNGÚ. Asma kuúng umuú heewo un bú' ar adoodá' tlehhmi'iiwós i dirii'iya'.

WARA'AMI 69:28

Xaa fiitseek baraá kitaábuú slafiingo, tam mikiwa gooín dinkwa nee múk hota ganaá'.

AXWEESANOÓ SAGALOOA 24:12

Barnaxes a kat, «Kangwsíng mur xuú'.» Ahaá kudá' inslawaay gwa tleehh kuúng u ga/aykáhe? Ahaá kudá' hhiintluuwók gu de'eém kangwsíng gu xuiikáhe? Ahaá inós umuúqo heewo gu buiikáhe ar harqoomoó tlehhimi'iiwós?

AXWEESANOÓ SAGALOOA 24:29

Ma ooaar, «Tí naxooro a buú' dirósí ale, tlehhmuuwí naa aníng i tleéhh u buú'.»

DAHARUSMO 12:14

Asma Mungú tlehhmi'iirén sleémeero gin sakwasleemuut, tam kudá' taa naaqo tlehhiitaán, tam ki hhó' laqaá ki tlákw.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 32:19

Kuúng an hara'ayusmoó úr nee aleesleemusmo baraá mura' tlehhtuuwo. Ilaawók lohdaá muu ngin ga/ayá', umuú heewo un bú' ar har qoomoó adoodá' hotaawós i dirii'iya', nee adoodá' tlehhmi'iiwós i dirii'iya'.

DANIELI 7:10

Baraá kitangwdae duxuú asla niri waá/, dír geeraawós wa ale. Múk kumér Inós kuri sagadiyuús, slám múk kumér kúm ina geeraawós i sihhiít. Doó kwasleema kawa tleehhi kuri amoohhe'eés nee kitaabi'i kiri gweér.

Matayo 11:22

Ala aníng kuungá' nun baw, bál deelór sakwasleemaro Tiro nee Sidoni a tsiní sakwasleemar'ín kawa ilí oohi, ta kuungane.

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Luka 10:20

Ala ma qwalaala/aara' as adoodá' neetlaame nuwa ilaiwaawa/. Ala na qwalaala/é' as umerhúng kawa gooín gawaá dooriiwo.»

Tlehhema'aá ya/Abuuse 24:15

Aníng a haraxu'utír koóm dír Munguhe, ar múk hhó' nee oo tlakwe tawa waaslee/i. Haraxu'utirí inooín sleeme ngi koná'.

Rumi 2:6

Asma baalaadae Mungú umuúqo heewo gu buu' ar hariímár tlehhmi'iiwós.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

Geehhoeemaá 11:18

Múk xoordu ina buúhh. Ala xarasleemaawók naa hardihiyé'. Nee slám qooma naa hardát ar múk aa qaatl kuwa sakwasleemuuti. Nee slám qooma naa hardát ar sagadiyuuseerók tidár aaruuse kawa bu'utuuínií haniisi, nee mukók kudá' hhohhó', tam mukdá' sleémeero kuúng u ilaiwawaá/, múk urén nee na/iiwo. Nee slám qooma naa hardát ar mukdá' yaamu gi hhititiím kuwa hhitin.»

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 17:8

Makiito'oodá' taa aán inós geeraawo i deer, ala hamí i káhh. Nee inós i ti'ít baraá bohongwdá' aa tsarere'eét wa ale, nee iri tleér amór qwanaay. Nee múk baraá yaamuú wa hoót, kwí umer'ín taa gooinká baraá kitaábuú slafiingw iimír yaamu kiwa tleehhiiká, inooín ta waa/oo/ qoomár makiito'oodá' bar kaa ár. Asma makiito'oorí geeraawo i deer, ala hamí i káhh, nee aluuwo i hardát.

Geehhoeemaá 19:5

Afór baraá kitángw aleesleemuú daahh iri ó', «Munguúrén na diidi'iimisaak, kuungaásingá' sleémeero awa sagadiyuuseerós, kuungaásingá' Munguú ilaiwawa/á/, múk ninákw nee múk urene.»

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.

Geehhoeemaá 20:13

Tlawi múk aa qaatl nguri dúx baraawós wa ale. Gwa'ara nee gi'i múk aa qaatl nguri baraaín wa duxuné'. Mukwí kuri sakwasleemuút umuúqo heewo ar har qoomoó tlehhemi'iiwós.

Geehhoeemaá 20:15

Nee umuúqo heewo oo umuuwós taa gooiniká baraá kitaábuuduú slafiingo, kuri kwaáhh baraá tlawtadá' asla iwa ohahiin.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.

Geehhoeemaá 22:12

«Ga/aaweek, aníng ni hardáh ar gaanslaay, nee slaqwer'eé' i dinkwa nee aníng, as umuúqo heewo nguwa buu' ar adoodá' tlehhmi'iiwós i dirii'iya'.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.