Geehhoeemaá 2:9 - Biblía Axweesantá Hhohho' ar Mungú 2004

⁹ Aníng slahh'amaayeerók a xuú', nee narkuwoge. Ala kuúng a daqaarmo. Nee slám a xuú' /ooslislíngw mukdá' káh, atén a múk Yahudi, ala laatí a inooineeká, ala inooín a múk Neetlángw eeharahár.

Ya/abtór hho' 1977

⁹ Aníng slahha'amaayeerók a xuú', nee liitlakweerók. Ala kuúng a daqaarmo. Nee slám a xuú' /ooslislíngw mukdá' káh, atén a múk Yahudi, ala laatí a inooineeká, ala inooín laatí a múk Neetlángw eeharahaár.

Geehhoeemaá 2:9 Iomraidhean Croise

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Luka 12:21

«Múk daqaari'iimár baraaká' yaamaá leelehhiít, nee laatí inooín dír geeraá Munguhe gár ta kon i káhh, alhhe'eesoó slafingw'ín a adór slafíngw heewí.»

Luka 22:65

Kuri /ooslislín ar /ayma'aá hatlá' awa yaariir.

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,

Luka 6:20

Aluuwo Yesu iri amór eeharuuseerósí qaytsiít, giri báy, «Múk amohhoó' a kuungaásaá narkuute, asma waawuti'iimár Mungú a toohúng.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 26:11

Baraá maraá saaliingo daqtá yaariire múk Mungú una dae tlaáq ar muxta, as Yesu kuwa /ooslislin. Baraá buhhtaaeé' kudaá dakti'iimaro, inooín ina gusiisiím tam ay baraá gixsadaá ayeemaá hatlá'.»

Rumi 12:12

Kuungá' qwalaala/é' baraá haraxu'utír wa aleeró, qiitlé' baraá slahh'amaayerhunge, kumiité' baraá firooro.

Rumi 2:17

Xáy kuúng a adoomá? Kuúng a daara/aán asma tawa heé Yahudi. Kuúng gár ta i tliintí' a hara'ayár Mose. Nee slám kuúng an daara/aán tawa kat, «Aníng a heé Mungú.»

Rumi 5:3

Ala a har adoorí kiloseeká, ala an qwalaala/aán tam baraá slahh'amaayeero sleeme. Asma a xuaán slahh'amaaye gár ni huwahup a qiqtliingw.

Rumi 8:35

Heé atén ti paraátl dír sla'aarír Kristowo a heemá? Gár paraatlaro ti aleeslaw a slahh'amaayeéro? Laqaá a daeéro? Laqaá a gusisiíngo? Nee a qwárko, laqaá a /aankwetsuuwo? Nee a tsaxwaáwo, laqaá tsu/utár paánga?

Rumi 9:6

Ala a ooaaká axweesantá Mungú ina warqeér. Asma múk xoorór Israeli sleémeero a múk Israeli oo kil'eeká.

2 korinto 6:10

Atén ti gurhaamír i qamín, ala laatí atén a múk qwalalaá/ umuú deélooro. Atén a narkuute, ala laatí atén múk yaariír ugwa daqaari'iitisaán. Atén a múk gaa wásl, ala laatí atén mura' sleémeero u koomaán.

2 korinto 8:2

Inooín kaa ló'wa iiara'ár ar slahh'amuudá' yaariír oo taa slasláy. Ala tam adoorihe qwal/uuín ina ló'wa tlaáhh, tam ohmér yaariir kari ló'wa duxún, ala tam inooín a narkuutér kilae.

2 korinto 8:9

Asma kuungá' gurtleemuú Aakoorén Yesu Kristo u xuá' adór inós geeraawo ta daqaarmo, ala iri narkutmo tleehhiít as kuungá', as kuungá' tawa daqaari'ita' ar narkuuwós.

1 Tesalonike 3:4

Qoomaadá' atén tawa dirhúng i kahhaan, atén kuungá' naa qaroó ádbawaán adór slahh'eemis kur slawaán. Nee adoorí an adoodá' aa tleehharut hamí, adoodá' kuungá' kara xué'.

1 Timoteo 1:13

anuúdá' aáng geeraawo inós ugwa /ooslaasliim, nee ugwa gusiisiim, nee ugwa slahh'eemiis. Ala Mungú aníng ina gurtláy, asma tí sleémeero ana tleéhh as xuawasler'eé'. Asma qoomaadae aníng Yesu ugwa haratlinti'iiká.

1 Timoteo 6:18

Inooín masók hhooeema kin tleehh, slám masók tlehhema'aá hho' awa yaariir ki tlehhiit, nee masók a múk gurhhoén oo múk qaqáw muruuine.

Geehhoeemaá 1:9

Aníng a Yohane, hhiyaahúng, kudá' aa al dinku'uus nee kuungá' baraá slahh'amaayeero, nee baraá Waawuti'iima, nee baraá qiqtliingw baraá Yesuwo. Qoomarkaaro aníng ana hardáh baraá yaamaá kaahaar awa tla/ángw tlawi, awa ta bay Patmo, as a axweesantá Mungú ngiwa alki/iit nee Yesu nguwa lamabu'uum.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.

Geehhoeemaá 2:2

Aníng kángw tlehhemi'iiwók u xuú', nee daawitimeerók nee qiqtliingók. Nee slám a xuú' adór múk tlákw sa qiqtliingo kur aleesleeraaká. Slám mukdá' ugwa iiát, kudá' káh, inooín a ya/abuuse, ala laatí a ya/abuuseerooká, kiri tsáhh adór tar lamuuse.

Geehhoeemaá 2:24

«Ala kuungaásingá' aga mete' dír Tiatira, kuungá' intsaahhatimisuuwí tlákw ugwa eehadi'iiká. Kuungá' muruudá' ugwa xui'iiká, kudá' inooín tawa kaahi a lu/aaroó muruú Neetlaangw. Án kuungá' nu baw, án huwár hatlá' ngi qaasaaká daandeemoohúng i aleeró.

Geehhoeemaá 3:9

Ga/aaweek, mukko i deer oo Neetlángw eeharahár. Inooín ta kaahi atén a múk Yahudi, ala laatí a loeká, ala inooín a lamuuse. Aníng mukwí ngu /uurutís as iwa amoorók i hardihi, nee iwa tumbarara'aati dír geeraawók i alé, as inooín ngiwa tsaahhiya' adór aníng kuúng ur slaá'.

Geehhoeemaá 7:14

Aníng nguri báw, «Aáko, kuúng i xú'.» Iri báy, «Mukwí amór i dahhi a baraá slahh'amaayeedá' ur. Nee inooín inqwaruuín kuna hhuúnts nee kuri /awakeemiís ar tseerér Deelmoó bee/i.